Un ano máis o Departamento de Educación Plástica e Visual, coa colaboración do Departamento de Galego participa nos encopntros interterritoriais do Proxecto Terra. 

Un ano máis os nosos alumnos e alumnas visitan a fermosísima cidade de Guimaraês, Capital Europea da Cultura no ano 2012, distinguida por un proxecto interesantísimo de revitalización urbana que inclúe unha nova forma de ollar o patrimonio.

Un ano máis alumnado e profesorado aprendendo e tomando nota. 

Un ano máis unha presentación en vídeos co fío condutor do novo punto de vista do patrimonio. Un patrimonio habitado no que non estamos sós os humanos. Un patrimonio que debe transformarse en recurso ( turístico, educativo...) e non en simple "floripondio". Un patrimonio que xestionado polo seus "donos" será máis patrimonio e máis respetado. E sobre todo un patrimonio que fuxe do modelo de parques temáticos para facerse escenario da vida cotiá. 

O patrimonio habitado. A Citania de Briteiros

O patrimonio feito recurso. Penha, Castelo e Couro. 

O patrimonio de xestión social. Souto de Sâo Salvador

Patrimonio para convivir. Guimaraês cidade ( no coraçâo) 

A maioría poderíamos estar dacordo en que non hai mellor estímulo para a lectura que ver ler a outros. Esta idea parece estar na orixe do concurso que propón fotografiar a lectores ou lectoras e asociar á imaxe unha cita propia ou allea.

Un pensamento, unha imaxe, unha suxestión de lectura

Porque algunhas veces un máis un non é necesariamente dous. 

Propoñemos cada ano escoller un verso ou sentencia escrito pola persoa á que cada ano se lle adica a conmemoración da Letras Galegas. E vencellar dita cita a unha imaxe propia tomada polos nosos alumnos e alumnas. Isto ven sendo o Safari fotopoético das Letras Galegas que ten grande tradición xa no noso Instituto.

O resultado, non é unha simple suma. A miúdo palabra e imaxe multiplícanse para acadar que un máis un sexa infinito. 

picar para abrir o enlace con BAN-DE

11 anos publicando nun instituto de xeito ininterrumpido unha revista xa é toda unha proeza. Se, por riba, a revista é de banda deseñada roza xa a pura utopía.

Pero o certo é que non hai nada de utópico.

O Aguiar pode sacar dende hai once anos a revista "bd" ...

• Grazas ao impulso inicial de Uxía López Meirama  dende a Biblioteca  e co apoio de xente tan importante neste eido como Miguel Anxo Prado.
• Ao Departamento de Educación Plástica que estivo sempre detrás do proxecto. Varios profesores e profesoras ao longo de varios anos e, sempre como fío conductor  e constante animador,  o profesor José Manuel Rey Bao.
• Ao equipo da biblioteca que insisiste nas súas propostas de lectura de banda deseñada e mesmo é quen de traer ata o instituto a autores como David Rubín, Paco Roca, Kim e Altarriba  ou  Miguel Gallardo.  
• A once xeracións de alumnos e alumnas que sostiveron co seu traballo este proxecto, algunhas  (Sarela Lorenzo) premiadas en importantes certames. Este ano, na undécima entrega de "bd": José Varela, Sonia Vázquez, Serafín Vázquez, María Mosquera, Ana Martínez, Ana Pérez, Lucas Mahía, Iago Porto, Lucía Sánchez, Sara Becerra, Celia Cernadas, Lucía Castaño, Lucía Vázquez López e , a recentemente premiada no premio de Banda Deseñada do IES Arcebispo Xelmirez 1, Delia Vázquez. 

PARABÉNS POR FACER REALIDADE A UTOPÍA!

O xoves 21, á tarde, a nosa alumna Delia Vázquez González recibía o primeiro premio de Concurso de Banda Deseñada que convoca o IES Arzobispo Xelmirez 1 de Santiago de Compostela. Estivo acompañada polos seus familiares e, en represantación do IES Francisco Aguiar polo seu profesor Xosé Manuel Rey Bao. 

PARABÉNS!

Que sexa o inicio dun camiño de traballo coroado de recoñecementos!

PROXECTO TERRA (I)

Un ano máis, o IES Francisco Aguiar participa no Proxecto Terra, unha iniciativa da Consellería de Educación e o Colexio Oficial de Arquitectos de Galicia que trata de concienciar ao alumnado de Primaria e Secundaria sobre os valores da arquitectura tradicional, da arquitectura contemporánea e da identidade territorial, e da importancia que teñen no patrimonio cultural de Galicia.

