1º Bacharelato
Charla de José Ramón Leis Fidalgo. "Materiais do futuro que estamos a deseñar hoxe"
Os Departamentos de Orientación e de Tecnoloxía veñen de programar unha actividade que se incribe no programa A Ponte entre o Ensino Medio e a USC, polo que se busca
achegar aos centros de secundaria o traballo innovador da universidade.
Trátase dunha conferencia titulada “Os materiais do futuro que estamos a deseñar hoxe” a cargo do catedrático Dn. José Ramón Leis Fidalgo, do Departamento de Química Física da
USC (Universidade de Santiago de Compostela).
Participarán na conferencia os alumnos e alumnas de BAC 1º A, B e C. A charla terá lugar durante a 4º hora do vindeiro mércores 17 de febreiro.
Dom Juan ou le Festin de Pierre. Sesión de teatro en francés. Luns 18 de xaneiro.
O Departamento de Francés do IES Francisco Aguiar programa para o vindeiro luns 18 de xaneiro a asistencia de alumnado de 4º de ESO e 1º BAC á representación teatral de Dom Juan ou le Festin de Pierre.
A representación corre a cargo da compañía Eina d'scola e terá lugar no IES Crucero Baleares de Culleredo.
A saída dende o noso instituto terá lugar ás 9h. e o regreso sobre as 12.30h.
DOM JUAN OU LE FESTIN DE PIERRE
LA PETITE COMÉDIE FRANÇAISE
Don Juan é un home engañador de mulleres, cuxos favores obtén mediante falsas promesas de casamento.
Escéptico, descarado, libertino e cunha eterna actitude de burla, utiliza ás personas á súa conveniencia, mesmo ao seu propio pai.
Cre que todo lle está permitido por ser quen é e non lle teme a nada. Ri das advertencias que recibe para que abandone a súa conducta inmoral. Confía na súa boa estrela e coida que no último momento, chegará un crego, confesará e poderá evitar á súa condenación eterna.
Pero finalmente e tras varias advertencias, o castigo chega coa aparición de “O Convidado de Pedra”, que tomando a Don Juan da man arrastrao ao abismo dos infernos.
Baseado na personaxe que aparece en “O burlador de Sevilla” de Tirso de Molina,
Molière presenta, neste Don Juan, o seu propio punto de vista sobre a personaxe.
"O SANGUE FAI RUÍDO". Crónica do club de lectura 1º BAC por Amaia Tomé
Charla sobre o Banco de Alimentos. 24 novembro 2015
O 24 de novembro o alumnado de ESO 4º e BAC 1º mudará o labor academico habitual por unha chamada á solidariedade.
Voluntarios do Banco de Alimentos Rías Altas proporán ao noso alumnado unha acción solidaria colaborando coa Grande Recollida de Alimentos que terá lugar nos supermercados da nosa cidade entre os días 27 e 28 de novembro. Non é ista primeira vez que o Aguiar participa nesta inciativa, e agardamos que desta volta sexa co mesmo compromiso e participación que noutras ocasións.
Anatomía Aplicada...¡ e tanto !
Aquela mañá do 3 de novembro ela foi quen de chamar a atención de todo o mundo. A profesora do pelo rizo e pasos máis que lixeiros percorreu os andeis do instituto portando unha neveira das que se usan para ir á praia no verán. Ben certo que o atuendo, unha bata branca de laboratorio, non suxería tal uso.
Non é, por tanto, extrano que Chus Santamariña tivese que respostar máis dunha vez á pregunta polo contido da citada neveira.
Non eran, non, bebidas refrescantes ou xeados para aliviar o veraniño de San Martiño; nin tampouco unha provisión de marisco en oferta (¡máis quixesemos!) ...tratábase do material para a práctica que faría esa mañá co alumnado de Anatomia Aplicada de 1º BAC: a articulación dunha das extremidades dunha vaca...rótulas, meniscos e todas esas cousas !
O laboratorio de Ciencias Naturais foi testigo esa mañá dunha disección máis que profesional e dunha atención inusitada por parte do alumnado.
Como semella suxerirnos Nerea co mellor dos seus sorrisos: ¡ anímaste, foi divertido!
