FESTIVAL FIN DE CURSO

O pasado 22 de xuño tivemos no centro a xornada de fin de curso con diversas actividades organizadas pola ANPA e profesorado do centro.

Infantil:

O alumnado de Ed. Infantil gozou cuns obradoiros nas primeiras horas e despois coa discoteca no ximnasio.

Ed. Primaria:

O alumnado de 1º e 2º gozaron da discoteca nas primeiras sesións da mañá, e logo participaron nunha busqueda do tesouro polos patios escolares.

O alumnado de 3º e 4º Ed. Primaria realizaron unhas olimpiadas ademáis de pasalo "pipa" tamén na discoteca.

Ademáis durante toda a mañá o alumnado que o desexou, acudiu ao taller de pinta-caras organizado polo centro e levado a cabo coa colaboración de profesorado do mesmo; así ao longo da maña poidemos ver polos patios a diversos unicornios, batman, etc...

Esperamos que disfrutárades desta xornada festiva e que pasedes unhas moi boas e merecidas vacacións. 

Moitas grazas a ANPA pola sua implicación.

Vémonos en setembro!!!

Chegaron algunhas novidades á biblioteca que poden ser da vosa interese, todas elas están ao voso dispor nos carros de novidades editoriais.

Ciencias Naturais:

Pregunta á Dra. Peteiro sobre o Planeta Terra, Claire llewellyn. (Libro ilustrado).

Os Bolechas, máis que mel, Pepe Carreiro (guía, caderno de actividades e guía de traballo para o profesorado).

Volcanes. Fuego y  vida, Jon Chad (banda deseñada).

O raposo Rufo e a maxia da horta, Dani Viéitez e Iria Iglesias (libro ilustrado).

O arrecife de coral, Radka Piro e Martin Sojdr (libro ilustrado).

Baixo a terra, Petra Bartíková e Marcel Králik (libro ilustrado).

A colmea, Petra Bartíková e Marcel Králik (libro ilustrado).

O formigueiro,  Petra Bartíková e Magdalena Takavová (libro ilustrado).

Inventario de dinosauros, Virginie Aladjidi e Emmanuelle Tchoukriel (libro ilustrado).

Inventario dos mares, Virginie Aladjidi e Emmanuelle Tchoukriel (libro ilustrado).

¿Qué se esconde dentro del mar?, Aina Bestard (libro ilustrado).

La historia de la Ciencia: un relato ilustrado, Jack Challoner (libro ilustrado).

E logo... por que? Virus e bacterias, Xerais básicos de Ciencias (libro ilustrado).

La Ciencia día a día, Caterina López Rigo (libro ilustrado).

Cogomelos, Marisa Castro (libro ilustrado).

17 mulleres Premios Nobel de Ciencias, Hélène Marle-Béral.

 

Medio Ambiente:

Plasticus maritimus, unha especie invasora, Ana Pêgo (libro ilustrado).

Adeus, plástico! Chaves para unha vida sen residuos, Elisa Nicoli e Chiara Spadaro.

A problemática ambiental en Galicia, Elvira Cienfuegos López.

A negrura do mar, Ramón Caride.

 

Física:

Cómo explicar física cuántica con un gato zombi, Bigvan.

La física de los Superhéroes, James Kakalios.

Brevísima historia del tiempo, Stephen Hawking y Leonard Mlodinow.

 

Matemáticas:

Inventando números, Gianni Rodari.

A guerra dos números, Juan Darién.

As mulleres nas Matemáticas, Matilde Ríos Fachal.

Apocalipsis M4t3mático, Eduardo Sáenz de Cabezón.

Números pares, impares e idiotas, Juan José Millás.

Matecuentos / Cuentamates 1, Joaquín Collantes Hernáez e Antonio Pérez Sanz.

Matecuentos / Cuentamates 2, Joaquín Collantes Hernáez e Antonio Pérez Sanz.

Matecuentos / Cuentamates 3, Joaquín Collantes Hernáez e Antonio Pérez Sanz.

 

Historia:

Historia da Galicia pequeniña, César Cequeliños e Jorge Campos.

 

Deporte:

Pioneiras do deporte en Galicia, Cristina López Villar.

