Visita organizada polo departamento de Tecnoloxía para alumnado de ESO2.

O bo tempo non acompañou, polo que a visita centrouse nun percorrido polo interior das instalacións do parque.

Alí, o alumnado puido coñecer de primeira man como funcionan os xeradores eólicos, os distintos tipos de placas fotovoltaicas e que fontes de enerxía están involucradas na xeración de electricidade en España. Ademais, experimentaron con pequenos paneis solares para facer uns circuítos nos que se acendía unha pequena lámpada con enerxía xerada pola luz solar.

Por outra banda, tamén puideron visitar unha casa bioclimática na que o aproveitamento dos recursos (electricidade, auga e calor) é máxima, xa que está pensada para minimizar o gasto e optimizar tanto a radiación solar incidente coma o uso da auga nos aseos. Comprobaron que utilizando o o sentido común e con pequenos xestos cotiáns, unha familia pode reducir o consumo enerxético de forma considerable.

Agora toca aplicar o aprendido na casa!

O xoves 18 de xaneiro o alumnado de 2º ESO C e D visitou o parque eólico experimental de Sotavento, situado na Serra da Loba, entre os termos municipais de Xermade (Lugo) e Monfero (A Coruña).
Alí os rapaces e rapazas, ademais de comprender como funcionan os aeroxeradores dos parques eólicos,
puideron coñecer as diferentes fontes de enerxía que se utilizan para producir electricidade no noso país, destacando a importancia das fontes de enerxía renovables.
A última parte da saída estivo enfocada á eficiencia e ao aforro enerxético coa visita a unha vivenda bioclimática, onde lles ensinaron diferentes técnicas para aproveitar ao máximo os recursos naturais dos que dispoñemos na nosa contorna, reducindo deste modo o impacto ambiental e contribuíndo a un desenvolvemento sostible.

Como proxecto final de edición de vídeo co programa Openshot dentro da materia de TIC de 4ºESO  realizáronse curtametraxes e Stop motion. 

 Antes de filmar/captar as imaxes e realizar as gravacións de sons/música, elaboramos un guión e escribimos/debuxamos a stotyboard. 

 Despois editamos usando o programa Openshot.

Organizado polo departamento de Tecnoloxía do noso instituto visitamos o 8 de maio a empresa “Tejas Verea, S.A” que se dedica á fabricación de diversos tipos de tellas localizada en Lanzá (Mesía). Guiados por unha técnica e un técnico visitamos en primeiro lugar a zona de aprovisionamento de material: moenda e mestura de arxilas, xunto coa zona de maduración.

Despois fomos visitar a liña 1 onde se fabrican tellas planas de diversas formas vendo o amasado, extrusionado, secado e cocido dos produtos. Todo o proceso é controlado automaticamente polo sistema industrial SCADA, e incluso puidemos observar a posta a punto dun sistema de control de calidade das tellas planas que funciona por son. Visita moi interesante para ver as aplicacións dos sistemas automáticos de control na industria.

O 8 de maio o alumnado de Tecnoloxía e Enxeñaría I visita a fábrica de tellas que hai en Mesía.

Aproveitando a oferta do Museo Nacional de Ciencia y Tecnología da Coruña, o departamento de Tecnoloxía organizou a asistencia a dúas charlas co grupo da materia de Tecnoloxía e Enxeñería de 1º de BAC e de Electrotecnia de 2º de BAC.

O motivo era a celebración do “Día Internacional da Muller e da Nena na Ciencia”, con dúas vídeo-charlas moi interesantes de dúas enxeñeiras informáticas sobre a discriminación de xénero na Intelixencia Artificial e as investigacións sobre a comunicación cerebro-ordenador .

Organizado polo departamento de Tecnoloxía os alumnos e alumnas de 2º da ESO realizaron unha visita ao MUNCYT da Coruña os días 20 e 21 de decembro de 2022.

Cada día, dividiuse o grupo en dous, realizando dúas actividades. A primeira foi un obradoiro de Óptica e cores, onde se traballou con prismas que descompoñen a luz en colores e hologramas, a partir de pantallas dixitais e outros efectos ópticos.

A segunda actividade foi unha visita guiada ao museo, con especial atención a unha exposición permanente co gallo dos cen anos da táboa periódica con diversas actividades interactivas.

Finalmente, comprobamos que a exposición de inventoras e inventores españois segue a incorporar novos membros.

Álbum: Curso 22-23 -> Visita ao Muncyt- 2º ESO

Os grupos de E2C e E2D visitarán o Muncyt, unha saída organizada polo Departamento de Tecnoloxía.

Os grupos de E2A e E2B visitarán o Muncyt, unha saída organizada polo Departamento de Tecnoloxía.