*
ENCONTRO CON JOSÉ OVEJERO
JOSÉ OVEJERO, Vibración, Galaxia Gutenberg, Barcelona, 2024, 368 páxinas.
HORA DE LER
O acto de ler...
Unha actividade que os escritores non abandonarán na súa vida.
Ler é o preámbulo á posibilidade de escribir.
Todas as obras que escribiron José Ovejero ou Ismael Ramos nacen dun maxín que foi alimentado polas vivencias persoais e .... as lecturas previas.
Contos musicados
O alumnado de 1º de Bacharelato de Obradoiro Musical acudiu ao CEIP Vales Villamarín, onde representaron unha serie de contos musicados para o alumnado de 3 e 4 anos de infantil.
Traballaron no guión, na interpretación, na música e no atrezzo. Ao final da representación, amosaron os instrumentos e os diferentes tipos de marionetas empregados. A experiencia foi moi enriquecedora e todo un éxito. Tanto, que á volta de vacacións repetiremos para o último curso de infantil.
Parabéns polo traballo tan ben feito!
HORA DE LER
Doutro lado do cristal, ao abrigo da chuvia e o frío...
Nas mans, as historias de Marica Campo ou Vicente Gallego.
Intercambio co Liceo Statale Alessandro Volta
Enviado por laurateacher o Dom, 10/03/2024 - 16:55Durante unha semana, 12 alumn@s italianos de Colle di Val d'Elsa conviviron con 15 estudantes do noso IES no marco dun intercambio escolar.
Hoxe foi o día do "Ci vediamo presto!" no aeroporto, xa que en menos dun mes serán os galegos os que visiten a Toscana para aprender do seu sistema educativo, da súa cultura e da súa arte.
Ata entón, poderemos gozar dos recordos resumidos neste pequeno álbum de fotos.
HORA DE LER
Inauguración da exposición 12 miradas en feminino
Este venres inaugurouse a exposición fotográfica 12 miradas en feminino. As fotógrafas Ana Tomé e María Varela explicáronlle ao alumnado presente a orixe do proxecto: honrar a mulleres pioneiras, creadoras, únicas, que a historia non promociounou.
A exposición conta con códigos QR a través dos que se pode acceder a información sobre cada unha das fotógrafas.
Esta exposición será parte das actividades no centro polo 8M.
Bandas musicais- entrevistas en música bilingüe
Velaiquí unha pequena mostra do traballo do 2º de ESO na clase de música bilingüe.
En grupos, crearon bandas de diferentes estilos musicais e deseñaron preguntas para entrevistarse en inglés, coa axuda da asistente de lingua, Gabrielle.
O resultado, ademais de ser educativo, foi divertidísimo!
Club de Ciencia - Corte coa Mr. Beam
Enviado por laurateacher o Ven, 01/03/2024 - 17:45
Nesta ocasión o departamento de tecnoloxía do IES Francisco Aguiar ven de rematar unha actividade realizada co alumnado de 1º da ESO.
Durante dúas sesións, deseñaron un calendario-puzzle chamado "un puzzle ó día", que consiste nun calendario universal no que están representados os nomes dos meses xunto cos días do 1 ó 31 e que a maiores consta de oito pezas dun puzzle deseñadas de tal xeito que a colocación estratéxica das pezas ten que ocultar todos os meses e os números de día agás o mes e o día da data actual. Deste xeito o calendario-puzzle ofrece un desafío diario de como colocar as 8 pezas do puzzle para amosar só a data do día, o que se traduce en 365 desafíos ó ano.
O alumnado deseñou e decorou cadanseu calendario que logo foi gravado e cortado utilizando cartón reciclado e a cortadora láser dos Polos Creativos.