Semana da Ciencia

Este curso escolar que xa remata, estivo cheo de vivencias e aprendizaxes relacionadas coa ciencia. Co obxectivo de facer chegar a toda a comunidade educativa o froito desas actividades nace a Semana da Ciencia do CPI de Cova Terreña, que terá lugar entre o 31 de maio e o 10 de xuño. Estas datas foron escollidas para celebrar o Día Mundial do Medio Ambiente que se celebra o 5 de xuño. É importante destacar que na mostra participaron alumnos e alumnas de todos os niveis educativos do centro. 

Os proxectos realizados nas distintas materias fixeron fincapé nas novas tecnoloxías, na presenza da muller na ciencia ou en aspectos relacionados co medio ambiente. Desta maneira, traballáronse de xeito transversal aspectos importantes na formación dos estudantes, que lles permite adquirir actitudes imprescindibles na sociedade actual.

A exposición consta de 15 postos, cada un dos cales ten unha pequena explicación que facilita o entendemento do material presentado. Así, podemos desfrutar da interpretación do Universo que fixo o alumnado de 6º de Infantil e 1º de Primaria ou das maquetas de hidráulica dos estudantes de 4º da ESO. Ademais, a robótica, a ecoloxía, a meteoroloxía ou a biografía de diferentes científicos e científicas entre outros tamén aparecen recollidas na mostra, amosando o labor realizado ao longo do curso. 

As visitas organizadas para o alumnado durante a xornada escolar, amplíanse a todas as familias que o desexen nas tardes do venres día 4 de xuño e o xoves 10 entre as 16h e as 18h da tarde.

Finalmente, todo o persoal do centro implicado na organización e montaxe da Semana da Ciencia (tanto docente coma non docente), agardamos o desfrute da mesma de todos os visitantes.

Convocatoria de Fondo Solidario de Libros de texto e axudas para adquirir libros de texto e material escolar

Convocatoria: Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22 (código de procedemento ED330B).

Prazo: do 21 de maio ao 22 de xuño. Non se admiten solicitudes fóra de prazo.

Solicitudes:

  • Vía electrónica a través da aplicación informática Fondolibros: https://www.edu.xunta.es/fondolibros

  • A través da sede electrónica da Xunta de Galicia: https://sede.xunta.gal co procedemento ED330B.

  • Presencialmente no centro onde cursará estudos no 2021/2022, acompañado de copia do libro de familia e sentenza de separación, de ser o caso.

  • En calquera dos lugares e rexistros establecidos na normativa reguladora do procedemento administrativo común.

Documentación:

  • Modelo de solicitude: Anexos I e II. Facilitaranse impresos ao futuro alumnado de 1º a 4º Ed.Primaria. Para os outros cursos, o alumnado pode solicitar o impreso en conserxería e as familias poden recoller o mesmo na entrada do centro educativo ou descargalo de esta páxina Web.

  • Manual de usuario para a cidadanía.

Axudas que se conceden ao alumnado 2021/2022:

  • Ed.Infantil: non hai axudas ao non ser unha etapa obrigatoria.

  • 1º e 2º Ed.Primaria: axudas para adquirir libros de texto e material escolar.

  • 3º e 4º Ed.Primaria: cesión do Fondo Solidario de libros de texto e axuda para adquirir material escolar.

Grupos E-Dixgal:

  • 5º e 6º Ed.Primaria: axuda para adquirir material escolar. Non hai libros de texto.

  • ESO: axuda para adquirir material escolar. Non teñen dereito ao Fondo Solidario de Libros. O centro pon á disposición do alumnado o Banco de libros propio. Para acceder ao mesmo deben realizar a petición a través do formulario de solicitude. Os fondos serán repartidos ata fin de existencias:

    • 1º: Alumnado beneficiario da axuda de material.

    • 2º: Rigorosa orde de solicitude a través do formulario.

