Dende a materia de Informática en 4º de ESO, quixemos sumarnos a tódalas iniciativas do instituto para a celebración do 30 de Xaneiro Día escolar da paz e da non violencia con debuxos feitos no programa de software libre Inkscape que estamos a traballar. Nótase que estamos comezando pero tamén se nota que os noso alumnado ten moito talento. Agardamos que vos gusten.

O 21 de xaneiro, ás 12,35 h. Os alumnos e alumnas de 4º ESO B terán a oportunidade de manter unha, estamos seguros, estimulante charla coa escritora Marta Sanz.

Trátase dunha iniciativa do Departamento de Lengua Castellana y Literatura,  impulsada polo profesor Francisco Rodríguez Coloma,  que completa así o traballo na aula sobre unha das novelas desta autora, e polo Centro de Formación e Recursos de A Coruña a través do noso asesor para a formación do profesorado, Javier Pintor.

Algo deste traballo, os alumnos coma críticos literarios.

La estructura de esta obra está bien calibrada. Tras el primer Black, aparece esa segunda parte en la que se suspende la intriga; por ello el lector ha de preguntarse por el sentido de esa interferencia.

Chegou aos nosos oídos...a actuación de Emilio (Stacy) alumno de 4º da ESO no Aguiar na Iª Velada de Radioteatro Amateur que impulsan e organizan os amigos do Laboratorio de Radio ( Sergio Pascual e a nosa ex,  Lucía Abarrategui).

Velai "Subconscious"

Como ben dixo Francisco Erre, ¡que alguén lle grave unha maqueta!

O 28 de novembro vén de publicarse a resolución definitiva dos centros participantes no Plan Proxecta da Xunta de Galicia .

No IES Francisco Aguiar confirmouse a nosa participación en tres destes plans:;

1.- Continuando cunha liña formativa de hai bastantes anos participaremos co alumnado de 3º da ESO no programa Quérote + dentro do Ciclo Vida Adolescente. Este ano trataranse temas arredor do núcleo: "Socializándonos" (Convivencia, uso responsable das TIC's, e fenómeno do botellón)  

2.- Animados por Mª José Doporto, responsable do Espazo Xove de Betanzos, e coa colaboración de Amparo Mejuto, do noso Departamento de Orientación, catro alumnas de 1º BAC participan nun proxecto, "correspondentes 3.0" , que trata de levar información de interés xuvenil á beira dos mesmos xóvenes no noso Instituto: taboleiros de anuncios, actividades, información xuvenil, ofertas formativas.

3.- Aproveitando tamén o traballo iniciado o ano pasado co concurso "Betanzos en Detalle", José Manuel Rey Bao profesor de Educación Plástica e Visual, coordina  ao alumnado de 4º da ESO no proxecto "Fotografía en curso". Quere ser esta actuación un achegamento ao mundo da fotografía e ás súas virtualidades estéticas e de formación dunha cidadanía crítica , dende unha actividade esencialmente práctica.

O pasado 1 de decembro o alumnado de 4º da ESO  participou nun Obradoiro de Danza Moderna e puido asistir á actuación do grupo "Catro no Metro" .

 Versión con música libre. Freepublik, "First Love"

Organizado polos profesores Luisa Muiño e Juan Neira, o venres 21 de novembro un nutrido grupo de rapaces e rapazas de 2º BAC e 4º da ESO, alumnos de Física, Tecnoloxía e Electrotecnia, terán a oportunidade de realizar unha viaxe formativa a Lugo.

Alí poderán visitar unha exposición e participar activamente nun obradoiro sobre "Sensores". Ambas actividades tratarán sobre os sensores físicos: sensores de temperaturas, de son, de distancia, de luz, de infravermellos, acelerómetros, xiróscopos, GPS, de orientación... e o seu uso e aprendizaxe na clase, na ciencia e na arte.

