Animación á lectura

CALENDARIO AGUIAR 2021

Animación á lectura

Start: 02/12/2020 12:13

Timezone: Europe/Andorra

A Biblioteca Sebastián Buedo Jiménez organiza un concurso artístico-literario.

Todos os alumnos que desexen participar farán unha ilustración relativa a un dos doce meses do ano.

A ilustración levará un pé de imaxe cun pequeno texto en galego referido ao mes elexido.

A disposición da páxina será horizontal.

Os traballos orixinais serán entregados aos profesores de Educación Plástica e Visual ou na Secretaría antes do mércores 16 de decembro.

Os doce mellores traballos elexidos servirán para compoñer un Calendario Aguiar para o próximo ano 2021.

Calendario

HORA DE LER

Animación á lectura

Start: 29/11/2020 17:41

Timezone: Europe/Andorra

HORA DE LER

8ª Semana [2ª sesión]

Atopar o noso verdadeiro rostro cando estamos a ler.

Por exemplo, un conto de Cid Cabido ou de Jaume Cabré.

Calendario

HORA DE LER

Animación á lectura

Start: 15/11/2020 11:41

Timezone: Europe/Andorra

HORA DE LER

6ª Semana [6ª sesión]

Paisaxe outonal.

Unha folla de pradairo para lembrar onde temos que recomezar a lectura de obras como as de Raquel Vázquez ou Óscar García Ramos.

Que mellor proposta de lectura que as obras literarias que os nosos lectores saben escribir....

Calendario

HORA DE LER

Animación á lectura

Start: 08/11/2020 17:41

Timezone: Europe/Andorra

5ª Semana [5ª sesión]

Ler para escribir. Escribir para volver a ler.

Esta semana deixamos nas mans dos lectores os relatos de Irène Némirovsky e Mariña Garcia Iglesias, Hugo Vicente Cabanas e Paula Fernández Vidal, alumnos de 1º de Bacharelato.

Calendario

HORA DE LER

Animación á lectura

Start: 24/10/2020 21:00

Timezone: Europe/Andorra

HORA DE LER

3ª SEMANA [3ª SESIÓN]

O pasado sábado 24 de outubro celebramos o Día da Biblioteca.

Hoxe, tendo entre as mans os relatos deAna María Matute ou Stephen Dixon, podemos ter presentes as palabras da literata arxentina Jeannette L. Clariond: «Somos cando comezamos a leer. Existimos cando aprendemos a lernos».

Lendo somos libres, somos libro.

Calendario

#DíaDasBibliotecas #SempreAoTeuCarón: DÍA DAS BIBLIOTECAS

Animación á lectura

Start: 24/10/2020 12:29

Timezone: Europe/Andorra

#DíaDasBibliotecas #SempreAoTeuCarón

Unha biblioteca é un mapa do mundo onde cada individuo ten unha camisa mnemónica, chea de sutís trazos, códigos indescifrables, segredos para lubricar a alma, tónicos para a intelixencia e máquinas da mente con que nutrir a vesania.

Unha biblioteca é unha paisaxe, chea de harmonía, onde, en ocasións, as nubes non deixan ver o ceo, e unha floresta verde e luxuriante, inzada de perigos, que pon asombro e medo, o pánico estarrecedor e a atracción morbosa que infunde o caos.

Unha biblioteca tamén é unha xerarquía, onde ningún individuo ten o mesmo valor, nin o mesmo peso, nin inspira o mesmo afecto ca outro.

Nunha biblioteca, o poeta, inspiradísimo, conversaba cos difuntos e escoitaba cos ollos os mortos, pois, ante todo, unha biblioteca é un sanctasanctórum onde toda metáfora ten asento, toda reverencia espazo, ocasión todo coñecemento, toda luz e toda sombra o seu momento. Hai, entre as pantasmas e saudades do tempo, deambulando entre vellos mamotretos e volumes estantarelados, un cativo de pelo roxo que lembra, cunha melancolía espesa como o mel de montaña, o arrecendo dunha biblioteca pública onde vivían Haddock e Tintín, Marsupilami, Jean Valjean, o último dos mohicanos, Asurancetúrix e a galaxia infinita da Enciclopedia Espasa. Acaso o cativo coceu o seu amor aos libros ao lume de merendas de pan de molete e chocolate duro, no mundo en branco e negro dun universo escaso e municipal, malia unidades de destino chamadas a máis grandes alcances.

Unha biblioteca é, segundo se escoite, un coro de afinadas voces, nobres e sublimes, erguidas ao ceo como columnas de basalto, ou o pandemonio de milleiros de alaridos desgarrados, as voces do averno e do sufrimento.

Latexa nunha biblioteca o consello dos amigos, verdadeiros uns, prudentes e asisados, falsos e mentireiros outros, dobres como un espellismo.

Unha biblioteca vive espiritualmente, palpita e medra na medida do amor de quen a alimenta, como as plantas en maceta. Non existe armadura electrónica nin bastidor tecnolóxico capaces de conter tanta vida nin de alentar tanto sentimento, pois, tal que ocorre con todo o que é único, fermoso e imperfecto, unha biblioteca está chamada a desaparecer. Como os escravos no mundo antigo, tamén as bibliotecas se herdan e, tamén como os escravos, os seus individuos agardan unha manumisión que tal vez nunca chegue.

El Correo Gallego

Calendario

CONCURSO DE RELATOS DE TERROR

Animación á lectura

Start: 21/10/2020 17:00

Timezone: Europe/Andorra

O Equipo da Biblioteca Sebastián Buedo Jiménez organiza un concurso de relatos e, por iso, que ben encaixan os microrrelatos: son tantos os expertos e as expertas que dominan as estratexias narrativas da condensación!

Unha antoloxía dos mellores textos constituirá a proposta de lectura na primeira semana de novembro.

Probablemente, haberá outros agasallos, entre os que non poderán faltar os caramelos.

***

Recepción dos traballos:

a) bibliofranciscoaguiar@gmail.com [Asunto: Concurso de relatos de terror] Doc anexo.

b) profesorado de Lingua galega e Lingua castelá.

Calendario

HORA DE LER

Animación á lectura

Start: 17/10/2020 19:08

Timezone: Europe/Andorra

HORA DE LER

2ª SEMANA [2ª SESIÓN]

Cavilando, pode ser, sobre as mesmas sensacións que a lectora pintada por Shelley Thayer Layton, repensamos esas palabras lidas nos textos de Almudena Grandes ou Miguel-Anxo Murado, para volver aos misterios que tornan en algo tan real toda ficción.

Calendario

HORA DE LER

Animación á lectura

Start: 12/10/2020 21:04

Timezone: Europe/Andorra

1ª Semana

[1ª Sesión]

Como ven sendo costume desde fai tantos anos xa, retornamos a ler, adicando os quince primeiros minutos da primeira sesión. Cada lectora ou lector pode traer da súa casa un libro, unha revista ou novela gráfica...

Para os que esquecezan traerlos (ou para os que acepten o reto) quedan dúas suxestións de lectura: unha selección de poemas de Wislawa Szymborska e outra pequena antoloxía de Louise Glück, as dúas últimas poetas merecedoras do Premio Nobel de Literatura (Symborska en 1996, Glück no 2020): poesía transparente para tempos de pandemia e mascarillas.

Ilustración: Fernando Vicente