O mércores 5 de setembro agroma, en forma de exposición fotográfica, parte do traballo realizado no pasado curso polos alumnos e alumnas de Educación Plástica e Visual en 3º da ESO.

Trátase dun traballo que, baixo a coordenación do profesor José Manuel Rey, sitúa o seu foco sobre o Parque do Pasatempo e a necesidade de valoración e inciativas de conservación.

Consideramos moi oportuna esta aportación cando por outros camiños, a Asociación de Amigas/os do Pasatempo ( no que colaboran varios ex alumnos e ex alumnas)

• ven de reivindicar a catalogación do dito parque como Ben de Interese Cultural (BIC),
• publica unha interesante revista de investigación ( "Casa dos Espellos")
• e mesmo reactiva o coñecemento e disfrute do parque coa organización de eventos como a romaría modernista  que tivo lugar o pasado 24 de agosto. 

A exposición do noso alumnado inaugurarase na Libraría Biblos o mércores 5 de setembro ás 20 horas. Alí quedará exposta ata o día 30 do mesmo mes.

 A libraría Biblos dende o 5 ata o 30 de setembro, organiza unha mostra fotográfica titulada "O Pasatempo: patrimonio en perigo" con imaxes tomadas poloo alumnado de 3º da ESO titorado polo incansable José Manuel Rey Bao do Departamento de Educación Plástica e Visual. Quedades todos convidados a visitala.

PORQUE AS TRADICIÒNS CANDO TEÑEN SENTIDO É BO QUE SE MANTEÑAN 

2017(ENLACE), 2016(ENLACE), 2015(ENLACE)

PORQUE AS FAMILIAS PODEN ASÍ COMPARTIR OS FROITOS DO TRABALLO COTIÁN AO LONGO DO CURSO

PORQUE NON LLE TEMOS MEDO NIN A UN PARTIDO DA SELECCIÓN NO MUNDIAL

CONCERTO DE FIN DE CURSO, NO ALFONSETTI, MÉRCORES 20 , ÁS 20

A Consellería de Educación convoca a STEMweek, actividades formativas STEM en lingua inglesa, (Ciencia, Tecnoloxía, Enxeñaría e Matemáticas), actividades de formación, dirixidas á mellora das competencias en lingua inglesa e da competencia científico-tecnolóxica do alumnado de 3º e 4º de educación secundaria obrigatoria matriculado en centros docentes sostidos con fondos públicos en Galicia.

O lugar onde se realizará esta actividade será o CRD da Coruña (Centro Residencial Docente, Burgo-Acea de Ama, s/n, Culleredo 15670), en réxime de internado de domingo ao sábado seguinte.

En cada quenda, o alumnado entrará o domingo entre as 18.00 e as 19.30 horas e sairá o sábado entre as 12.00 e as 13.30 horas. As familias ou titores legais dos menores serán os responsables de levar e recoller o alumnado ata o lugar de realización da actividade, e os gastos que isto ocasione serán a cargo deles. O resto das actividades será gratuíto para o alumnado adxudicatario das prazas ofertadas.

Persoas beneficiarias e requisitos:
a) Estar cursando 3º ou 4º de educación secundaria obrigatoria, en centros sostidos con fondos públicos que impartan ensinanzas de réxime xeral, durante o curso 2017/18, na Comunidade Autónoma de Galicia. 
b) Ter superadas todas as materias no curso 2016/17. De ser adxudicada unha praza obxecto desta convocatoria a un/unha alumno/a de 4º de ESO que non teña superadas todas as materias do curso 2017/18, deberá renunciar a ela. 
c) Ter acadado no curso 2016/17 unha cualificación mínima de 6 na materia de inglés.

As solicitudes presentaranse preferiblemente por vía electrónica a través do formulario ED504G dispoñible na sede electrónica da Xunta de Galicia, https://sede.xunta.gal
O prazo estará aberto ata o 12 de xullo de 2018
Máis información no DOG do 12 de xuño de 2018 e en www.edu.xunta.es 
Enderezo electrónico: stemweek@edu.xunta.es

Cando o profesor David de Río propuxo que unha xoven poeta de Miño viñese a falar de poesía ao noso alumnado, unha chea de recordos acudiron á nosa memoria. 

A "mosquetera" que agora nos propón duelo literario á lúz da lúa flotaba ben viva na nosa memoria dos primeiros anos do século XXI. Indistinguible, para os menos observadores da súa irmá Zeltia, cursaba o Bacharelato nas aulas do Francisco Aguiar. Acordámonos de Lúa e Zeltia como activas escritoras; incansables colaboradoras da profesora Concha Delgado; Lúa  gañadora, xa daquela, dalgúns prestixiosos premios literarios escolares. Sempre na biblioteca esculcando entre o mellor da literatura. 