 

Biblioteca inclusiva:

Bárbaras! Unha achega desenfadada á menstruación para adolescentes diversos (e non só), María Reimóndez.

Llamadme Nathan, Catherine Castro e Quentin Zuttion.

Piratrans carabarco: guía didáctica e caderno de actividades para la igualdad, A.T.A. Asociación transexuales de Andalucía e VVAA.

Transtornos da alimentación, Carmen Senra.

 

Banda deseñada:

Curuxa: a voz de Azazel, Fon.

Tam 1, Anémona de Río.

Tam 2, Anémona de Río.

Entre todos os participantes do concurso A caza da gralla ortográfica, proposto por Lentiña, Cova e Terreña, realizouse un sorteo o pasado luns 16 de maio. No mesmo, o gañador do gran premio foi David Pérez Balboa de 5ºA de Ed. Infantil, coa seguinte gralla:

Coa súa achega ao concurso, fíxose gañador dun marabilloso Ebook ao que seguro lle ha de sacar bo proveito. Parabéns!

 

 

BIOGRAFÍA
FLORENCIO M. DELGADO GURRIARÁN

Florencio Manuel Delgado Gurriarán naceu na aldea de Córgomo, no concello ourensán de Vilamartín de Valdeorras, o 27 de agosto de 1903. Era fillo de Florencio e Consuelo e o máis pequeno de cinco irmáns.
Estudou primaria e bacharelato en Palencia e Valladolid, cidades ás que foi destinado seu pai, que era profesor da Escola de Peritos Agrícolas.
En Valladolid fixo a carreira de Dereito e despois exerceu como avogado no Barco de Valdeorras.
Despois da Guerra marchou a México e alí casou con Celia, filla de emigrantes galegos e coa que tivo cinco fillos.
No ano 1934 editouse o seu libro de poemas Bebedeira, ao que lle seguiron Galicia infinda, Cantarenase O soño do Guieiro.
En México colaborou na revista Vieirose no programa radiofónico A Hora de Galicia, que estivo en antena todos os domingos durante case vinte anos.
Faleceu en Fair Oaks, California, o 14 de maio de 1987 cando visitaba a un dos seus cinco fillos.
Foi membro da Real Academia Galega e esta dedícalle o Día das Letras Galegas de 2022 pola súa contribución á defensa do noso idioma e da nosa cultura.

 

RECURSOS EDUCATIVOS:

- XOGOS EN LIÑA:

 https://view.genial.ly/623b73df9c032100134b0491

https://es.educaplay.com/juego/11855828-florencio_delgado_gurriagan.html

https://view.genial.ly/6246d3d8c10add0010ffc673/interactive-content-florencio-delgado-gurriagan

https://lecturaseandanzas.blogspot.com/2022/04/para-ir-conecendo-florencio-delgado.html

https://lecturaseandanzas.blogspot.com/2022/04/seguimos-conecendo-florencio-delgado-de.html

https://aulasgalegas.org/wp-content/uploads/2022/05/FlorencioDelgado-Xogo.pdf

https://view.genial.ly/627a823c82fcc60017f36a23/interactive-content-quiz-florencio-2022

https://view.genial.ly/624ed638bdc555001971d991/interactive-content-florencio-m-delgado-gurriaran

https://portaldaspalabras.gal/

https://www.edu.xunta.gal/centros/ceipcampolongo/aulavirtual/mod/h5pactivity/view.php?id=6907

https://scratch.mit.edu/projects/679847198

- UNIDADES DIDÁCTICAS:

https://primaveradasletras.gal/

https://asletrasdeflorencio.gal/

http://seminariogalan.org/

http://engalego.es/conmemoracions/4/index.html

https://drive.google.com/file/d/1rAPbLkpMzQ-lVjIEHB9KXANIFV7W9i34/view

- ENLACES PARA TRABALLAR POEMAS DE GURRIARÁN:

https://aulasgalegas.org/wp-content/uploads/2022/05/Mundo-de-poemas-en-44-actividades.pdf

https://www.acalexandreboveda.gal/letras-galegas-2022-florencio-delgado/?fbclid=IwAR285sL4uD3M_adeZRyfS_hxe09zq4PcxreyrVnsNwhawk1KEezgcQ37mR0

- VÍDEOS:

https://www.youtube.com/watch?v=RXehgnCK4t4

https://www.youtube.com/watch?v=cr_oGY5Djqc

https://www.youtube.com/watch?v=9dhQt20U-Js

https://www.youtube.com/watch?v=J4W5JxWd0ds

 

 

Tal e como pediron Lentiña, Cova e Terreña, a rapazada e mesmo o profesorado do centro botáronse ás rúas á caza e captura de cazapos! "B" e "V" intercambiados, "H" que non deberían aparecer,... ningunha gralla tivo descanso ante o labor incesante dos nosos detectives!