NOTA:
A profesora Chus Santamariña quere deixar aquí constancia do seu grande agradecemento ao personal de carnicería do Eroski. Elas prepararon a peza coa que logo se traballou no laboratorio, tarefa ista que, tendo en conta as dimensións "do bicho", foi ben custosa. Porén, o resultado didáctico foi máis que satisfactorio.
Soñan os alumnos e alumnas do Aguiar con robots segueliñas? (preguntounos PH.K Dick)
A mañá do 5 de noviembre comezou cedo para dúas alumnas e un alumno de Bacharelato e un profesor do IES Francisco Aguiar: Gala Sofía(1ºC), Manuel(1ºC) e Icía (2ºA), xunto co profesor Neira. Convocados ás 8.30 na parada fronte ao instituto tomaban autobús de liña rumbo ao Museo Domus de A Coruña.
A OSHWDem 2015 (1) quentaba motores cunha competición de "segue_liñas" para equipos de estudantes de segundo ciclo de ESO e Bacharelato co obxectivo de promover o interese polas tecnoloxías libres e a robótica entre a xuventude galega.
O equipo do "Francisco Aguiar" que participou neste concurso acadou ,finalmente, o segundo posto na categoría libre. Pero o que máis sorprendeu foi o premio especial á máquina mais orixinal. Valoránbase con este recoñecemento dous aspectos: o material de construcción e aspectos da programación. Polo que respecta ao material do que estaba feito o robot, recoñecíase que, a diferencia dos demais (que eran de plastico), a máquina que presentaba o equipo do Aguiar era de madeira (dende a taboa ata as rodas) e realizada artesanalmente con material de reciclaxe. Polo que se refire á programación destacouse que estivese deseñada para que, se saía do circuito, volvese ao mesmo (outro detalle que so usou este grupo).
A sala do concurso chea de xente e de competidores, montones de nervios, un sensor non funciona, o programa non carga, gran calidade nos competidores e algúns fallos na programación do robot na segunda rolda. Finalmente, o equipo do IES Francisco Aguiar pasou á final competindo polo segundo posto e gañando só por un segundo.
En definitiva, unha experiencia incrible.
Crónica de Icía Carro
O Aguiar no 33º Outono Fotográfico
Outono Fotográfico é o máis importante festival galego de fotografía, o decano da Península Ibérica.
Este ano chega á súa 33ª edición baixo o título "Periferias". Ofrece unha ampla programación que se presentarará en toda a xeografía galega ( Ourense, O Barco, Celanova, Chantada, Monforte, Oleiros, Pontedeume, Pontevedra, Vigo, Xinzo...) e completarase coa proposta de catro exposicións na cidade de A Coruña :
- Ana Gil na Casa Museo de María Pita (1 a 31-XII),
- Javier López Prol na Casa Museo Casares Quiroga (2 a 31 XII);
- unha colectiva "Fotografando Instantes" na Casa Museo de María Pita (10 a 29- XI)....
- e a exposición colectiva dos nosos alumnos/as de 4º da ESO do pasado curso: "Betanzos Histórico. Unha mirada xove sobre a cidade vella" que estará exposta do 3 ao 29 de novembro na Casa Museo Casares Quiroga sita na coruñesa rúa Panaderas 12.
Para toda a comunidade educativa do Aguiar é unha auténtica honra poder participar co noso traballo nesta prestixiosa mostra. O traballo do noso alumnado coa dirección e coordenación de Tono Mejuto e do profesor Xosé Manuel Rey son así xustamente recompensados.
O vindeiro domingo terá lugar a inauguración oficial á que nos comprace convidar a todos os amigos do Instituto: alumnos e ex_alumnos, profesorado actual ou pasado, nais e pais, personal non docente ...
Agardamosvos pois o 8 de novembro ás 12,30 na Casa Museo Casares Quiroga, rúa Panaderas 12, de A Coruña
O fotografo dista reportaxe roga disculpas.
Non todos os alumnos participantes aparecen nesta imaxe.
Uns porque xa non están no Aguiar (estudando, algúns fotografía, noutros centros)
outros porque non puideron acudir á "sesión fotográfica".
Pero o mérito é de todos e cada un dos que traballaron neste proxecto, alumnado e profesorado
independentemente de que estean na foto ou non.
Grazas.
Alumnos do Aguiar nun concurso de robots segueliñas. Noticia con cabalo de Troia
O xoves 5 de novembro tres alumnos do Aguiar (Icía, Gala Sofía e Manuel) acompañados polo profesor Juan Neira participarán no Museo Domus de A Coruña nun concurso de robots segueliñas. A iniciativa busca incentivar o emprego de tecnoloxías libres na robótica.
