Eis algunhas das ferramentas e recursos dixitais máis útiles en lingua galega (e portuguesa):

Dicionario Digalego

O dicionario máis completo da lingua galega con máis de 65.000 entradas, etimoloxías, traducións a varias linguas e conxugador de verbos [Consellería de Educación].

Dicionario de dicionarios

Dicionario que recolle máis de 390.000 palabras e acepcións dos dicionarios históricos da lingua galega dos séculos XIX e XX [Instituto da Lingua Galega, ILG e Seminario de Lingüística Informática da Universidade de Vigo].

Tradutor Gaio

Tradutor moi eficiente na versión galego-castelán e castelán-galego, menos rendíbel na tradución en portugués [Secretaría Xeral de Política Lingüística].

Enciclopedia Galega Universal (EGU)

Enciclopedia en lingua galega de carácter universal, en proceso de actualización [Consellería de Educación].

Dicionario da Real Academia Galega (RAG)

Dicionario que recolle preto de 60.000 artigos lexicográficos e os seus significados.

Dicionario Priberam (DPLP)

Dicionario do portugués contemporáneo que inclúe máis de 164.000 entradas e que integra as normas portuguesa e brasileira, segundo o Acordo Ortográfico de 1990.

O venres 29 de outbro o noso alumnado de 2º da ESO tivo unha actividade diferente na hora de Matemáticas: puxeron a proba os seus coñecementos de números enteiros, potencias, raíces cadradas e fraccións para resolver as cuestións do Genially que vedes a continuación. Matemáticas aparte, pasamos unha sesión divertida e diferente :)

Atréveste a intentalo?

(Preme nos tres puntiños de abaixo á dereita, e nas frechas que se separan para poñelo a pantalla completa) 

O alumnado do centro de 5ºEd.Primaria estrea a nova dotación de miniportátiles Lenovo ThinkPad recibida da Consellería de Educación, Universidade e FP nas novas aulas asignadas.

O alumnado está situado na planta baixa, preto da súa entrada ao centro pola porta nº6 dende o patio escolar. Estas aulas foron renovadas sendo dotadas con tarima, novas estanterías e agora, dentro da reforma integral do centro, con iluminación led e novas ventanas, buscando a mellor ubicación do alumnado segundo as súas características.

A nova dotación de miniportátiles recibida no centro foi destinada ao alumnado de 5ºEd.Primaria quen a empregará durante os próximos cursos escolares, ata 2ºESO, tras asinar o contrato de cesión entre as familias e a Consellería.

O centro informou ás familias sobre o seguro voluntario que poden contratar por se o equipo sufrise danos non atribuíbles ao seu uso cotián.