Requisitos:

  • Ser alumnado do centro no curso 2021/2022.

  • Devolver en bo estado os libros prestados.

Plan de adaptación ao contexto COVID do centro

Podedes consultar o Plan de adaptación ao contexto COVID do centro e os documentos anexos nos ficheiros adxuntos a esta nova.

Este documento é froito dunha análise da situación e adecuación á realidade do centro realizada polo equipo COVID do centro.

As indicacións recollidas son de obrigado cumprimento para toda a comunidade educativa e usuarios das instalacións do centro.

Coa responsabilidade individual e colectiva de todos e todas faremos posible ter un centro seguro.

2ª Quincena da froita

A partir do 3 de maio celebrase a 2ª Quincena da froita no centro.

Atendendo á situación actual elixíronse pezas de froita individuais: Laranxa, pexego, mazá, plátano e pera. Estas pezas de consumo individual serán achegadas á aula para o seu consumo xa lavadas e hixienizadas.


En cada aula haberá unha caixa plástica, gabeta,... na mesa do profesorado onde o conserxe, empregando luvas, deixará as unidades precisas dependendo do alumnado de cada grupo-clase.
O reparto farase de tal xeito que a froita estea dispoñible para a hora da merenda, tanto para as persoas que merendan ao inicio como as que merendan ao final do recreo.

Agardamos que esta iniciativa sirva para fomentar uns hábitos de vida saudable.

TODO PREPARADO!, ARRINCANDO MOTORES!

Estimada comunidade educativa,

Estamos deseando volver  vervos e por iso o Equipo Directivo estivo traballando nestes meses de verán para que esa volta sexa o máis segura posible, adecuando as aulas e os distintos espazos do centro á situación COVID na que, desgraciadamente, aínda nos atopamos.

Queremos agradecer desde aquí a axuda prestada polo profesorado, membros da ANPA e o Equipo COVID.

Cova Queda Na Casa: O mural xa está listo!

Estimada comunidade educativa,

Dende o equipo de Convivencia puxemos en marcha a actividade "Cova queda na casa" para poder vervos e seguir con vós preto na distancia. Coas fotografías recibidas mantivemos o "contacto na distancia" e puidemos compartir os momentos de estudo, de xogo, de saída á natureza, de lectura, o cariño pola lingua galega e os momentos en familia dos cales dan testemuña o mural exposto no centro e que nos lembra todo o esforzo e responsabilidade por parte de todos neste período.

Noraboa polo voso compromiso e colaboración durante todo este período de actividade non presencial.

Protocolo para entrega de boletíns de cualificacións, recollida e entrega de material e entrega de documentación para a formalización de matrícula 2020/2021

Estimadas familias,

Achégase o fin de curso e quedan aínda moitos trámites por realizar: recollida de material e entrega do que aínda está no centro, devolución de libros de texto e equipos informáticos de empréstito, recollida do boletín de cualificacións, recollida dos impresos para a formalización da matrícula e asignación de cita e formalización da matrícula (1 ao 10 xullo).

Para poder realizar todas estas xestións coa maior fluidez posible e a maior garantía de seguridade deseñamos un protocolo para o cal precisamos a súa colaboración.

Terán que vir ao centro en dúas ocasións. Primeiramente o día asignado segundo o curso co material a devolver (libros de texto, libros da Biblioteca ou do Club de lectura, equipos de empréstito do centro, mochilas viaxeiras,...) e recoller o material propio. Na conserxería do centro entregarase o boletín de cualificacións, documentación para a formalización da matrícula e asignarase cita para entregala.

16 xuño Novo ingreso   22 xuño 1º-3º Primaria
17 xuño 4º Ed.Infantil   23 xuño 2º-4º Primaria
18 xuño 5º-6º Infantil   25 xuño 2º-4º Secundaria
19 xuño 5º-6º Primaria   26 xuño 1º-3º Secundaria

Terán que voltar o día e hora asignado (entre o 1 e o 10 de xullo) para formalizar a matrícula: entregar os impresos cubertos e a documentación solicitada, e entregaráselle a axenda escolar do centro coa que este ano agasallamos a todo o alumnado.