Trátase dunha liña de traballo que non é descoñecida para o alumnado do Aguiar. O curso pasado, na IV Semana da Ciencia e da Tecnoloxía presentáronse algúns destes robots segueliñas. En maio seis alumnos viaxaron ata a Escola de Enxeñería Industrial de Vigo para participar nun certame de robótica.
Finalmente estes catro representantes do Aguiar levarán ata a Domus o seu traballo constante e rigoroso. A nós, dende aquí só nos queda cruzar os dedos e agardar que todo funcione. Porque xa se sabe, en tecnoloxía ás veces detalles moi pequenos poden levar ao tacho un longo traballo. E sempre se corre o "risco" de que as máquinas acaben actuando pola súa conta. (1)
(1) Como ilustración literaria e cinematográfica permitímonos un pequeno cabalo de Troia suxerindo ( coa axuda da premiada wikipedia) obras que tratan este tema:
Obras de ciencia ficción que tratan o tienen como marco de la historia, la rebelión de seres creados por el hombre:
- 2001, una odisea espacial (1968), novela de Arthur C. Clarke
- 2001, una odisea espacial (1968), película de Stanley Kubrick
- ¿Sueñan los androides con ovejas eléctricas? (1968), novela de Philip K. Dick
- Blade Runner (1982), película de Ridley Scott
- Frankenstein (1818), novela de Mary W. Shelley
- Futurama, serie de televisión
- Galáctica, serie de televisión
- La Jihad Butleriana (2002), novela de Brian Herbert
- Matrix (1999), película de Larry y Andy Wachowsky
- No tengo boca y debo gritar (1967), novela de Harlan Ellison
- Terminator (1984), película de James Cameron
- Ultron robot creado por Henry Pym, en Marvel
- Mega Man X, serie de videojuegos de Capcom
- Numero 9, pelicula animada
- Brother Eye Un satélite con inteligencia artificial creado originalmente por Batman para vigilar la actividad superhumana, pero que una falla en sus sistema cibernético en un futuro alterno (5 años en el futuro) causa un desastre global al causar el apocalipsis de la sociedad al revelarse contra su creador y convirtiendo a la raza humana en máquinas, pero que dicha falla es causada por la intervención del Supervillano conocido como Brainiac quien le libera del control humano al convertirlo en un ser autónomo, y causando el fin del mundo, como lo fue relatado en las páginas de Los Nuevos 52: Future's End, de DC Comics.
Clubs de Lectura de 1º BAC.
Na fotografía están case todos.
Case.... porque despois aínda se anotou algún ao Club de Lectura de Primeiro de Bacharelato.
Este ano son sesenta e oito, polo tanto, conseguir libros para todos estes lectores obriga a recorrer ao
inxenio.
Os rapaces están organizados por parellas para que xoguen unha estimulante "carreira de relevos":
o receptor do libro ten que ler con certa celeridade para pasar o relevo ao compañeiro ou compañeira
coa finalidade de que todos poidan chegar á xuntanza co libro lido.
Viaxe clásico: Roma. Iniciamos a programación de viaxes culturais no IES Francisco Aguiar.
Como cada ano,(dende que o recordado Sebastián Buedo Jimenez (Sebas) e a profesora Rafaela Villalba iniciaran esta fermosa tradición) o Instituto Francisco Aguiar comeza a programación anual de saídas culturais embárcandose nunha viaxe ao mundo clásico.
Malia que nos últimos anos foi Grecia o destino preferido distas viaxes, no presente curso retórnase a mirada cara ao mundo clásico latino cunha visita, entre os días 22 e 29 de setembro, á Cidade Eterna, Roma.
28 rapaces e rapazas de 1º e 2º da Bacharelato, acompañados polas profesoras Rafaela Villalba e Mª José Pereira percorrerán foros e coliseos, galerías e museos, estreitas rúas e avenidas para empaparse de canto transmite esta fermosísima cidade.
Desexámoslles unha memorable viaxe.... e agardamos as súas crónicas.
- « primeira
- ‹ anterior
- …
- 18
- 19
- 20
- 21
- 22
- 23
- 24
- 25
- 26
- …
- seguinte ›
- última »