Animación á lectura

HORA DE LER

24/10/2020 21:00
Europe/Andorra

 

 

HORA DE LER

 

3ª SEMANA [3ª SESIÓN]

 

O pasado sábado 24 de outubro celebramos o Día da Biblioteca.

Hoxe, tendo entre as mans os relatos deAna María Matute ou Stephen Dixon, podemos ter presentes as palabras da literata arxentina Jeannette L. Clariond: «Somos cando comezamos a leer. Existimos cando aprendemos a lernos». 

 

Lendo somos libres, somos libro.

#DíaDasBibliotecas #SempreAoTeuCarón: DÍA DAS BIBLIOTECAS

24/10/2020 12:29
Europe/Andorra

 


 

 

 

#DíaDasBibliotecas #SempreAoTeuCarón 
 

 

    Unha biblioteca é un mapa do mundo onde cada individuo ten unha camisa mnemónica, chea de sutís trazos, códigos indescifrables, segredos para lubricar a alma, tónicos para a intelixencia e máquinas da mente con que nutrir a vesania. 
   Unha biblioteca é unha paisaxe, chea de harmonía, onde, en ocasións, as nubes non deixan ver o ceo, e unha floresta verde e luxuriante, inzada de perigos, que pon asombro e medo, o pánico estarrecedor e a atracción morbosa que infunde o caos.
   Unha biblioteca tamén é unha xerarquía, onde ningún individuo ten o mesmo valor, nin o mesmo peso, nin inspira o mesmo afecto ca outro. 
   Nunha biblioteca, o poeta, inspiradísimo, conversaba cos difuntos e escoitaba cos ollos os mortos, pois, ante todo, unha biblioteca é un sanctasanctórum onde toda metáfora ten asento, toda reverencia espazo, ocasión todo coñecemento, toda luz e toda sombra o seu momento. Hai, entre as pantasmas e saudades do tempo, deambulando entre vellos mamotretos e volumes estantarelados, un cativo de pelo roxo que lembra, cunha melancolía espesa como o mel de montaña, o arrecendo dunha biblioteca pública onde vivían Haddock e Tintín, Marsupilami, Jean Valjean, o último dos mohicanos, Asurancetúrix e a galaxia infinita da Enciclopedia Espasa. Acaso o cativo coceu o seu amor aos libros ao lume de merendas de pan de molete e chocolate duro, no mundo en branco e negro dun universo escaso e municipal, malia unidades de destino chamadas a máis grandes alcances.
   Unha biblioteca é, segundo se escoite, un coro de afinadas voces, nobres e sublimes, erguidas ao ceo como columnas de basalto, ou o pandemonio de milleiros de alaridos desgarrados, as voces do averno e do sufrimento. 
   Latexa nunha biblioteca o consello dos amigos, verdadeiros uns, prudentes e asisados, falsos e mentireiros outros, dobres como un espellismo. 
   Unha biblioteca vive espiritualmente, palpita e medra na medida do amor de quen a alimenta, como as plantas en maceta. Non existe armadura electrónica nin bastidor tecnolóxico capaces de conter tanta vida nin de alentar tanto sentimento, pois, tal que ocorre con todo o que é único, fermoso e imperfecto, unha biblioteca está chamada a desaparecer. Como os escravos no mundo antigo, tamén as bibliotecas se herdan e, tamén como os escravos, os seus individuos agardan unha manumisión que tal vez nunca chegue.
 

CONCURSO DE RELATOS DE TERROR

21/10/2020 17:00
Europe/Andorra

 

O Equipo da Biblioteca Sebastián Buedo Jiménez organiza un concurso de relatos e, por iso, que ben encaixan os microrrelatos: son tantos os expertos e as expertas que dominan as estratexias narrativas da condensación!
 
Unha antoloxía dos mellores textos constituirá a proposta de lectura na primeira semana de novembro.
 
Probablemente, haberá outros agasallos, entre os que non poderán faltar os caramelos.
 
***
 
Recepción dos traballos:
 
a) bibliofranciscoaguiar@gmail.com [Asunto: Concurso de relatos de terror] Doc anexo.
 
b) profesorado de Lingua galega e Lingua castelá.

HORA DE LER

17/10/2020 19:08
Europe/Andorra

 


 

 

HORA DE LER

2ª SEMANA [2ª SESIÓN]

 

Cavilando, pode ser, sobre as mesmas sensacións que a lectora pintada por Shelley Thayer Layton, repensamos esas palabras lidas nos textos de Almudena Grandes ou Miguel-Anxo Murado, para volver aos misterios que tornan en algo tan real toda ficción.