Teñen máis detalle nos documentos adxuntos:

Non dubiden en consultar con nós calquera dúbida nos teléfonos 886120001 e 886120002 ou no correo electrónico cpi.cova.baiona@edu.xunta.es

Traballando de cara ao fin de curso, Informacións 3º Trimestre

Estimado alumnado e estimadas familias,

Sabemos do esforzo que toda a comunidade educativa está a realizar para que o alumnado continúe coa súa formación: alumnado, profesorado e familias.

Estes días ponse de relevo o importante que é a Educación e que só coa formación adecuada poderán ser uns profesionais de futuro que asuman difíciles retos coma os que estamos a vivir, dende a honestidade no traballo e a capacidade para afrontar, de xeito autónomo, escenarios nunca vividos.

Hoxe estamos a un mes do remate do curso, un curso atípico que nos está exixindo moito esforzo e colaboración por parte de todos e todas. E este esforzo debe manterse ata o fin de curso, o 19 de xuño. Temos que aproveitar este derradeiro mes para seguir aprendendo e afianzando coñecementos que nos permitan afrontar con maior garantía de éxito o vindeiro curso.

Animámosvos a seguir traballando diariamente e agardamos vervos moi pronto.

Aproveitamos para trasladarvos a seguinte información de interese:

  • Adaptacións Programacións Didácticas: na páxina web do centro 

  • Solicitude Fondo Solidario de Libros de Texto: 20/maio ao 19/xuño

  • Matrícula curso 2020/2021: 1 ao 10 de xullo

O cova queda na casa, pero seguimos pendentes de vós

“O Cova queda na casa” .

No CPI de Cova Terreña estamos a traballar arreo para que o noso alumnado poida continuar formándose coa calidade que merece. Estamos á disposición das familias, facilitando libros, material escolar funxible e material informático ao alumnado que así o precise.

Atendemos as peticións das familias nos teléfonos do centro (886120001-886120006- 886120004) en horario de 8:30h a 14:00h, e tamén no correo electrónico do centro: cpi.cova.baiona@edu.xunta.es

Contamos, tamén, coa colaboración do Concello de Baiona e dos servizos de Protección Civil, aos cales lles agradecemos a entrega dos paquetes que preparamos estes días para o alumnado de 1°Ed. Primaria cos cadernos de traballo e material necesario para seguir as clases dende as súas casas e salvagardando aos nenos e ás súas familias, evitando así numerosos desprazamentos.

Facédenos saber calquera necesidade escolar na que vos poidamos axudar ou poñédevos en contacto coa Concellería de Servizos Sociais no 986385926.

Sodes o noso motor e xuntos formamos unha gran familia. Queremos ver eses sorrisos pronto e seguir medrando con vos!!!

Unha gran aperta.

 Orientacións provisionais da Consellería de Educación

 

Convivencia: Cova queda na casa, mándanos as túas fotos

Estimada comunidade educativa,

A nosa separación vaise alongar un tempo, un pouco máis do previsto inicialmente e moito máis do que nos gostaría pois... xa vos botamos de menos!

Gustaríanos tanto saber de vós! Chamaríamosvos a todos por teléfono pero é imposible, fixádevos que paradoxo, non teríamos tempo abondo!!!

Pero... e se nos mandades unha fotografía do moito que estades desfrutando en familia e traballando decotío??

Instrucións: 

  • As fotografías remitiranse por correo electrónico a covaquedanacasa@gmail.com ou por WhatsApp ao teléfono móbil do centro 604070366.
  • As persoas que remitan e aparezan nas fotografías aceptan co seu envío que as mesmas sexan publicadas na páxina web do centro e nun mural que estará situado no centro e que todos poderemos ver á volta da normalidade.
  • O venres publicarase na web unha montaxe coas imaxes recibidas a disposición de toda a comunidade.
  • Esta actividade parte dunha idea do equipo de Convivencia para manternos "Preto na distancia".