Á espera do sorteo do gran premio que se celebrará o vindeiro 16 de maio, xa se fixo entrega dun agasallo a todos os participantes desta emocionante procura. E o presente non foi, nin máis nin menos, ca un chaveiro coa imaxe das mascotas da biblioteca!

5ºA Ed. Infantil

6ºA Ed.Infantil

6ºB Ed.Infantil

3ºA Ed.Primaria

3ºB Ed.Primaria

4ºA Ed.Primaria

4ºB Ed.Primaria

 5ºA Ed.Primaria

5ºB Ed.Primaria

1ºA Ed.Secundaria 

1ºB Ed.Secundaria

1ºC Ed.Secundaria 

2ºA Ed.Secundaria 

2ºB Ed.Secundaria

 3º Ed.Secundaria

4º Ed.Secundaria

Persoal Auxiliar e de Servizos do centro

Profesorado do centro

 

Conmemoramos o Día de Europa cun traballo colaborativo no que cada grupo-clase elaborou unha ficha dun dos países que forman a Unión Europea con datos de interese e unha receita típica do país.

Convidámosvos a probalas!!

Este curso reeditamos a Semana da Ciencia, que tanto éxito tivo o ano pasado. Esta II edición da exposición permite darlle visibilidade ao traballo do alumnado e do profesorado en prol dunha disciplina que amosou nos últimos anos a enorme importancia para toda a sociedade: a Ciencia. A exposición poderá ser visitada entre os días 27 de abril e 6 de maio, cunha xornada de portas abertas ás familias o martes día 3, de 16h a 18h.

A selección de proxectos abranguen dende a presenza de distintos animais (en Baiona e noutras rexións do mundo), a contaminación que estamos a sufrir (plásticos, chuvia ácida, etc.), novidades tecnolóxicas (impresora 3D ou avances en robótica) ou cuestións diversas co corpo humano (como funciona a voz, como son as células,...) entre outras moitas seccións.

Cada un dos traballos conta cunha explicación que permite a súa comprensión. Así mesmo, os códigos QR que seguen permiten acceder a un cuestionario sobre os distintos traballos expostos. Anímate a cubrilos, que terás un agasallo asegurado!!

Agardamos que todas as persoas que visiten a exposición aprendan ao mesmo tempo que desfrutan da mesma.

https://forms.gle/dcAr33iJSMbU85vZA (cuestionario Ed.Primaria)

https://forms.gle/ZyQ4j9nhEX5uuBrHA (Cuestionario Ed.Secundaria e familias)

 

O 13 de marzo celébrase o Día Mundial Sen Faltas de Ortografía mais a Brigada Antigrallas Sapoconchil (BAS) considera que un día non chega a nada e, por iso, convoca a III edición do concurso Á caza da gralla ortográfica. Fixádevos ben na vosa contorna, de seguro que atoparedes erros lingüísticos no lugar menos pensado!

Para participar no concurso, cómpre enviar un correo coa fotografía a lentinhashouse@gmail.com ou empregar a plantilla adxunta, achegando:

- Nome da/o participante e curso.

- A fotografía inédita e propia.

          - A gralla encontrada e a súa corrección

Cada participante poderá achegar un máximo de dúas fotografías.

A data límite de entrega é o venres 6 de maio ás 12h do mediodía.

Todas as fotografías recibidas que conteñan unha gralla ortográfica comprobada entrarán na urna que estará exposta en Conserxería. O día 16 de maio celebrarase o sorteo para sabermos quen será o afortunado ou afortunada que levará para a casa un fantástico Ebook. Alén diso, todos os participantes recibirán un pequeno agasallo pola captura dun cazapo lingüístico.

