Na foto pódese ver o mural elaborada pola responsábel da biblioteca escolar, a profesora Alba A., para celebrar o día 8 de Marzo.

O mural está á entrada da biblioteca e nel hai información sobre o sentido quen para o movemento feminista a cor morada, a orige da efeméride do 8 de marzo, etcétera e tamén algúns libros sobre feminismo que temos na biblioteca.

O alumnado pode participar no mural, deixando as súas achegas ás preguntas propostas. 

A Consellaría de Educación promove o deporte xuvenil a través do programa "Xogade". Unha das iniciativas consiste na celebración dunhas xornadas dedicadas ao Fútbol Sala feminino.

Na primeira das xornadas, celebrada o pasado 19 de xaneiro, unha selección de alumnas de 2º de ESO do IES Francisco Aguiar participou en varios partidos, na categoría Infantil e Cadete, no Polideportivo de Monfero.

Álbum: Curso 22-23 -> Xornada Fútbol Sala Feminino - "Xogade"

Nestes arquivos de imaxe e audio poden seguirse os traballos realizados no marco do Proxeto Terra por parte do Departamento de Educuación Plástica e Visual durante o curso 2021/2022.

Álbum: Curso 2021-2022 -> Proxecto Terra

O pasado martes 21 de decembro o alumnado de 3º ESO visitou o Museo Nacional de Ciencia y Tecnología ( MUNCYT) na Coruña.

O departamento de Tecnoloxía organizou dúas quendas durante a mañá, cada unha de cincuenta alumnos e alumnas.

A visita constaba dun obradoiro de Nanotecnoloxía (onde tamén realizaron esferificacións con alginto sódico e cloruro cálcico) e un percorrido guiado por algunhas exposicións do museo, con especial interese polas salas dedicadas ás inventoras e inventores españois.

O día 17 de decembro os grupos de 4º de ESO visitarán o Espazo Xove para recibir unha charla impartida pola psicóloga clínica Sara Purcell Sobrino orientada á saúde mental na era poscovid.

Os grupos de 1º de ESO sairán do instituto e realizarán actividade deportiva na controna do Pasatempo.

Búscase iniciar o alumnado nas carreiras de orientación e ensinar a interpretar mapas, escalas, simboloxía, etc.

O alumnado de 2ºC de ESO da materia de Programación acudirá ao evento Galicia Gamer no Espazo Xove.

Publicamos as fotos realizadas polo Departamento de filosofía no marco da celebración no noso instituto do Día da Filosofía, o 18 de novembro.

"A liberdade consiste en sermos donos da propia vida" (Platón)

Álbum: Curso 2021-2022 -> Día da Filosofía_2021

O alumnado de 2º ano do Ciclo Formativo de Xestión de Vendas saiu onte a dar un paseo formativo polo centro urbano de Betanzos  para coñecer a realidade do tecido comercial da vila.

O grupo visitou o mercado de produtos ecolóxicos, de tempada e tamén o mercado  de abastos.

O obxectivo é que o alumnado coñeza e poña en valor a importancia que ten o comercio local e de proximidade, que  promove unha economía  máis sostible, xusta e equilibrada e contribúe a soster e mellorar a rendibilidade económica da vila.

O martes 21 de decembro o alumnado de Tecnoloxía de 3º de ESO visitará en dúas quendas o Museo de Ciencia e Tecnoloxía, na Coruña.