Axudas para realizar actividades formativas STEM en lingua inglesa

Convocadas as axudas para realizar actividades formativas STEM en lingua inglesa, STEMweek, no ano 2020.

Destinatarios: alumnado que curse 3º ou 4º de educación secundaria obrigatoria.

Lugar da actividade: CRD da Coruña (Centro Residencial Docente, O Burgo-Acea de Ama s/n, Culleredo, 15670) en réxime de internado de domingo a sábado seguinte.

Quendas, lugar de realización, datas, número de alumnos/as e cursos a que van destinadas as actividades:

Máis información: https://www.edu.xunta.gal/portal/sites/web/files/20200313_stemweek.pdf

BECAS EUROLINGUA 2020

Convocadas as Becas Eurolingua 2020

Prazo de solicitude: ata as 23.59 horas do 8 de abril de 2020

Máis información: https://www.becaseurolingua.com/

Admisión 2020/2021

Aberto prazo de admisión para alumnado de nova incorporación ao centro dende o 01 ao 20 de marzo de 2020. Debido ao peche dos centros, o prazo pecharase unha semana despois do inicio das sesións lectivas.

Recoméndase facer a solicitude a través da Aplicación Admisionalumnado:

https://www.edu.xunta.es/admisionalumnado/

Cursarase unha única solicitude, na que se pode por ata 6 centros por orde de preferencia.

Documentación:

  • Solicitude en caso de presentación física (ver documentos anexos).
  • Copia do DNI da persoa solicitante e dos membros computables da unidade familiar, cando denegue a súa consulta.
  • DNI e/ou libro de familia.
  • Certificado oficial do expediente académico, no seu caso.
  • Sentencia xudicial de separación ou divorcio e/ou convenio regulador onde conste a custodia do menor, no seu caso.

Tamén pode presentar a súa solicitude por correo electrónico en cpi.cova.baiona@edu.xunta.es ou no buzón do centro educativo empregando a documentación anexa.

Organización do centro durante o peche dos centros educativos desde o luns 16 marzo

Estimadas familias,

Agardamos que todos vos, alumnado, profesorado e familias esteades ben neste momento.

Dende o centro faremos todo o posible para que o noso alumnado siga formándose. Para iso podedes atopar as indicacións das actividades a realizar no apartado Alumnado da nosa páxina Web:   http://www.edu.xunta.gal/centros/cpicovaterrena/    así como o correo electrónico do profesorado para poder contactar con el. Segundo vaiamos publicando as actividades avisaremos a través da aplicación Abalar Móbil.

Ademais, no apartado Alumnado->Xeral iremos colgando outros recursos adicionais para ir atendendo ao distinto ritmo e preferencias do alumnado que vos poden resultar de interese.

Pola seguridade de todos o centro estará pechado ao público pero non detemos o noso traballo nin vos deixamos sós. Podedes poñervos en contacto con nós no teléfono 886120001 e no correo electrónico cpi.cova.baiona@edu.xunta.es

Estaremos en contacto con todos/as a través da web do centro, de Abalar Móbil e das canles que vos facilitamos.

Xuntos podemos superar isto, só nos piden quedar na casa, e nós estaremos tamén con vós. Moita saúde a todos/as.


Unha aperta do equipo humano do CPI de Cova Terreña.

 

Obra de Teatro "I won the talent show"

O pasado mércores 22, o alumnado de 1º e 2º da ESO desprazouse ata o teatro Salesianos para asistir á representación de "I won the talent show", un espectáculo de teatro en inglés interpretado por unha compañía formada por británicos. Esta comedia participativa está ambientada nun concurso de talentos.

