Neste segundo trimestre tivemos a oportunidade de participar en dous obradoiros.

Un sobre os refuxiados coa Asociación Provivienda. E o outro sobre o acoso escolar, impartido pola policía nacional. Dúas temáticas que interesaban ao noso alumnado e con estes obradoiros conseguiron disipar moitas das dúbidas que tiñan.

O mércores 21 de marzo o alumnado de sexto fixemos unha saída á Escola de Educación Viaria do Castro. Cando chegamos ao circuíto fomos recibidos por dous policías locais. Encargáronse de proporcionarnos a información necesaria para convertérmonos en peóns, policías e ciclistas.

Desfrutamos moito coa experiencia e aprendemos as normas para circular como peóns e como ciclistas. O alumnado que facíamos de policía tivemos que rexistrar todas as accións positivas que realizaban os nosos compañeiros/as.

Por quendas fomos rotando por cada un dos postos establecidos. O tempo pasou voando.

APRENDEMOS XOGANDO!

Grazas Policía Local!!

Desfrutade da nosa experiencia no seguinte vídeo:

O venres 2 de febreiro o alumnado de 5º e 6º tivemos un obradoiro organizado polo Faro da Escola en colaboración con CSIC. Alex, biólogo mariño, explicounos como traballa investigando as especies da Ría de Vigo. Dunha forma moi amena e transmitindo o entusiasmo pola seu traballo, contounos unha morea de cousas sobre a vida do mar.

Ademais da súa explicación, compartiu con nós o seu museo particular. Deste xeito puidemos tocar, ver e observar verdadeiras xoias mariñas.

Desfrutade do vídeo:

GRAZAS ALEX POLA TÚA DEDICACIÓN!

Grazas ao CSIC e ao Faro da Escola pola organización do obradoiro.

Durante o primeiro trimestre tivemos tres tipos de obradoiros:

-Obradoiro de Igualdade do programa do Concello “Camiña con nós pola Igualdade”.

-Obradoiro de prevención da Drogodependencia organizado polo Concello.

-Obradoiro de Sexualidade, impartido por Marisol, matrona do Sergas.

Non vou lento...vou detendo o cambio climático!

Así lucía o slogan que a policía, encargada da Educación Viaria do noso Concello, empregou para contarnos as virtudes e inconvintes do emprego das bibicletas. Entre todos e todas descubrimos as posibilidades que nos poden ofertar estes vehículos que conviven connosco. Tamén nos falaron da obrigatoriedade e necesidade do emprego do casco cando facemos uso das nosas bicicletas.

Todo unha clase de Educación Viaria, tan importante nestes tempos.

Grazas por ensinarnos dun xeito tan ameno!