Club de lectura

Crónica en imaxes dos instantes previos ás reunións do club de lectura de marzo na ESO

Preme na imaxe e navega coas frechas ou visita a galería fotográfica do centro.

Pero que ben alimenta o noso alumnado o corpo e o espírito!

Álbum: Biblioteca -> Club lectura Marzo

Club de lectura xaneiro. Lecturas para unha sobremesa de choiva.

Aínda que fóra caesen chuzos de punta, no interior do instituto reinaba a calidez das lecturas en boa compaña. Compartimos algunhas instantáneas do club de lectura celebrado este martes 22 de xaneiro.

Álbum: Biblioteca -> Club lectura Xaneiro

2ª reunión dos clubes de lectura da ESO 2019

Chega de novo a invasión de lectores/as ao 'Aguiar'. O vindeiro martes 22 de xaneiro, un nutrido grupo de alumnos e alumnas quedarán a comer para, antes das sesións da tarde, charlar acerca das súas impresións das lecturas suxeridas polo club.

club lectura ESO

 

club lectura eso  club lectura eso

CLUB DE LECTURA DE ADULTOS. UNHA TARDE CON ARANTZA PORTABALES

14/01/2019 18:00
Etc/GMT+1
 
 
O Club de lectura Biblos Aguiar conversou con Arantza Portabales arredor da súa novela Deixe a súa mensaxe despois do sinal, nun encontro que resultou especialemente divertido. 
Falamos das mulleres que protagonizan unha novela que non debería ser etiquetada simplistamente como novela feminista ou novela de muller ou para mulleres
Detrás das mensaxes de Marina, Carmela, Sara e Alicia (trasmutada tráxicamente en Viviana) laten vivencias terribles propiciadas polos comportamentos, moitas veces reprobables, dos homes: o mal marido, o perverso tío, o pai egoísta, o pai pusilánime, o fillo entregrado ás boas causas que lle permiten evitar afrontar a súas responsabilidades...
Novela composta por secuencias marcadas cun final efectista (non é un demérito nunha escritora que coñece o éxito do microrrelato), sorprende pola estrutura que deposita un dos sentidos na progresión das interseccións das tramas que conflúen nunha historia caleidoscópica que mesmo podería ser considerado un pequeno tratado sobre as emocións.
 
FRC
 

 

 

 

 

 

 

 
 

CLUB DE LECTURA DE ADULTOS

14/01/2018 18:00
Etc/GMT+1

FRED VARGAS, Cuando sale la reclusa, Siruela, Madrid, 2018, 408 páxinas.

Por causa de forma maior, suspéndese o encontro con Arantza Portabales, previsto para o xoves 20 de decembro. A nova data é a seguinte:

Luns 14 de xaneiro de 2019

19 horas

Tamén podemos xa facer pública a data do encontro e o título da próxima lectura:


ENCONTRO DO CLUB DE LECTURA SOBRE CUANDO SALE LA RECLUSA

Luns 4 de febreiro de 2019

19 horas

Libraría Biblos

Martes 20 de Novembro. 1ª reunión dos clubes de lectura da ESO. Sobremesa lectora no Aguiar.

reunión club lectura eso

O martes 20 de novembro un numeroso grupo de alumnos e alumnas da ESO do IES Francisco Aguiar voltarán, a quedar a comer no Instituto para, qué tolería, comer, pasar un bo rato e....charlar sobre un libro.

Guiados polos profesores do Grupo da Biblioteca relizaránse reunións de grupos de alumnos/as para intercambiar impresións sobre os libros lidos este trimestre.

Para abrir algo de boca, podedes ver de novo, o video resumen, editado por Julián Ferrer, da mesma actividade o curso pasado.

1a Semana de reunións dos clubes de lectura de bacharelato 2018-19 nos recreos

Logo de ler as obras propostas polo clube de lectura de Bacharelato, toca poñer en común os sentimentos, sensacións e impresións da lectura. Para tal fin, diversos grupos de alumnos/as de Bacharelato xuntaránse esta semana nos recreos.

clublecturabac

 

 

 

 

 

 

Luns 19 O vixía no centeo J.D. Salinger
Martes 20 Un animal chamado néboa Ledicia Costas
Mércores 21 1984 George Orwell
Xoves 22 A estrada Cormac McCarthy
Venres 23    
Venres 23 O curioso incidente do can a media noite Haddon Mark

 

 

Club de lectura Biblos Aguiar 2018-2019

Quin Buchholz

 

 

 

Este é o sexto curso de existencia do Club de Lectura Biblos Aguiar.
Próximamente comezará o reparto do primeiro libro que compartiremos nun Club ao que tod@s están convidad@s.

As reunións teñen lugar na xenerosa Libraría Biblos de Betanzos, normalmente un luns de cada mes a partir das 19 horas, excepto cando ese día da semana non lle convén ao autor do libro lido.
No curso anterior, tivemos a sorte de conversar con Eli Ríos, Sergio del Molino, Marcos Calveiro e Miguelanxo Prado.

Para sumarse ao Club, basta con enviar un correo a bibliofranciscoaguiar@gmail.com ou manifestar ese desexo na propia Libraría Biblos.

Ilustración: Quint Buchholz

 

 

 

 

Distribuir contido