O Departamento de inglés organiza unha función teatral para o alumnado de 2º e 4º da ESO, a cargo da compañía Moving On.

O alumnado de Latín, Grego e Literatura Universal asistiu, un ano máis, ao festival de Teatro Grecolatino de Lugo. Viron as obras Edipo Rey, de Sófocles, e Gemelos de Plauto, ambas representadas polo grupo Noite Bohemia.

O pasado 23 de xaneiro tivo lugar o Obradoiro de Iniciación á Astronomía, organizado conxuntamente entre o profesorado do Club de Ciencia e do Proxecto MeteoEscolas.

O alumnado recibiu unha charla acerca da evolución do concepto de gravidade ao longo da historia e dos principais movementos da Terra, aclarando cales causan as estacións e por que estas dependen do hemisferio no que se estea. Ademais, traballáronse nocións básicas de orientación, constelacións, eclipses e mitoloxía.

Non se puido levar a cabo a observación posterior ao non se teren dado as condicións meteorolóxicas adecuadas.

O xenial Abraham Cupeiro encandilou ao alumnado de 2º e 4º da ESO sacando magníficos sons tanto de instrumentos guerreiros, coma o carnyx, coma de humildes tubos sonoros.

O alumnado tivo ocasión de preguntar, e así o fixo, deixando patente o seu interese e curiosidade.

Por último, Abraham fixo soar o shofar, instrumento que derrubou na antigüidade as murallas de Xericó.

Esperemos que as de Betanzos sigan no seu sitio tras este concerto!

Dous grupos de 2º da ESO realizaron prácticas de escalada no rocódromo de Lugo. Esta actividade enmárcase dentro do Plan Proxecta de Proxectos de Vida Activa e Deportiva.

O equipo de mediación visita a exposición de Helmut Newton na Coruña.

Hoxe celebrouse a reunión informativa sobre o intercambio con Italia.

Para todos aqueles que non puideron asisitr, achegamos aquí a presentación e a ficha de preinscrición.

Recordade que o prazo para entregala en Vicedirección remata o vindeiro luns 22 de xaneiro!

Hoxe celebrouse a reunión informativa sobre a viaxe a Grecia que organiza o departamento de grego para abril.

Para aqueles que non puideron asistir, achegamos aquí a presentación.

Recordade que o prazo para anotarse remata este xoves 18!

Jólabókaflód: esta palabra intraducible denomina a tradición islandesa consistente en agasallar libros durante o Nadal para comezar a ler na Noiteboa.

Aínda que non chegamos ao modelo de Islandia, si é certo que nestas festas houbo ocasións para recibir libros. Probablemente, non tantos como os que pinta Ella F. Sanders.

Para os que desexen estar atentos ás nosas suxestións, recomendamos a lectura duns poemas de Samuel Merino e un hilarante relato de Jonas Jonasson.

O noso centro participa nesta iniciativa cultural e de dinamización lingüistica, iniciada polo IES Rafael Dieste, xunto con máis de 150 centros de toda Galicia!

Con esta campaña, preténdese rachar cos prexuízos que din que non se fala galego na nosa comunidade.

O alumnado visitou comercios da localidade, que agora amosan con orgullo un cartel como o seguinte: