Mesmo material na mesma cantidade e sometido ao mesmo esforzo, soportan diferentes cargas en función da súa forma.

Álbum: Curso 2020-2021 -> Resistencia de perfiles a compresión (Tecno 2º ESO)

Leonardo da Vinci (1452-1519) tivo un enxenio creativo desbordante: pintor,  anatomista, arquitecto,  paleontólogo, artista, botánico, científico, escritor, escultor, filósofo, enxeñeiro, inventor, músico, poeta e urbanista. Como enxeñeiro e inventor, Leonardo desenvolveu ideas moi adiantadas ao seu tempo, tales como o helicóptero, o carro de combate, o submarino e o automóbil.

Dende Tecnoloxía en 2º da ESO decidimos acercarnos un chisco á súa figura, saltando unha distancia no tempo, para centrarnos nunha das súas sorprendentes invencións, unha das súas máis enxeniosas pontes para salvar distancias no espacio. Trátase da súa ponte autoportante, un deseño que por si mesmo, sin clavos nin pegamento é capaz de aguantar unha grande cantidade de peso como pode verse nos vídeos que se ligan a continuación:

Este curso, polo motivo de desinfectar e de empregar material individual, nós estamos a imprimir as nosas propias pontes en 3D segundo a nosa adaptación do modelo, que podes atopar se desexas reproducila en Thingiverse. O plástico empregado é PLA e desinféctase con facilidade, aínda estamos a fabricar e a construir na clase os nosos modelos pero, estamos tan entusiasmados co resultado que queriamos compartir esta experiencia convosco.

Atreverémonos no futuro a facer unha ponte a maior escala con madeira? Lanzarémonos a modelar un domo autoportante? O de salvar distancias espazo temporais e aprender de deseños perfectos do mundo antigo é algo que cautiva e engancha, .... logo, xa se verá.

Álbum: Curso 2020-2021 -> ponte autoportante de Leonardo da Vinci (tecnoloxía 2º ESO)

Onte celebramos unha nova xuntanza do noso Club de Ciencia onde, como vén sendo xa tradición, xogamos coas luces LED para iluminar os nosos corazóns neste solisticio de inverno.

O resultado foi unha tarde máis que interesante onde fixemos tarxetas de nadal con papercircuits e programamos aneis e tiras LED con mBlock e mesmo Arduino.

Álbum: Club de Ciencia 2020-21 -> 02_Decembro_Luces de Nadal

Achegámovos un traballo realizado por Victoria S. de TIC II BAC sobre a Violencia de Xénero Dixital que nos pode axudar a traballar este tema nas aulas, agora que a data do Día Internacional da Eliminacón da Violencia contra a Muller, 25N, está tan próxima.

 

Seguimos recollendo e compartindo materiais elaborados polo alumnado de 2º BAC sobre diversos temas de seguridade informática e lexislación. Desta volta, Iago M. comparte con nós información actual sobre o RXPD e as súas implicacións a nivel escolar.

Compartimos o primeiro dos ODI (obxectos dixitais interactivos) sobre aspectos relacionados coa seguridade informática e as novas tecnoloxías que elabora o alumnado de 2º BAC TIC II . 

Desta vez comezamos, da man de Laura G., cunha preocupación que cobra forza co paso dos anos, a adicción ás novas tecnoloxías, de cómo debemos buscar un uso adecuado e equilibrado das mesmas, e de cómo debemos estar vixiantes ante a aparición dos primeiros síntomas dun comportamento adictivo.

Remata unha semana intensa para o alumnado das materias relacionadas coas TIC e algunha máis. Do 19 ao 23 de outubro de 2020 realizamos un pequeno parón no currículo estándar para dedicarnos a actividades relacionadas coa programación informática. De feito, foron dúas as actividades que inscribimos na CodeWeekEU2020

Preme nas imaxes para acceder á descripción das actividades.

Nesta galería podedes ver parte do traballo dos grupos de Programación 1º ESO (non inscritos na CodeWeek porque programamos todo o ano), os grupos de Tecnoloxía 2º ESO, TIC 4º ESO e TIC I 1º BAC modelando  e programando de menor a maior complexidade e 2º BAC TIC creando esceas virtuais interactivas.

Vai este álbum coma testigo desta intensa actividade da que aínda estou a recoller os seus froitos, ben imprimindo coa 3D ben revisando os outros traballos. Intentarase que recolla nestas semanas algunha mostra máis do torrente de creatividade desbordante que tén o noso alumnado.

Preme na imaxe para navegar coas frechas ou visita o álbum na galería fotográfica do centro.

Álbum: Curso 2020-2021 -> #CodeWeekEU2020