25-NOV, Ed.Infantil fai a súa cadea humana contra a Violencia de Xénero

Os nosos pequenos tamén se sumaron á cadea humana contra a Violencia de Xénero. No patio do centro e coas súas titoras escenificaron a nosa unión contra esta lacra social.

 

Obradoiro "Redes sociais Mátrix"

Hoxe, o noso alumnado de 4º da ESO converteuse, sen sabelo, en testemuña dunha escena simulada de violencia de xénero. Aínda que ao principio non souberon como reaccionar, foron quen de debater sobre o tema e, xuntos, atopar diferentes formas de axudar a unha vítima nunha situación real. Alén diso, concienciáronse das distintas fases polas que pasan as vítimas antes de chegar á violencia física (celos, control, illamento, perda de auto-estima, dependencia...). Non só iso, senón que tamén os alumnos e alumnas protagonizaron varias escenas improvisadas de relacións tóxicas entre adolescentes. Da man de dous grandes profesionais, esta experiencia supuxo un enfoque totalmente distinto a esta lacra social.

Reforma integral do centro: Visita da Conselleira de Educación

O 22 de agosto recibimos a visita da Conselleira de Educación, Universidade e FP, Dona Carmen Pomar, o secretario xeral, Don Jesús Oitavén, o xefe territorial, Don César Ares e o xefe da Unidade técnica de Pontevedra, Don Rafael Bouzas. Acompañados do Alcalde de Baiona, Don Carlos Gómez, do Concelleiro de Educación, Don Óscar Carreño, e membros da corporación municipal foron guiados polo centro por membros do equipo directivo para comprobar o desenvolvemento das obras de renovación integral do centro que levan un retraso respecto dos tempos iniciais fixados dende a Consellería de Educación.

A tan desexada reforma do centro vai continuar co curso xa iniciado, manifestando a nosa preocupación e recibindo como resposta o compromiso de tódolos axentes implicados para que a mesma descorra interferindo o menos posible na actividade académica.

Sabemos que esta situación pode provocar inconvenientes pero agardamos que, coa colaboración e comprensión de toda a comunidade educativa, o noso alumnado poida gozar canto antes dun centro totalmente reformado, mais eficiente enerxéticamente e confortable para todos.

 

Nova en Atlántico Diario

Nova da Consellería de Educación, Universidade e FP

Nova en Valmiñor TV

Nova en Telemariñas

A meteoroloxía na Idade Antiga

No marco do Plan Proxecta "Meteoescolas", coordinado no centro pola profesora de Bioloxía e Xeoloxía, Ana Penas Facorro, o alumnado de Cultura Clásica de 3º ESO "B" participou mediante a realización dunha curtametraxe sobre algunhas divindades gregas relacionadas coa meteoroloxía, concretamente os deuses de vento, Eolo, Noto, Céfiro, Eúro e Boréas.

Nos documentos adxuntos pódese consultar o proceso de creación e elaboración da curtametraxe, que se está a gravar nestes últimos días do curso, así como o guión da mesma.

2º B no Plan Meteoescolas

Na aula de 2ºB traballamos o tempo atmosférico grazas ao Plan Proxecta!

Cada día que viñemos ao cole observamos o tempo que ía na vila de Baiona, onde está ubicado o noso centro educativo. Ademáis, fixemos un rexistro do mesmo tendo en conta o estado do ceo e do aire.

 

A temperatura exterior a medimos a través dun termómetro con forma de rá.

Unha vez tiñamos os datos do mes, tratábamos a información recollida e confeccionábamos as gráficas correspondentes.

 

Ademais do rexistro diario, levamos a cabo o proxecto "Envólvenos!". Este proxecto de aula, inclúese na materia de Ciencias Sociais. Traballamos contidos como: Vocabulario, conceptos básicos,visita á estación metereolóxica do centro...

 

 

Podes ver máis imaxes nos adxuntos!

Distribuir contido