O Concello de Betanzos ofrece unha liña de axudas para alumnos/as empadronadas na localidade para a adquisición de equipos informáticos.

O prazo de presentación é de 30 días hábiles a contar desde o día da publicación da axuda (6 de setembro de 2021).

Para descargar a solicitude, premer aquí.

A Biblioteca Sebastián Buedo Jiménez organiza, por terceiro ano consecutivo, o concurso artístico-literario que permitirá a edición do Calendario Aguiar.

Todos os alumnos que desexen participar, farán unha ilustración relativa a un dos doce mesos do ano.

As ilustracións deberán adoptar unha disposición horizontal.

Acompañará á ilustración unha frase curta en galego, referida ao mes elexido.

Esa frase, irá no reverso da lámina ou nun papel anexo.

Os traballos, orixinais, serán entregados aos profesores de Educación Plástica e Visual ou na Secretaría.

A data límite será o martes 2 de novembro.

Os doce mellores traballos conformarán o calendario Aguiar para o próximo 2022.

Tras a aprobación do Consello Escolar, será trasladada á Xefatura Territorial a petición do 7 de decembro de 2021 e o 16 de maio de 2022 como días de libre disposición.

En canto se reciba a aprobación da Xefatura Territorial, será comunicada ás familias a consideración dos devanditos días, solicitados polos centros públicos de Betanzos, como días non lectivos.

O próximo martes 5 de outubro deste 2021 inaugúrase na Sala de Exposicións Jesús Núñez Betanzos histórico: O comercio tradicional: un conxunto das mellores fotografías realizadas por alumnas e alumnos de 3º de ESO do IES Francisco Aguiar. 

Os visitantes poderán contemplar ata o 29 de outubro o resultado do traballo impulsado por Xosé Manuel Rey Bao dentro do marco do Plan Proxecta Fotografía en curso.

Como anticípo e estímulo para a visita, convidamos a ver esta moi estimulante curtametraxe realizada por Julián Ferrer.

   Incluída no Proxecto lector do Centro, HORA DE LER é unha das actividades pensadas para promocionar o hábito de lectura entre o noso alumnado. 

   Esta actividade consiste en dedicar os quince primeiros minutos das clases do alumnado de ESO, segundo o calendario que será divulgado semanalmente na web do centro, á lectura na aula (silenciosa e individual, colectiva e en voz alta, a gusto de cadaquén). 

   Transmitir o pracer por ler é parte da nosa responsabilidade. Cando lemos con entusiasmo os textos que nos gustan, provocamos interese e transmitimos emoción pola lectura. 

   Na Hora de ler ten cabida calquera tipo de texto (non só os textos literarios) que os docentes considere motivador, interesante, fermoso... 

   A partir da semana vindeira comezaremos a publicar na páxina web do centro (e en Alto Risco , o blog da Biblio) o calendario e as suxestións semanais de lectura. Lecturas, por suposto, abertas a toda a comunidade educativa.

O equipo da biblioteca.

Adxuntamos o tríptico informativo actualizado para o curso 2021-22 do Proxecto Edixgal. Contén información de interese para o alumnado e familias da ESO nas que está implantado este proxecto.

ACCESO AO TRANSPORTE PARA OS ALUMNOS SEN DEREITO AO TRANSPORTE ESCOLAR

   Tras a integración, a principios deste ano 2021, das rutas de transporte escolar nas rutas comúns xestionadas por Mobilidade, para poder viaxar, como viñan facendo, será preciso que os alumnos sen dereito a transporte escolar, dispoñan da tarxeta Xente Nova, coa que poden viaxar gratuitamente os menores de 21 anos.

   Convén ter presente que esta tarxeta terá que ser solicitada en ABANCA, para o que é preciso solicitar cita previa.

   Para unha información precisa visiten, clicando mesmo a ligazón, a web da Xunta de Galicia: Transporte Público de Galicia.