1-. No obradoiro "SENSORES" os nosos alumnos aprenderán  a manexar os robots NXT  realizando, despois,  unhas dez experiencias de datalogging ou captura de datos. Fronte a outras maneiras de ver o ensino (materias illadas entre si e coa vida real) propónsenos nesta actividade que se impliquen todas as ciencias STEM (Matemáticas con representación de datos, Física con toma de datos físicos -son, temperatura, humidade, distancia...-  eTecnoloxía) , pois os aparatos son propios da clase de tecnoloxía, ainda que se empreguen noutras clases ou mesmo na Arte.

2.- O anterior sería un apartado que complementa a exposición "SENSORES" na que figuras artísticas feitas en Processing e outras linguaxes proxectadas cun canón evolucionen no tempo e esa evolución teña en conta os sensores que a compoñen, de luz, distancia, PIR, KINECT, etc.

Os nosos científicos-tecnólogos en ciernes sairán cara a Lugo ás 12.20 contando con chegar e facer unha comida rápida cos "bocatas" previamente preparados. De xeito que a actividade desenvolverase entre as 14 e as 17 horas. Ás 18 ou 18.30 contamos con estar de volta. 

Como se fixera o ano pasado,  o alumnado de 4º da ESO do IES Francisco Aguiar terá a oportunidade de participar no encontro con tres  exparlamentarios: José Antonio Santiso Miramontes polo Partido Popular, o betanceiro Antolín Sánchez Presedo polo Partido Socialista de Galicia PSOE, e Fernando Branco Parga polo Bloque Nacionalista Galego.

O noso alumnado terá oportunidade de coñecer de primeira man a súa experiencia como representantes do pobo de Galicia e de formular cantas preguntas queiran sobre a actualidade política.

Unha nova inciativa para facer realidade o proxecto de formación de cidadáns críticos e plurais que é  vocación irrenunciable do ensino público

O pasado 23 de outubro tivo lugar a segunda sesión do taller de  “Prevención de Violencia de Xénero en adolescentes". Logo do traballo teórico ( día 17) de Natalia e Aroa chegaba o momento da aplicación práctica. Era o turno de Alejandro Gómez, policia nacional e experto en violencia de xénero e familiar.

Primeiro algo de teoría: a curva da violencia e os tres cerebros: reptiliano, emotivo e racional.

De seguido,  a práctica. En palabras de Rosalía Doporto, alumna de 4º B: "

Hoxe fomos testemuñas dunha espléndida charla que tivo por tema "como facer fronte ás situacións de violencia". Nela ensináronos que, ante unha situación deste tipo, na que o agresor non é capaz de razoar, debemos retirarnos para non agravar máis a situación. Isto témolo que facer cuns movementos que nos ensinou o monitor e que puidemos prácticar na clase."

Os vindeiros 17 e 23 de outubro o alumnado de 4º terá a ocasión de participar nunhas xornadas sobre  "Coeducación e Igualdade na Xuventude. "Prevención de violencia de xénero en adolescentes" ( ver o programa das xornadas)A primeira  sesión, o día 17 de outubro,  será de carácter máis teórico e estará dirixida por Natalia Vázquez Pita, terapeuta ocupacional e ex-alumna do noso Instituto. 

¡Estamos de noraboa!

Entre os días 23 e 28 deste mes de setembro o "Aguiar" volta a revivivir unha das viaxes  máis interesantes e características  do noso Instituto, as que teñen por destino ao mundo clásico.  

Dende o ano 2008 unha parte do noso alumnado puido disfrutar coas maravillas de Atenas, Micenas, Creta, Sicilia, Roma... A iniciativa tivo dende o inicio dous grandes promotores o noso lembrado profesor de latín, Sebastián Buedo, e a catedrática de grego, Rafaela Villalba. 

Dista volta 26 rapaces e rapazas de 4º da ESO e 2º de BAC, acompañados polas profesoras Rafaela Villalba e Mª José Pereira, terán a oportunidade de disfrutar de Atenas e dos máis que eruditos comentarios de Rafi e Mª José...ademáis de degustar en compañía algunha deliciosa "moussaka".