Club de lectura

ENCONTRO CON THEODOR KALLIFATIDES NA AULA DE CULTURA DE BETANZOS

02/05/2022 10:19
Europe/Andorra
 
 

   

   O próximo xoves 5 de maio ás 19 horas, na Aula de Cultura do Concello de Betanzos, teremos a sorte de compartir conversa con Theodor Kallifatides. 

   
   A reunión está aberta, ata contemplar aforo, a todas as persoas interesadas na literatura e na defensa dos estudos clásicos. 
   
   Organizan: IES Francisco Aguiar, SEEC Galicia e S.O.S. Clásicas.
   

   Colaboran: Fundación Luis Seoane, Concello de Betanzos, Galaxia Gutenberg e Libraría Biblos.   

Xuntanzas do club de lectura

Os días 21 e 22  de febreiro desenvolveuse a segunda xeira de xuntanzas dos clubs de lectura no Instituto. 

O día 21, na Biblioteca e  organizada por Francisco Coloma, tivo lugar a terceira reunión do grupo  de adultos . Nesta ocasión arredor da  obra El día de mañana  do escritor Ignacio Martínez de Pisón . 

No mediodía do día 22 celebráronse por segunda vez as xuntanzas simultáneas dos  diferentes grupos de lectores. Estes foron os libros :

 

GRUPO

LIBRO

PROFESOR/A

1º ESO ( grupo 1)

Tras a sombra do bruxo

Francisco Díaz Valladares

Mª José Pardo

1º ESO ( grupo 2)

As flores radioactivas

Agustín Fernández Paz

Irene Olveira

1º ESO  ( grupo 3)

A chamada da selva

Jack London

Elvira Castro

2º ESO  ( Grupo 1)

Penúltimas tendencias

Carlos Negro

Alba Alonso

2º ESO ( Grupo 2)

Un monstro vén a verme

Patrick Ness

Óscar García

3º e 4º de ESO

Palabras envelenadas

Maite Carranza

David del Río

1º Bacharelato

O cervo e a sombra

Diego Ameixeiras

Ana Camiño

Ciclo FP

La chica del abrigo azul

Mónica Hesse

Manuel Magariños

1º BAC - FRANCÉS

On a volé Mona Lisa

 

Beatriz Muíño

 

Algunhas das lectoras  da obra de Carlos Negro Penúltimas tendencias , coa dirección de Alba Alonso, fixeron esta  reivindicativa versión coas pandeiretas:
 
  GUAPA Y A LA ÚLTIMA

Esas revistas do quiosco,

tan superpop e megafashion,

nunca permiten

que e poña guapa

con seseo e con gheada.

 

Esas revistas do quiosco,

tan superpop e megafashion,

nunca aconsellan

que e probe un vestido

coas cores das xestas.

 

Esas revistas do quiosco,

tan superpop e megafashion,

nunca comprenden

que ande descalza

e coa lingua

solta.

 

Carlos Negro en Penúltimas tendencias

 

Actividades na biblioteca

Álbum: \Curso 2021-2022 -> ACTIVIDADES DA BIBLIOTECA

Xuntanza do Club de Lectura

Álbum: Club de Lectura 21-22 -> Primeira xuntanza

Entrega de premios do ''Concurso de Relatos de Terror'' organizado pola Biblioteca este Samaín

Esta mañá o equipo da Biblioteca entregou o premio do "Concurso de Relatos de Terror". O conto titulado "A vella do gato", escrito por Pablo Bugallo Carro de 1º de ESO , foi o gañador da edición do concurso este Samaín.

Moitos parabéns , Pablo!!!

Álbum: Club de Lectura 21-22 -> Entrega de premios relatos de terror

CLUB DE LECTURA DE ADULTOS

25/10/2021 17:03
Europe/Andorra

 

 
 

 

    No curso 2013/2014 o noso IES comezou a feliz aventura dos Clubs de Lectura, unha aventura que o día 20 de marzo de 2014 se extendeu aos adultos que manteñen ou mantiñan algún vínculo co noso Instituto. Desde ese día celebramos durante o curso unha reunión mensual na Libraría Biblos arredor dun libro. 
   Tivemos a sorte, moitas veces, de contar coa visita cos autores das novelas elexidas: Cristiana Sánchez-Andrade (Las inviernas), Anxos Sumai (Así nacen as baleas), Celso Castro (entre culebras y extraños), Raquel Vázquez (La ocarina del tiempo), Antonio Altarriba e Kim (El arte de volar), Antón Riveiro Coello (A ferida do vento), Inma López Silva (Aqueles días en que eramos malas), Eli Ríos (Luns), Sergio del Molino (La mirada de los peces), Marcos Calveiro (O xardineiro dos ingleses), Miguelanxo Prado (Presas fáciles), Arantxa Portabales (Deixe a súa mensaje despois do sinal), Antón Lopo (Extraordinario), Andrés Neuman (Hacerse el muerto), Raquel Vázquez (Paralelo 36), José Ovejero (Insurrección) e Arantxa Portabales (Beleza vermella).
   
 Tras a paréntese aberta, lamentablemente, en marzo de 2020, pretendemos reiniciar esta actividade volvendo á Libraría Biblos.

   As persoas interesadas en sumarse ao Club deben enviar un correo a bibliofranciscoaguiar@gmail.com co asunto Alta Club de Lectura indicando no corpo do correo o interese en participar. 
 
  A mecánica de reunións alterna os encontros cos autores coa lectura doutras obras.
 
  Para a primeira sesión mensual, esperamos poñer á disposición dos lectores, exemplares da novela Las lealtades de Delphine de Vigan.
   
   O día da reunión do Club de Lectura os lectores poderán mercar, na Libraría Biblos, os próximos libros a ler: entre as débedas pendentes por mor da pandemia, o último premio Nacional de Narrativa: Virtudes (e misterios) de Xesús Fraga, a novela gráfica Os contos da néboa, de Laura Suárez, e Infelices de Javier Peña.
Equipo da Biblioteca
 

Álbum fotográfico da pasada sesión do #clubdelectura do 19 de novembro de 2019

 

Premede nas frechas para navegar polas fotografías ou visitade o álbum da actividade na galería fotográfica do centro.

Álbum: Club lectura 2019-2020 -> 19 Novembro

1ª reunión do club de lectura 'Máis de cen ás para voar' curso 2019-20

19/11/2019 14:15
Etc/GMT+1

As reunións do club de lectura 'Mais de cen ás para voar' promovidas polo profesorado do IES Francisco Aguiar ocorren en martes sinalados na que o alumnado do club come no centro e comparte sobremesa literaria cos seus compañeiros e profesores.

reunións do club de lectura

 

 

Distribuir contido