Este ano centrámonos no estudo da arquitectura tradicional, da que o Casco Histórico de Betanzos contén numerosos exemplos. Como traballo práctico, o alumnado de 4º ESO elaborou propostas de intervencións en espazos públicos dese contorno monumental; tratábase de reflexionar sobre o uso e o potencial que eses ámbitos públicos teñen para mellorar a vida cotiá dos cidadáns, proxectando pequenos espazos máis ou menos efímeros cos que os veciños puidesen interactuar. A partir do concepto de "refuxio", foron xurdindo ideas como un pequeno pavillón cuberto con banco e detalles vexetais na praza da Constitución, unha referencia aos barcos que noutros tempos foron habituais nos ríos de Betanzos, unha proposta de cubrir a rúa Travesa ou un espazo de descanso e relación nun solar da rúa San Francisco. Nestas imaxes podedes observar un resume do traballo realizado.

PROXECTO TERRA (II)

Outra liña de traballo en relación ao Proxecto Terra estivo relacionada co "Dereito ao hábitat". Tratábase de afondar na idea de "onde vivimos importa", reflexionando sobre a importancia que o hábitat (considerado como o espazo natural e construído no que desenvolvemos a nosa vida) ten na nosa experiencia vital, e a súa consideración como un dereito de todos os cidadáns. Este dereito ten un sentido individual e privado (dereito a dispoñer dunha vivenda digna) pero tamén ten un sentido público (os espazos compartidos que deben ser obxecto de ordenación, na que con frecuencia o beneficio colectivo pode supoñer algunhas renuncias individuais).

Da idea de que o hábitat é un dereito que incide na calidade de vida colectiva xurdiu a idea de intervir nun espazo compartido no interior do instituto, tratando de darlle unha nova imaxe a un dos corredores. Tratábase de converter un lugar de paso nun espazo máis agradable, coa idea de que iso produciría unha mellora na vida cotiá da comunidade educativa. Eliximos o corredor dos laboratorios de Física e Química, cunha intervención que consistiu no pintado da parede, sinalética dos aseos e disposición dunha táboa periódica nun dos paramentos. Podedes valorar o proceso de traballo e o resultado final a través das imaxes que se acompañan.

O alumnado do Instituto Francisco Aguiar participou no concurso fotográfico “O papel das mulleres betanceiras hoxe” con 21 fotografías, reflexo de diferentes roles da muller na sociedade actual, organizado pola Concellaría de Servizos Sociais

O xurado seleccionou tres primeiros premios baseándose nos criterios técnicos, de orixinalidade e de adecuación a temática do concurso. Ademais, outorgáronse dúas mencións especiais e seleccionáronse as fotografías que formarán parte dunha exposición inaugurada no Liceo o 24 de abril baixo o título “A muller en Betanzos, dous séculos” na que se representará a evolución do papel da muller a través de imaxes tanto actuais, seleccionadas mediante este concurso, como antigas do arquivo municipal.

Felices por seren parte dista emocionante iniciativa do Concello de Betanzos. Exposición fotográfica "A muller en Betanzos, dous séculos". A mostra supón un percorrido polo papel da muller desde o século pasado e ata hoxe.

Para lograr este obxectivo a exposición contará con fotos do Arquivo Municipal que permitirán ofrecer unha visión da vida en Betanzos hai máis de 100 anos, xa que a foto máis antiga é de finais do século XIX. A estas imaxes contrapóñense as fotografías actuais que realizou o alumnado do IES Francisco Aguiar e que foron seleccionadas polo xurado do concurso fotográfico “Ou papel dá muller betanceira hoxe”. A inmensa maioría das fotos participantes foron do alumnado de 3º da ESO da materia de Educación Plástica e Visual coa animación e coordinación do profesor Xosé Manuel Rey Bao.

A entrega de premios realizarase o mércores 25 de abril na Sala de exposicións do Liceo, coa mostra xa inaugurada.

Na exposición fotográfica plásmanse temas de gran actualidade como a conciliación, as reivindicacións feministas, a coeducación, o teito de cristal, a presenza de mulleres en profesións masculinizadas ou os empregos invisibles que supoñen a crianza dos / as fillos/ as e as tarefas do fogar.

A mostra fotográfica poderá visitarse na sala de exposicións Jesús Núñez do Liceo ata o 12 de maio en horario de 10:00 a 13:00 h e de 18:00 a 20:30 h días laborables, e de 11:00 h a 14:00 h os sábados.

http://novas.betanzos.es/o-concello-de-betanzos-organiza-a-exposicion-fotografica-a-muller-en-betanzos-dous-seculos/

Chegou aos nosos oídos... que o periódico comarcal gratuito Betanzos e a súa comarca, faise eco do traballo do noso alumnado, concretamente na súa sección Cal e Area que recolle cousas ben e mal feitas no Concello.

Concretamente alaba (unha de Cal) o labor do Concello no barrio dos xudeos coa rehabilitación dun espazo para a creación dun parque e recolle a participación do noso alumnado na súa creación.