O luns 30 de novembro e mércores 1 de decembro no club de ciencia do Aguiar estivemos creando ecosistemas: un estanque no xardín e pequenos terrarios en botes de cristal.

Un estanque, por pequeno que sexa, é un mundo acuático rebosante de vida materializada nas formas máis diversas que se poida imaxinar. Estraños insectos, anfibios de complexos ciclos vitais, minúsculos microorganismos planctónicos son algúns dos seus habitantes. Desde o punto de vista didáctico, ofrece a ocasión de gozar observando o asombroso equilibrio ecolóxico que se desenvolve neles.

Álbum: Club de Ciencia 21-22 -> Creando ecosistemas

Dende hoxe ata as vacacións de Nadal temos na entrada do edificio principal a exposición activa Fasquía 3D. Esta exposición, financiada pola Consellería do Mar  e elaborada pola Asociación Cultural Mariñeira ''Os Patexeiros'' de Sada e Culturmar (Federación Galega pola Cultura Marítima e Fluvial),  percorrerá distintos centros levando a impresión 3D de maquetas e diversos materiais lúdico-didácticos sobre as embarcacións tradicionais galegas. 

Fasquía 3D é un proxecto de innovación educativa do CIFP Ferrolterra coa colaboración do IES Francisco Aguiar.  Nace da xuntanza dun grupo de profesores , alumnado e afeccionados as embarcacions tradicionais, e que consiste en crear un repositorio de modelos 3d das nosas embarcacions. 

No proxecto, ademáis colaborarán as entidades máis relevantes en canto as embarcacions treadicionais, tales coma a Federación Galega pola Cultura Marítima e Fluvial (Culturmar), que engloba a todas as asociacions relacionadas co tema e outras entidades,  AGALCARI, que é a asociación galega de carpinteiros de ribeira, EXPONAV, (consorcio do museo naval de Ferrol), o Colexio oficial de enxeñeiros navais de Galicia, Asteleiros Triñanes, Leica Geosystems España, os GALP Golfo Aratabro Norte, e a Asociación cultural Os Patexeiros de Sada- Lorbé. 

O primeiro obxetivo e claro: deixar nesta páxina modelos en 3d das nosas embarcacions, e isto inclue escaneos láser 3d, modelos 3d en STL para poder imprimir en impesoras 3d, e varios conxuntos de planos de formas, tanto en 2d coma as pezas que compoñen a embarcación en 3d, para imprimir tamén por pezas. 

Álbum: Curso 2021-2022 -> Exposición Fasquía3D

 

Sabela Rivera González

 Marcos López López

 Celia Matos Fernández

Pablo Medín González

Juana Barreiro Sánchez

Aida García Regueiro

 Karol Lemos Carro

Este é o terceiro ano no que o alumnado do IES Francisco Aguiar responde á solicitude da Biblioteca Sebastián Buedo Jiménez, participando na elaboración do Calendario solidario pro Cancer Research Innovation Spain [Iniciativa Noel] [www.criscancer.org]. 

O alumnado de 2º da ESO, dirixidos polo seu profesor Julián Ferrer,  participa, dende a materia de Xeografía,  no proxecto de Meteoescolas ( que coordina a profesora Pilar Vázquez Febreiro).

Desta volta aportan un traballo de elaboración de maquetas relativas ao clima de Galicia: dominios climáticos, mapas de frecuencia de precipitacións, comparación de frecuencia de nevadas en varios anos, mapas de oscilación térmica, climográmas de cinco estacións significativas, prospeccións de evolución do clima para futuros anos e caricaturas alusivas ao cambio climático....

Álbum: Curso 2021-2022 -> Maquetas de clima de Galicia

O alumnado e profesorado do CS de Xestión de vendas e espazos comercial realizamos o 25 de novembro unha andaina de 12 km con punto de partida no IES Francisco Aguiar ata o espazo natural de Chelo, nun percorrido circular pasando polo campo dos Caneiros.

Con esta andaina reclamamos o fin da violencia de xénero e concienciar e sensibilizar á colectividade en materia de prevención de violencia sobre as mulleres, xa que a loita contra este tipo de violencia é un traballo de equipo, que involucre a toda a sociedade.

 #AGUIAR EN NEGRO

"TOY STORY 1", é un poema de Carlos Negro

no seu poemario "Masculino Singular" (Xerais, 2016) 

A lectura (magnífica!) de Inés Becerra Pena de 1º da ESO