Festexamos

Festival 2018: "Vivindo san no cole Frian"

 

A temática do noso festival foi sobre o noso P.D.I. "Vivindo san no cole Frian"; coma se dun restaurante se tratase os mestres/as de sala (alumnado de 6º) presentáronnos uns deliciosos pratos.

Dispostas e dispostos a compartir este estupendísimo menú no restaurante Frian, con estrela Frianchín!

Para empezar uns entremeses variados de fotografías:

De seguido, primeiros, segundos pratos en formato vídeo:

 

4º de Infantil: "O baile da froita"

                        "No meu xardín"

 

5º de Infantil: "Fame"
 

 

6º de Infantil: "Oleite mola",

Teatro:"A mellor sopa do mundo"

 

1º A: "Emocións saudables"
 

1º B: "Bailando no mar"

 

 

2º A: Canción baile "Macarena saudable"

 

2º B: Canción baile "A Tribo do corazón"

3º A-B: "A illa dos cangrexos violinistas"

 

 

 4º A: "O Rap da vida Sa"
 

 

 4º A-B: "O Rap dos vexetais"

 

4º B: "Mímica coas froitas"
 

5º A-B: "A festa no faiado"
 

 6º A-B: "Canción despedida"
 

 6º A-B: "FriangymII Acrosport"
 

 6º A-B: "Friangym III, Acrosport"
 

6º A: Canción en Inglés "Lunch"

 

6º B Canción en Inglés "Get your body moving"

   

Para rematar unhas boas sobremesas feitas polas familias:

 

Esperamos volvan a probar os nosos esquisitos pratos, elaborados con tanto traballo e cariño!

SEMANA DAS LETRAS GALEGAS 2018

 HOMENAXEANDO A MARÍA VICTORIA MORENO



  Co gallo da semana das Letras Galegas no colexio imos a realizar unha serie de actividades para coñecer un pouco máis a biografía e a obra da escritora homenaxeada este ano:

  •   Comezamos o luns 14 coa representación,  por parte do alumnado de 5º, dun sketch da obra “ Unha festa no faiado”.

  •    O martes 15  imos ter unha entrevista á escritora homenaxeada a cargo do alumnado de 6º.

  •   O mércores 16 imos desfrutar dun percorrido de poemas nos corredores do cole a cargo do alumnado de infantil, 1º e 2º; dun mural da obra de María Victoria Moreno a cargo de 3º e 4º.

  •   Ademais  esta semana estamos realizando un mural colaborativo entre todo o cole sobre o rostro da autora que estamos traballando.

 

Preme no seguinte genially para descubrir o noso traballo desta semana:

Día Internacional do Libro 2018 en Frian

O luns 23 de abril, commemoramos o Día Internacional do Libro no cole cunha serie de actividades.

 

         Por unha banda, o noso xeito de celebralo foi facendo un Apadriñamento lector  e así converternos en“Padriños/madriñas e afillados/as lectores/as”. O alumnado dos cursos superiores leron ós demais cursos.

        Cada padriño/madriña foi a buscar ó seu afillado/a e levouno ó seu lugar preferido do cole para facer a  lectura do conto escollido.

        Foi unha delicia sentir durante media hora  un murmullo de voces contando historias de medo, de piratas, de animais, de princesas, de froitas e vexetais.

      Todo o cole encheuse dunha maxia especial e en todos os recunchos había rapaces e rapazas  saboreando unha boa aventura lida por un compañeiro ou compañeira de cole.

              Como non podía ser doutro xeito, unha experiencia así,  tiña que ter un agasallo. Houbo intercambio de marcapáxinas, un bico e algún que outro obsequio para os afillados e afilladas.

 

       Por outra banda, fixemos unha recopilación dos nosos libros e contos favoritos. Cada aula elixiu dous títulos e decorou cadansúa banda para pegar nas escaleiras do cole.

        O resultado quedou fenomenal e agora cada vez que subimos as escaleiras estamos a repasar os títulos de contos e libros infantís máis importantes para o alumnado do cole.

 

        Desfrutade da nosa celebración no seguinte genially:

DÍA MUNDIAL DA POESÍA E DÍA INTERNACIONAL DOS BOSQUES 2018

O pasado 21 de marzo, nada máis comezada a primavera, celebramos O Día Mundial da Poesía proposto en 1998 pola UNESCO, que se celebra cada 21 de marzo (equinoccio de primavera, no Hemisferio Setentrional) co propósito de consagrar a palabra esencial e a reflexión sobre o noso tempo.

 

A Asemblea Xeral das Nacións Unidas aprobou esta mesma data, o 21 de marzo, como data de celebración do Día Internacional dos Bosques. Este día de celebración mundial dos bosques bríndanos a oportunidade de concienciármonos sobre a importancia de todos os tipos de ecosistemas boscosos e árbores, e de celebrar os diferentes xeitos nos que os bosques nos manteñen e protexen.

Deste xeito quixemos escenificar a importancia destas celebracións cun “TENDAL DE FOLLAS” no que todos os alumnos e alumnas do cole penduraron follas feitas por eles e elas, das nosas árbores autóctonas, e nervadas con poesía nun “tendal natural” xunto ás nosas queridas e apadriñadas árbores do cole.

Ecos do 8 de marzo: "Día Internacional da Muller"

Co gallo da celebración do Día Internacional da Muller, no colexio realizamos unha morea de traballos para a súa conmemoración. Por unha banda adicamos este día a investigar sobre as mulleres deportistas , adaptando esta data ao noso PDI: "Vivindo san no cole Frian".

O propio día 8 de marzo, colocamos os nosos traballos nun mural colaborativo e cantamos todos xuntos a nosa canción favorita.

O xoves 15, tivemos a gran sorte de desfrutar no cole da presencia de Susana Rodríguez, deportista viguesa de triatlón.

Susana contounos como levou a cabo o seu sono de poder ir a unha olimpíada. Deleitounos cunha exposición que deixounos abraiados da súa capacidade de superación.

Grazas Susana por compartir connosco o teu entusiasmo polo deporte!!

 

Todo este traballo sobre as "mulleres deportistas" concéntrase no seguinte genially:

Powered by Drupal - Design by artinet