O pasado 12 de agosto, na sala de plenos do Concello, as alumnas autoras da Balconada 'Doce' e o seu profesor J.M. Rey Bao, recolleron diplomas acreditativos e agasallos da mán da alcaldesa María Barral. Moi orgullosos deste gran logro. Parabéns!

Betanzos está xa engalanado coas Balconadas e, por segundo ano consecutivo o alumnado de Educación Plástica de 4º con José M. Rey Bao á fronte, presenta unha creación propia. Este ano, a proposta é un calendario agrícola inscrito no rosetón principal de Santa María do Azougue.

Compartimos as fotografías da balconada na súa ubicación e de novo o álbum, con máis fotografías do proceso de creación, incluíndo unha espectacular (dou fé) tarta de iogur con rosetón de chocolate receta exclusiva de Sonia. Preme na imaxe para navegar polo álbum ou accede á nosa galería fotográfica. 

Álbum: Departamento de Plástica e Visual 2018-2019 -> Balconada 4ºESO

Aínda que xa rematamos o curso, un pequeno grupo de alumnos/as de 4º da ESO continúa a vir a traballar ao centro. O seu traballo, algo con moito significado e cunha gran ilusión, unha balconada que agardamos entre a concurso na edición de Balconadas 800 aniversario. A proposta representa un calendario agrícola dentro do rosetón da igrexa de Santa Mª do Azouge. Noraboa a todos os participantes na súa elaboración polo seu bó facer e creatividade. 

Álbum: Departamento de Plástica e Visual 2018-2019 -> Balconada 4ºESO

Se a fotografía axuda ás persoas a ver e a poesía a sentir, a fotopoesía, lévanos máis aló. O safari fotopoético en 3º da ESO é xa unha tradición con froitos que non deixan a ninguén indiferente.

Nesta ocasión, no 800 aniversario do traslado da vila de Betanzos centramos as fotopoesías en Betanzos e na figura da soldadeira do medievo María Balteira.

Ola a todos! Xa estamos aquí de novo, un ano máis, para presentarvos o novo número de BD, a revista de banda deseñada do IES Francisco Aguiar. Este é un ano especial: Betanzos cumpre 800 anos e BD… vai camiño deles, de momento xa levamos 12, que non está mal.
O principal obxectivo do Equipo de Normalización e Dinamización Lingüística deste instituto é facer chegar e espallar a nosa lingua e a nosa cultura a todos os integrantes
da comunidade educativa; para tal fin entendemos que unha revista na que colaboran os alumnos e alumnas deste centro serve de forma atractiva e lúdica ao noso proxecto.
Como estamos de celebración, neste número ides atopar unha mostra de traballos que teñen como fío argumental a conmemoración dos 800 anos de vida de Betanzos. Son parte do traballo realizado polo alumnado de 3º ESO na área de Educación Plástica e Visual.
E como estamos soprando velas na nosa cidade, tamén lle dedicamos un apartado especial a outros aniversarios: os 90 anos de Popeye e Mickey Mouse, e os 60 de Mortadelo e Filemón (aínda que este, en realidade, foi o ano pasado).
Como vén sendo habitual, DB difunde a obra de autores importantes da banda deseñada. Dado que este número é unha homenaxe a Betanzos, faremos un percorrido polo traballo do noso autor máis recoñecido: Xosé Tomás.
En fin, esperamos que este pequeno traballo sexa do voso agrado, e ata o ano que vén, que celebraremos... 801 anos!

Preme na imaxe ou aquí para acceder á revista

Fotografías orixinais do alumnado de 3 ESO coordinador José Manuel Rey Bao. Actividade dentro do Plan Proxecta 'Fotografía en curso'. Enlace á web coas fotografías do alumnado preme aquí.

Fotografías orixinais do alumnado de 3 ESO coordinador José Manuel Rey Bao. Actividade dentro do Plan Proxecta 'Fotografía en curso'. Enlace á web  de ' Fotografía en curso ' coas fotografías do alumnado preme aquí.

De novo o alumnado de Educación Plástica e Visual nos volta a sorprender ca súa creatividade e o seu bó facer. Dentro do Proxecto Terra do COAG (Colexio Oficial de Arquitectos de Galicia), no apartado 'Dereito ao hábitat', o alumnado fixo unha intervención no corredor dos laboratorios de Bioloxía e Xeoloxía consistente nunha recreación da ilustración icónica da evolución en relevo a escala (case) natural. Tamén se incluiron unhas letras B X para simbolizar a Bioloxía e a Xeoloxía, e coma xa fixeran anos anteriores co seu corredor 'xemelgo' dos laboratorios de Física e Química.