En abril de 2005 Lúa Mosquera Tenreiro (Alumna de 1º BAC) obtivo

o accésit en narrativa do Premio Minerva convocado polo Colexio Peleteiro de Santiago.

Pouco despois as inquedanzas artísticas orientáronse ao mundo do deseño de moda cunha interesante aposta de emprendemento, a casa Nicanora(enlace).

E agora ( 6 de xuño do 2018) , atopamos a Lúa de regreso ao Aguiar para presentar un emocionante libro de poemas.

Para falar de poesía ao alumnado novo.

Para ser ela mesma a que agora avive o entusiasmo pola literatura (pola verdade) recibido entre estas mesmas paredes. 

Para presentar a súa obra: "Rasrás"

booktrailer de "Rasrás"

'O galego, a miña lingua propia'

Temos unha lingua que é moi rica e é nosa. Nela pódese facer ciencia, arte, cantar, debuxar e amar. O galego é a nosa lingua propia, un idioma en que se pode facer banda deseñada, rapear, ligar ou viaxar polo mundo enteiro. O galego é a nosa lingua propia e queremos gabarnos dela, porque si, porque nos peta. E temos exemplos abondo nos que nos reflectir!!!!

Potenciar o uso asiduo do galego en todos os ámbitos da vida e afortalar a identidade lingüística da poboación moza, estes son dous dos obxectivos trabe da nova campaña de dinamización lingüística lanzada pola Deputación da Coruña, e que o 24 de maio chega ao IES Francisco Aguiar da man do divertido grupo Monoulious Dop

A presente campaña diríxese á xente nova á que quere ofrecerlle referentes atraentes para ela, por mor da súa actividade pública e que, ademais, sexan ou poidan constituírse tamén en referentes en canto ao uso da lingua e ás actitudes de compromiso cara a ela. Un proxecto ambicioso e ilusionante e que lle trasladará á mocidade o positivo de empregar o galego, en todos os ámbitos da vida como o fan nos seus respectivos as xentes que forman parte do proxecto en primeira persoa, mais abre a participación a todo o persoal técnico, profesorado, e alumnado que participará de xeito activo, aprendendo e gozando con profesionais de ámbitos tan variados como a música, a literatura, as artes plásticas, o audiovisual, a comunicación, o mundo da moda ou a sanidade, todas elas co galego como lingua propia

'O galego, a miña lingua propia' pon en valor que temos un idioma propio, para convencer á mocidade de que o incorpore á súa vida cotiá; tamén busca reafirmar o uso da lingua en mozos e mozas que a usan só nalgúns contextos, crear demanda de falantes de galego, promover a sensibilización idiomática e en definitiva fomentar unha actitude positiva dos e das adolescentes fronte á lingua, gozando con ela de todas as actividades propostas.

Coordina e promove no noso Instituto,  O Equipo de Normalización e Dinamización Lingüística e o Departamento de Lingua e Literatura Galega

 O Departamento de Educación Física, desta volta coa iniciativa e coordinación de Leonardo Piñeiro organizou unhas sesións de Recuperación Cardiopulmonar (RCP) para alumnado de 3º da ESO.

Grazas ao convenio asinado polas Consellerías de Sanidade e Educación , RCP na aula chega ao noso IES nos derradeiros días do mes de febreiro.

RCP NA AULA xurde no marco do Plan Proxecto Deportivo de Centro ( xunto coa introducción ao piragüismo) co obxecto de impartir formación en soporte vital básico a todo o alumnado participante no proxecto e aberta tamén a todos os membros da comunidade educativa. Ensinar o funcionamento dos desfibriladores semiautomáticos externos permite ao noso alumnado formar parte do rexistro de reanimadores voluntarios da comunidade.

O alumnado do Instituto Francisco Aguiar participou no concurso fotográfico “O papel das mulleres betanceiras hoxe” con 21 fotografías, reflexo de diferentes roles da muller na sociedade actual, organizado pola Concellaría de Servizos Sociais

O xurado seleccionou tres primeiros premios baseándose nos criterios técnicos, de orixinalidade e de adecuación a temática do concurso. Ademais, outorgáronse dúas mencións especiais e seleccionáronse as fotografías que formarán parte dunha exposición inaugurada no Liceo o 24 de abril baixo o título “A muller en Betanzos, dous séculos” na que se representará a evolución do papel da muller a través de imaxes tanto actuais, seleccionadas mediante este concurso, como antigas do arquivo municipal.