 

Boa e proveitosa caza!

O alumnado participante na exposición de mulleres científicas, realizada co gallo do Día Internacional da muller e da nena na Ciencia o 11 de febreiro recibiu un pequeno agasallo por responder ao cuestionario.

Velaquí unha pequena mostra dos agasallados:

Alumnado de 5º B de Ed.Primaria

Alumnado de 4ºB de Ed.Primaria

Alumnado de 1º ESO A

Alumnado de 2º ESO A

Xornal, xornal!!

O alumnado do centro preparou o seu xornal, resultado do traballo realizado pola conmemoración da Semana da Prensa.

Convidámosvos a lelo!

Disque o tempo anda revirado e tolo de todo... por mor do que os nosos sapoconchos lectores vos piden axuda para que lles axudedes a identificar fenómenos meteorolóxicos mediante unha fotografía e un pareado, en lingua galega, que o explique"-

Aquí vos deixamos as bases deste novo concurso para toda a comunidade educativa:

Para conmemorar o Día Mundial da Meteoroloxía, o 23 de marzo, propoñemos un concurso fotográfico sobre un fenómeno meteorolóxico.

Para participar no concurso, é necesario enviar un correo a meteocova@gmail.com, achegando:

• Nome da/o participante e curso.

• A fotografía inédita e propia.

• Un pareado que acompañe e explique a fotografía (estrofa formada por dous versos que riman) en galego.

Cada participante poderá achegar un máximo de dúas fotografías.

A data límite de entrega é o venres 8 de abril ás 12h do mediodía.

Estableceranse 5 categorías de premiados por nivel educativo e unha categoría de profesorado e persoal non docente, podendo quedar deserto algún premio:

• Infantil

• Primaria:

  • 1º, 2º e 3º

  • 4º, 5º e 6º

• Secundaria

  • 1º e 2º

  • 3º e 4º

A entrega de premios será efectuada á volta de Semana Santa.

 

AXUDADE AS TARTARUGAS NESTA NOVA AVENTURA TEMPORAL!!!

O 8M é o día sinalado no calendario como o Día da Muller pero no centro realizamos actividaddes ao longo do ano para fomentar o seu papel e a súa relevancia, este curso máis centrados sobre o seu papel no deporte.

Coa colaboración de todos e todas fixemos este vídeo no que se amosa ao alumnado durante o recreo representando co seu corpo o "8 M" ou o lazo violeta por todas as mulleres.

 

Con motivo da celebración do Día Internacional da muller e da nena na Ciencia, o equipo do CPI Iguála-T preparou unha exposición para o alumnado de Ed. Primaria e Secundaria co apoio de material enviado pola Unidade de Igualdade da UVigo.

(Exposición na Biblioteca)

Para un mellor aproveitamento da mesma, propuxemos unha serie de actividades complementarias que tiveron unha boa acollida. Velaquí unha mostra dos grupos que visitaron a exposición:

(Alumnado de 6º Ed.Primaria B na Biblioteca)

(Alumnado de 1º ESO A no Salón de Actos)

(Alumnado 2ESO C no Salón de Actos)

(Alumnado de 4º ESO no Salón de Actos)

Os alumnos e alumnas que participaron na exposición, recibirán un pequeno agasallo. Ademais, os que realizaron correctamente as actividades, terán tamén unha sorpresa engadida...

O alumnado de Ed.Secundaria está a participar nunha actividade de recollida de lixo nas praias do concello máis próximas á escola. O obxectivo desta iniciativa é concienciar sobre a cantidade de residuos que producimos e a necesidade da súa redución, xa que boa parte deles acaban no mar, coas consecuencias negativas que isto ten para a flora, a fauna e a paisaxe. E malia que todos os anos se fan campañas de recollidas de lixo dende as institucións, hai moitos residuos (os microplásticos) que escapan a estas accións, como ben puido comprobar o alumnado de 1º ESO A na súa última saída.

Velaquí unha mostra das saídas realizadas:

(Alumnado de 1º ESO A)

(Alumnado de 1º ESO A na praia da Ribeira)

(Alumnado de 1º ESO C: Lucía S., Raquel, Sara, Cata, Lola, Bruno, David, Uxía, Alejandra, Cris e Aitana.)

