No día de onte, os grupos de E2B e E2D saíron de excursión á zona da Ponte de Porco, en Miño e aproveitaron para baixar á praia.

Álbum: \Curso 2021-2022 -> Saída de Miño

Nestes arquivos de imaxe e audio poden seguirse os traballos realizados no marco do Proxeto Terra por parte do Departamento de Educuación Plástica e Visual durante o curso 2021/2022.

Álbum: \Curso 2021-2022 -> Proxecto Terra

O Equipo de Normalización e Dinamización Lingüística do IES Francisco Aguiar publicou, un ano máis, a súa revista de banda deseñada, Ban-De, dedicada este ano ao debuxante arxentino Quino. 

A Empresa Gilsanz (á que agradecemos o servizo gratuito de transporte ao Campus da Coruña) comunica que o horario de saída da Avenida da Coruña (diante do Instituto) será ás 7:30 horas.
Esta é a única maneira que lle permite poder compatibilizar esta viaxe a Coruña cos seus servizos de transporte.

O Departamento de Xeografía e Historia organizou unha saída ao castro musealizado de Viladonga, en Castro de Rei (Lugo) o pasado 10 de maio.

Álbum: \Curso 2021-2022 -> Excursión E1C/D ao castro de Viladonga

A Dirección Xeral de Centros e Recursos Humanos publicou a Orde do 29 de abril de 2022, pola que se regula a participación no fondo solidario de libros de texto. Esa orde convoca axudas para adquirir libros de texto, pero tamén material escolar.

As axudas son para o alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/2023, que saíu publicada no Diario Oficial de Galicia o día 18 de maio de 2022.

As instrucións poden consultarse no seguinte enlace.

Vén de ser publicada a convocatoria dos Premios Extraordinarios de Bacharelato.

Pódense consultar os requisitos, o prazo e presentación de solicitudes, etcétera, neste enlace.

Ana Vilela,  adestradora de ximnasia rítmica e xuíza pertencente ao club "Volvoreta", de Begonte, e  que se encontra realizando as prácticas do máster de profesorado de secundaria no IES Francisco Aguiar, impartiu durante a semana pasada unhas sesións de iniciación á Ximnasia Rítmica para o alumnado de 1º e 2º de ESO.
O alumnado iniciouse no uso da bóla, a fita, as mazas e os aros, resultando unha actividade novidosa e enriquecedora.

Álbum: \Curso 2021-2022 -> Ximnasia rítmica

O pasado 27 de abril o alumnado de 2B e 2C asistiu a un concerto de vento metal no Conservatorio Profesional da Coruña. Repasamos os compoñentes do quinteto de metais, escoitamos música de varias épocas e mesmo acompañamos aos músicos coas palmas e os pés.

Para finalizar, vimos un corto de Mickey Mouse con música en directo. Foi unha experiencia moi positiva!

Álbum: \Curso 2021-2022 -> Saída ao Conservatorio Profesional

A serra do Forgoselo, no concello de San Sadurniño, atópase no extremo sur do proxecto de xeoparque Cabo Ortegal. Os fenómenos graníticos como pedras cabaleiras e abaladoiras, birlos, pías e cacholas obsérvanse en todo o macizo, onde tamén se atopan lagoas e turbeiras naturais. Está declarado Lugar de Interés Comunitario.

Álbum: \Curso 2021-2022 -> Serra do Forgoselo