O pasado luns, 30 de abril,  a alumna Sofía de 2º A,  trouxonos unhas filloas deliciosas que preparou co seu pai a tarde do domingo.

 Grazas a Sofía e ao seu pai  tivemos unha merenda moi saudable que nos fixo despedir o mes de abril con enerxía para recibir ao mes de  maio.

 

Os días 3 e 4 de maio, celebrouse no Palacio de Congresos e Exposicións de Galicia, en Santiago de Compostela, o I Congreso Aliméntate Ben  nos que, durante as dúas xornadas, reuníronse 500 escolares galegos de Primaria e Secundaria para reflexionar sobre alimentación saudable na infancia e na adolescencia.

Dentro desta iniciativa os nosos alumnos e alumnas presentaron os traballos realizados dentro do noso PDI "Vivindo San no Cole Frian" que conleva os proxectos educativos Aliméntate Ben, Máis e Mellor actividade Física e Móvete + e moito máis (Programacións de aula, Biblioteca,Tics, Música, Educación Físca, Lingua Inglesa...)

Consistiu nunha Feria-Exposición na que participamos 10 centros de Primaria amosando os nosos traballos e tivemos a posiblidade de coñecer outros Centros, participar en obradoiros e actividades lúdicas fomentando a nosa vida e alimentación saudable.

O noso centro acadou un accésit pola labor realizada ao longo deste curso neste  Proxecto o que pretendemos continuar traballando ao longo dos vindeiros anos xa que a resposta da Comunidade Educativa é excepcional e a ela e a quen temos que agradecer este recoñecemento por parte da Xunta de Galicia.

Unha das actividades do Proxecta "Aliméntate ben" na modalidade "O sabor da aventura está no mar" é un obradoiro que tivemos no cole esta semana e resultou do máis divertido.

Aínda que xa os coñeciamos, presentáronnos á pandilla dos Arroases e aprendemos cales son os seus "superpoderes" (o seu principal aporte nutricional...)

Logo fixemos uns xogos moi divertidos con cada arroaz para enchernos de enerxía e rematar co xogo da Pescada!!

O alumnado de 1º de Primaria visitou na vila de Bueu o seu mercado e a lonxa, para coñecer de primeira man as especies de peixes e marisco que nelas se atopan.

Tiveron a sorte de poder contemplar a descarga dun barco de baixura e as distintas artes de pesca: redes, nasas e incluso a pesca submarina da navalla.

Como remate da visita, degustaron unha deliciosa merenda a base de pastel de pescada e ensalada de pasta e peixe.