(Alumnado de 1º ESO C na praia da Cuncheira facendo a recollida selectiva)

(Alumnado de 4º ESO na praia da Ladeira)

(Alumnado de 4º ESO na praia da Ladeira)

(Mostras do lixo recollido)

Co material recollido, faremos un traballo para a Semana da Ciencia do centro.

Esta actividade encádrase dentro do CPInnova EduSaúde, o Plan Proxecta de Vida Activa e Deportiva e o Plan de Dinamización da Lingua Galega. Participan os Departamentos de Bioloxía e Xeoloxía, Debuxo, Educación Física, Lingua e Literatura Galega e Tecnoloxía.

Entroido larafuzán, comiches a chicha e deixaches o pan e mais un novo concurso da Biblioteca!!!

Entre máscaras, disfraces, bailes e moitas sobremesas saborosas (mmmmm...), deixámosvos unha nova entrega dos nosos sapoconchos máis festeiros, nesta ocasión na compaña de dous novos amigos, a Nanci Tanxugueira e mais Fofinho, o animal de estimação do alumnado de lingua portuguesa do centro.

 

 

Quen ousa participar neste reto que vos propoñen Lentiña, Cova e Terreña? Só tedes que adiviñar de que catro personaxes do Entroido tradicional galego van vestidas Lentiña, Cova, Terreña e mais un dos novos amigos, Fofinho.

Agardamos as vosas respostas, mentres imos rillando marruchos a fartar! 

Fotografía de Zenay Studio

Un dos personaxes menos coñecidos dos noso Entroido tradicional é o Labardeiro de Toén, concello veciño da capital ousensá, e cuxo nome parece proceder do utensilio co que se mallaba o trigo antigamente e que esta figura porta na man ou leva apoiado nun dos seus ombreiros.

Fotografía de Zenay Studio

Tradicionalmente eran só os homes novos os que se vestían con esta colorida máscara, pois as mulleres ían caracterizadas de Señoritas coas saias brancas, os panos de cores sobre os ombreiros, unhas luvas tamén brancas e os sombreiros inzados de fitas e flores de cores.

Fotografía de Zenay Studio

O Labardeiro, pola súa parte, viste unha camisa e mais un pantalón brancos, un pano ou cinto escuro, botas negras e unhas luvas tamén brancas. As súas camisas e pantalóns van enfeitados con múltiples flores e fitas de cores vivas adheridas, mentres que só engaden colares prendidos á parte superior do traxe, na camisa.

Fotografía de Zenay Studio

Alén diso sobre o cinto, na súa parte traseira, levan seis campaíñas que van soando ao son dos seus pasos e carreiras polo lugar.

Por último, este traxe complétase cun gorro cónico composto por unha chea de flores das máis variades tonalidades e mais unhas fitas de tea que penduran desde o extremo superior do gorro. Alén diso, protexen a cabeza con outro pano de cores tradicional e, a modo de máscara para cubrir o seu rostro, portan unha rede de cor verde ou vermella que os converte nese ser ancestral que chama pola primavera empregando tanto o reclamo das cores como o son das campaíñas para tentar espertala do seu letargo e deixar atrás o inverno dunha boa vez.

 

Fotografías de Zenay Studio

Esta mañá, en riguroso directo, déronse a coñecer os gañadores e gañadoras da  XVII edición do Certame Dolores Agrelo.

Nesta edición presentáronse un total de 54 relatos coa seguinte distribución: 29 relatos correspondentes á categoría de 5º e 6º de Primaria, 22 relatos correspondentes á categoría de 1º e 2º da ESO e 3 relatos correspondentes á categoría de 3º e 4º da ESO.

O xurado composto por tres membros da ANPA (Dona Loreto Rodríguez, Dona Carmen Cotovad e Don Sergio Piñeiro), 4 docentes (Dona María José Torres, Dona Carla Iglesias, Dona Eva Vidal e Dona Rocío Dourado) e 3 alumnas e 1 alumno (Xoana Rodríguez, Cristina Corbacho, Nadia Rodríguez e Daniel Torres) acordaron conceder os seguintes premios:

Categoria 5º e 6º de Primaria

3º Premio para Leo Magallanes Baamonde (5ºA) polo relato "O val de Tena".

