Animación á lectura

#lecturasnaxanela 23 de abril Día Internacional do libro

Outros anos, unha das actividades coas que preparábamos no Aguiar o día do libro, era pedir ao noso alumnado fotos súas e das súas lecturas. Enchíamos os corredores do centro con elas. Este atípico curso, tivemos que darlle a volta á tortilla, e ser maioritariamente os profesores, os que vos fixéramos chegar as nosas fotos lendo. Porque a compañía dos libros pode axudar a sobrelevar o confinamento, e porque bótasevos en falta.

Gracias a todos os compañeiros, ex-compañeiros, ex-alumnado e alumnado que nos achegou a súa foto lectora. E tí, alumno/a que fixeches unha e aínda non puideches achegárnola, non o dubides, sempre é tempo de facelo, aínda que xa pasara o día.

Preme na imaxe e navega coas frechas ou visita o álbum na galería fotográfica do centro.

Álbum: Biblioteca 19-20 -> #lecturasnaxanela 23 abril dia do libro

HORA DE LER

HORA DE LER

22ª SEMANA [4ª SESIÓN]
 
Non caben na carta (que está a ler a muller que pintara Johannes Vermeer) os relatos de Berta Dávila e Samanta Schweblin, pero de seguro que moitas das personaxes sobre as que elas escriben son mulleres que veñen de recibir unha carta que ben pode cambiarlles a vida.

 

Sobre mulleres, ciencia e cómic, incluimos tamén unha recomendación en forma de cómic con licencia creative commons: 'Mujeres científicas' da ilustradora Raquel García Ulldemolins, Este tebeo, de 32 páxinas, pode descargarse en formato pdf en resolución media (9Mb) ou en alta resolución (41Mb).

HORA DE LER

 

 HORA DE LER 



19ª SEMANA [1ª SESIÓN]
 


Entroido, antroido, entroito...  son nomes que proceden do termo latino Introitus: entrada. O termo carnaval procede de expresión Carne vale (adeus á carne).
 
   No Libro de Buen Amor, un texto do século XIV aparecen mencionados por primeira vez, nunha obra literaria, Don Carnal e Doña Cuaresma. Este episodio é unha alegoría que representa ás Carnestolendas como Don Carnal, un home mundano e amante dos praceres, e do outro lado a Cuaresma como Doña Cuaresma, muller recta e pura.
   Ademáis desta proposta informativa para disfrazarmos con fundamento neste tempo, tamén quedan a disposición do lector un relato de Carlos Casares e unha antoloxía de poesía amorosa de Jorge Reichmann.
 
 
Ilustración: Vittore Carpaccio
 

Videocrítica 'Palabras envelenadas' de Maite Carranza por Eva de 4º ESO

Continuamos o capítulo de videocríticas de literatura en galego que o alumnado de 4º da ESO está a facer ca súa profesora Carmen Suárez. Hoxe tócalle o turno  a Eva que nos recomenda a lectura de 'Palabras envelenadas' de Maite Carranza.

Video crítica 'Kafka e a boneca viaxeira' de Jordi Sierra i Fabra por Misma alumna de 4º de ESO

O departamento de Lingua Galega e Literatura, da man de Carmen Suárez, sorpréndenos este curso coa realización de videocríticas co alumnado. Os alumnos/as recomendan aos seus amigos e ao público en xeral, lecturas que eles mesmos desfrutaron.

Hoxe queremos facer público o traballo de Misma que, con moita naturalidade e soltura, comparte con nós a súa impresión acerca de 'Kafka e a boneca viaxeira' de Jordi Sierra i Fabra

HORA DE LER

 

 HORA DE LER
 
 
18ª SEMANA [6ª SESIÓN]
 
O próximo venres a nosa ex alumna Raquel Vázquez falará sobre a súa poesía e a súa narrativa cos alumnos de Literatura Universal. Eles tiveron a sorte de ler algúns dos poemas do poemario Aunque los mapas, que próximamente será editado por Visor, pois mereceu o XXXII Premio Internacional de Poesía FUNDACIÓN LOEWE a la Creación Joven.
 
As suxestións de lectura desta semana son dúas obras de Raquel: o relato Raíl invisible e o poema co que gañou o VIII Concurso de Creación Literaria de Betanzos na categoría libre.

HORA DE LER

HORA DE LER 

17ª SEMANA [5ª SESIÓN]
 

Johannes Veermer no seu óleo Brieflezend meisje bij het venster plasma con toda a sutileza o momento no que a rapaza está a ler a carta. O que contempla o cadro tamén pode ver como a luz penetra na estancia reflectindo o rostro da lectora nos cristais. 

Esta semana os nosos lectores poden atopar esa superposición de planos nos relatos de Raquel Vázquez Anxos Sumai.

HORA DE LER

HORA DE LER 

 

14ª SEMANA [2ª SESIÓN] 
 
 
Na tarde de hoxe luns, día no que o Club de Lectura Biblos Aguiar falará con Arantza Portabales sobre a súa novela Beleza vermella, quedan como proposta de lectura unha antoloxía dos seus relatos, textos preferentemente curtos, e unhas fábulas de Esopo.

HORA DE LER

 
HORA DE LER 
 
13ª SEMANA [1ª SESIÓN]

 

Un dos nosos desexos para este ano 2020 é seguir a ler coa mesma paixón.
As suxestións desta semana son una selección de poemas de Carlos Negro e un relato de Ignacio Martínez de Pisón.

 

Ilustración: Quint Buchholz

Propostas lectoras para o nadal do equipo Biblioteca

O equipo da Biblioteca encheu o vestíbulo do edificio principal cunha chea de propostas lectoras. 

Porque....

nun libro caben todos os agasallos.

No Nadal, regala libros.

No Nadal regala
libros IES Francisco Aguiar
Distribuir contido