 

HORA DE LER

12/10/2020 21:04
Europe/Andorra

 

 

1ª Semana

[1ª Sesión]

 

Como ven sendo costume desde fai tantos anos xa, retornamos a ler, adicando os quince primeiros minutos da primeira sesión. Cada lectora ou lector pode traer da súa casa un libro, unha revista ou novela gráfica...

Para os que esquecezan traerlos (ou para os que acepten o reto) quedan dúas suxestións de lectura: unha selección de poemas de Wislawa Szymborska e outra pequena antoloxía de Louise Glück, as dúas últimas poetas merecedoras do Premio Nobel de Literatura (Symborska en 1996, Glück no 2020): poesía transparente para tempos de pandemia e mascarillas.

 

Ilustración: Fernando Vicente

HORA DE LER

08/10/2020 21:00
Europe/Andorra

 

 

 

O próximo martes 13 comeza 
 
HORA DE LER
 
Durante os quince primeiros minutos da primeira sesión os alumnos de ESO poden ler os libros, comics, revistas... que traian da súa casa.
 
Tamén estarán á disposición do alumnado e profesorado en ALTO RISCO e na páxina web, polo menos, dúas suxestións semanais de lectura.

#lecturasnaxanela 23 de abril Día Internacional do libro

Outros anos, unha das actividades coas que preparábamos no Aguiar o día do libro, era pedir ao noso alumnado fotos súas e das súas lecturas. Enchíamos os corredores do centro con elas. Este atípico curso, tivemos que darlle a volta á tortilla, e ser maioritariamente os profesores, os que vos fixéramos chegar as nosas fotos lendo. Porque a compañía dos libros pode axudar a sobrelevar o confinamento, e porque bótasevos en falta.

Gracias a todos os compañeiros, ex-compañeiros, ex-alumnado e alumnado que nos achegou a súa foto lectora. E tí, alumno/a que fixeches unha e aínda non puideches achegárnola, non o dubides, sempre é tempo de facelo, aínda que xa pasara o día.

Preme na imaxe e navega coas frechas ou visita o álbum na galería fotográfica do centro.

Álbum: Biblioteca 19-20 -> #lecturasnaxanela 23 abril dia do libro

HORA DE LER

HORA DE LER

22ª SEMANA [4ª SESIÓN]
 
Non caben na carta (que está a ler a muller que pintara Johannes Vermeer) os relatos de Berta Dávila e Samanta Schweblin, pero de seguro que moitas das personaxes sobre as que elas escriben son mulleres que veñen de recibir unha carta que ben pode cambiarlles a vida.

 

Sobre mulleres, ciencia e cómic, incluimos tamén unha recomendación en forma de cómic con licencia creative commons: 'Mujeres científicas' da ilustradora Raquel García Ulldemolins, Este tebeo, de 32 páxinas, pode descargarse en formato pdf en resolución media (9Mb) ou en alta resolución (41Mb).

HORA DE LER

 

 HORA DE LER 



19ª SEMANA [1ª SESIÓN]
 


Entroido, antroido, entroito...  son nomes que proceden do termo latino Introitus: entrada. O termo carnaval procede de expresión Carne vale (adeus á carne).
 
   No Libro de Buen Amor, un texto do século XIV aparecen mencionados por primeira vez, nunha obra literaria, Don Carnal e Doña Cuaresma. Este episodio é unha alegoría que representa ás Carnestolendas como Don Carnal, un home mundano e amante dos praceres, e do outro lado a Cuaresma como Doña Cuaresma, muller recta e pura.
   Ademáis desta proposta informativa para disfrazarmos con fundamento neste tempo, tamén quedan a disposición do lector un relato de Carlos Casares e unha antoloxía de poesía amorosa de Jorge Reichmann.
 
 
Ilustración: Vittore Carpaccio
 

Videocrítica 'Palabras envelenadas' de Maite Carranza por Eva de 4º ESO

Continuamos o capítulo de videocríticas de literatura en galego que o alumnado de 4º da ESO está a facer ca súa profesora Carmen Suárez. Hoxe tócalle o turno  a Eva que nos recomenda a lectura de 'Palabras envelenadas' de Maite Carranza.

Distribuir contido