 

2º premio para Xiana Calero Iglesias (6ºA) polo relato "A lenda do cáliz" e para Breogán Vázquez Pardo (6ºA) polo relato "Unha viaxe por Baiona".

 

 

1º premio para Leo Álvarez Iglesias (6ºB) polo relato "Unha aventura inesquecible".

 

Foto grupal dos gañadores e gañadora:

 

Categoria 1º e 2º de ESO

3º premio para Carolina Isabel López Domingues (1ºESOB) polo relato "Ata o último sorriso"

 

2º premio para Inés Miniño González (1ºESOA) polo relato "As catro chaves máxicas".

 

1º premio para David González Rodríguez (1ºESOC) polo relato "O val do axóuxere".

 

Foto grupal das gañadoras e gañador:

 

Categoría 3º e 4º da ESO:

 2º premio para Gloria Calero Iglesias polo relato "A besta do Val Miñor".

 

1º premio para Gael Álvarez Gándara (3ºESOA) polo relato "A coración de Benford".

 

Foto do gañador e gañadora:

 

Ao longo do día de hoxe, 3 de febreiro, repartíronse uns premios para todos os participantes no certame:

                           Participantes 5ºA de Primaria

 

                                    Participantes 5ºB de Primaria

 

                                   Participantes 6ºA de Primaria

 

                         Participantes 6ºB de Primaria

 

                                           Participantes 1ºA de Secundaria

 

                       

                                         Participantes 1ºB de Secundaria

 

                                     Participantes 1ºC de Secundaria

 

                  Participante 2ºB de Secundaria

 

                             Participantes 3ºA de Secundaria

 

                   Participante 4ºA de Secundaria

 

Moitos parabéns aos premiados e premiadas! E até o vindeiro ano!

 

Para conmemorar o Día Internacional da Educación o centro, ademais de proxectar o vídeo A historia da escola de Afundación,  puxo á disposición de todo o alumnado unha pequena exposición composta por materiais educativos de épocas antergas e que, hoxe en día, resultan para moitos e moitas unha curiosidade.

Entre outros obxectos a exposición contou con filminas de diferente tipoloxía, diapositivas de cadros correspondentes á corrente do Expresionismo dos séculos XIX e XX, un tradutor castelán-alemán-italiano-inglés-francés dos anos 80, unha máquina de escribir, carimbos para estampar diferentes imaxes, libros antigos, un modelo anatómico do corpo humano, sonoramas, algúns libros recompilatorios de contos creados polo alumando de 4º curso do ano 1984, etc.

 

 

 

No pasado mes de decembro iniciamos unha actividade para potenciar a lectura en lingua galega, nesta primeira ocasión co motivo de conmemorar a efeméride da aprobación do Estatuto de Autonomía de Galicia.

A actividade consistiu na lectura previa por parte do alumnado pertencente a terceiro, cuarto, quinto e sexto de Educación Primaria de cinco libros da coñecida serie dos Bolechas de Pepe Carreira centrados na figura de cinco escritores galegos vencellados á redacción das bases do devandito texto legal: Alfonso Daniel Rodríguez Castelao, Ramón Otero Pedrayo, Ricardo Carvalho Calero, Antón Fraguas e Xaquín Lorenzo.

Posteriormente, realizouse un Kahoot con cada grupo sobre esas lecturas e aquel alumnado con maior puntuación recibiu un pequeno agasallo.

Velaquí tedes os/as afortunados/as:

 

                            Laura Fernández García (3ºA)

 

       Valeria González Soares (3ºB)

 

    Liam Leyenda Pousa (4ºA)

 

                               Blanca Denís Pérez (4ºB)

 

                         Iris Calero Almansa (5ºA)

 

                               Aarón Leyenda Blach (5ºB)

Hoxe conmemoramos o Día da NON VIOLENCIA e da PAZ cun vídeo que contén unha performance da canción "Móvete" de Paco Nogueiras. Podedes visualizar a montaxe nos ficheiros adxuntos que acompañan a esta publicación.

Desexamos que pasedes un día pacífico e harmonioso e que gocedes desta pequena contribución que preparou o equipo da Biblioteca.

E como canta John Lennon "Imagine all the people living life in peace"