Normalización Lingüística
24 de febreiro, día de Rosalía
Mañá, 24 de febreiro, cúmprense 184 anos do nacemento da nosa maior poeta, Rosalía Castro.
O alumnado de Lingua Galega e Literatura dos grupos de 3ºA e 3ºB fixo un vídeo cos seus poemas recitados para celebrar o
Día de Rosalía.
Achegándonos á palabra: obradoiro literario
"Achegándonos á palabra" é un obradoiro literario, impartido polo Grupo Apiario e organizado polo Departamento Didáctico de Normalización lingüística.
O obxectivo é traballar a competencia artística e lingüística do noso alumnado, traballando a lingua escrita.
O obradoiro desenvolverase o 25 de novembro e está destinado aos grupos de 3º C e 3º D de ESO.
"Carvalho Calero: un espazo, un tempo, un creador".
Obradoiro que quere dar a coñecer ao alumnado de 1º de BAC D e E a figura homenaxeada no Día das Letras Galega 2019.
24 de febreiro Día de Rosalía no 'Aguiar'
 |
 |
 |
 |
Hoxe foron varias as actividades desenvoltas para conmemorar o día de Rosalía no Aguiar, primeiro o espectáculo teatral 'Sempre Rosalía' de Producións Dispersas para 1º BAC e 4º e 3º da ESO, organizado polo Departamento de Normalización Lingüística en colaboración con Concello de Betanzos.
Os de 1º e 2º da ESO tiveron a lectura dunha escolma de poemas preparados na titoría polo alumnado de 4º D con Natalia Pou.
Tamén temos os corredores adornados con produccións do alumnado de 4º ESO e a saída poética do alumnado de 4ºB por Betanzos repartindo caraveis e poemas de balde.
 |
 |
 |
 |
 |
28 de febreiro Día de Rosalía no 'Aguiar' Espéctáculo 'Sempre Rosalía' de Produccións dispersas para 1º BAC, 4º e 3º ESO
Espectáculo de 20 minutos de duración para cada grupo. No salón de actos, a compañía teatral Produccións Dispersas realizará 3 pases do seu espectáculo 'Sempre Rosalía' nos seguintes horarios/turnos:
| Curso | Sesión |
| 1º BAC | 1ª sesión ás 8:45 |
| 4º ESO | 2ª sesión ás 9:35 |
| 3º ESO | 3ª sesión ás 10:40 |
"Música e lingua, repaso da nosa música contemporánea e o papel da muller nel" no Liceo para os 1º de BAC
|
|
Venres 18 de outubro de 2019
O alumnado de 1º de BAC asistirá a unha actividade de dinamización lingüística, proposta polo Concello de Betanzos,co título "Música e lingua, repaso da nosa música contemporánea e o papel da muller nel". O evento terá lugar ás 12:00 da mañá no aula de Cultura Xulio Cuns do Edificio Liceo e estará ofrecida polo grupo galego Zenzar. O alumnado desfrutará, en primeiro lugar, dunha vídeo-charla con membros do grupo, falando da historia do rock en galego como elemento dinamizador da lingua na nosa cultura. Dentro desta parte faráse unha pequena introspectiva do que é o papel da muller na música galega, coas ilustracións de Laura Romero, creadora do proxecto "Músicas galegas ilustradas". A segunda parte será un concerto a cargo de Zenzar.
|
ban-de nº12 revista de banda deseñada do IES Francisco Aguiar #Betanzos800 #normalizaciónlingüística
Ola a todos! Xa estamos aquí de novo, un ano máis, para presentarvos o novo número de BD, a revista de banda deseñada do IES Francisco Aguiar. Este é un ano especial: Betanzos cumpre 800 anos e BD… vai camiño deles, de momento xa levamos 12, que non está mal.
O principal obxectivo do Equipo de Normalización e Dinamización Lingüística deste instituto é facer chegar e espallar a nosa lingua e a nosa cultura a todos os integrantes
da comunidade educativa; para tal fin entendemos que unha revista na que colaboran os alumnos e alumnas deste centro serve de forma atractiva e lúdica ao noso proxecto.
Como estamos de celebración, neste número ides atopar unha mostra de traballos que teñen como fío argumental a conmemoración dos 800 anos de vida de Betanzos. Son parte do traballo realizado polo alumnado de 3º ESO na área de Educación Plástica e Visual.
E como estamos soprando velas na nosa cidade, tamén lle dedicamos un apartado especial a outros aniversarios: os 90 anos de Popeye e Mickey Mouse, e os 60 de Mortadelo e Filemón (aínda que este, en realidade, foi o ano pasado).
Como vén sendo habitual, DB difunde a obra de autores importantes da banda deseñada. Dado que este número é unha homenaxe a Betanzos, faremos un percorrido polo traballo do noso autor máis recoñecido: Xosé Tomás.
En fin, esperamos que este pequeno traballo sexa do voso agrado, e ata o ano que vén, que celebraremos... 801 anos!
Preme na imaxe ou aquí para acceder á revista
Día das #letrasgalegas 2019: A figura de 'Antón Fraguas' narrado para os 2º da ESO
Xoves 16 de maio de 2019.
De 10:40 a 11:30, no salón de actos, a actriz e contadora de historias, Soledad Felloza co espectáculo 'Do teu xardín', acerca ao alumnado dos 2º da ESO a figura de Antón Fraguas, homenaxeado neste día das letras galegas 2019.
