Ao longo desta semana, os 1º da ESO realizarán un obradoiro sobre afecto ofrecido pola asociación CASCO (Comité AntiSida de A Coruña).

Datas e horarios.

Todos os obradoiros teñen unha duración de dúas sesións de clase, e teñen un descanso/recreo no medio

Hoxe, o alumnado de Programación de 1º da ESO, acudiu á Fundación Barrié en A Coruña para realizar un obradoiro e coñecer o traballo do fotógrafo Norman Parkinson. Despois de charlar de fotografía e historia da moda, acudimos ao taller para realizar a que, para moitos, seica foi a súa primeira cita coa costura. Para qué? Para iniciarnos nunha das tendencias que pode vir na moda do futuro, os e-téxtiles . Como esta era só unha iniciación o que fixo cada alumno/a asistente ao obradoiro foi coser unha luz LED nun pequeno anaco de fieltro, para logo comprobar o seu funcionamento e realizar un pequeno programa con Scratch e a controladora MakeyMakey.

Pequena reflexión tras o taller: é interesante que aprendades a empregar a agulla e o fío, poden ser tremendamente útiles e ... non morden .

Premede nas frechas para navegar polas fotografías ou visitade o álbum da actividade na galería fotográfica do centro.

Álbum: Actividades 2019-2020 -> Brazaletes intelixentes na Fundación Barrié

Luns 28 de outubro de 2019

Obradoiro na Fundación Barrié en A Coruña con motivo da exposición do fotógrafo Norman Parkinson.

Nestas alturas de curso toca correxir e despedirse, non podo coma docente deixar de abraiarme por todo o que avanzáchedes dende que comezou o curso. O voso traballo, os vosos debuxos e a vosa creatividade, botareinas en falta e sei que seguerán a medrar cos anos. Os murmullos e que non sexades capaces de deixar de falar 2 minutos seguidos e, esas sesións de clase sempre a derradeira hora da mañá, cando todos estamos xa coas pilas un pouco baixas, crédeme que non.

Compartimos coma despedida unha das axendas máis orixinais, que vestiu a 'Siri' de galega, que a verdade e que lle senta moi ben.  Pasade bó verán.

 
O vindeiro XOVES, 11 DE ABRIL DE 2019, terá lugar a “Carreira Solidaria Corre por Betanzos 2019”, que organiza o colexio CEIP Vales Villamarín coa colaboración do Concello e dos demais centros educativos de Betanzos e das unitarias de Coirós e Paderne. A carreira realizarase na pista de atletismo anexa ao campo de fútbol García Irmáns e  arredores, con fins solidarios (sen cronometraxe nin premios para os máis rápidos).

Os alimentos recaudados destinaranse a Cruz Vermella e a Cáritas.

Este ano, ademais, animamos a toda a comunidade a colaborar na iniciativa que promove un alumno do Vales Villamarín “LUCHANDO CONTRA EL MEDULOBLASTOMA”.

O alumnado de 1º e 2º da ESO realizará a súa participación na carreira na quenda de  12.30 a 13.30 horas. A carreira terá unha duración 15 minutos. O día da carreira terán que vestir roupa e calzado axeitado (preferentemente camiseta de cor branca).     

Cada alumno/a participante recibirá un dorsal como recordo da súa participación no evento. Estos dorsais serán proporcionados polo CEIP Vales Villamarín ao resto de centros (antes da proba), e cada alumno/a o decorará ao seu gusto, levándoo posto no momento da carreira.

Os alumnos deixarán os alimentos no centro e Cáritas e Cruz Vermella encargaranse de ir a recollelos. Ademais, haberá a posibilidade de que os nenos/as ou os seus familiares leven os alimentos o mesmo día á zona da carreira e os deixarán na zona habilitada para que sexan recollidos por Cáritas e Cruz Vermella.

Animamos a toda a comunidade a colaborar coa iniciativa "LUCHANDO CONTRA EL MEDULOBLASTOMA" que promove un alumno do CEIP Vales Villamarín. 

Os pasados 26 e 27 de marzo, o alumnado de 1º da ESO asistiu xunto ao seu profesor de Educación Física, José Permuy, a unha sesión de iniciación ao golf nas instalacións de Paderne.

Á vista das imaxes, sobra dicir que foi unha xornada proveitosamente divertida.

Preme na imaxe e navega coas frechas ou visita na galería fotográfica do centro o álbum da actividade.

Álbum: Departamento de Educación Física 2018-2019 -> Golf1ºESO

 Mércores 20 de Marzo 2019

Derradeira sesión neste curso do encontro con maiores do espazo +60 de Afundación. Organizado por Julián Ferrer do Departamento de Xeografía e Historia. Alumnado e maiores compartirán as súas experiencias, historias e soños para a escola pasada, presente e futura. De 9:35 a 11:15.

O pasado 13 de febreiro a vella cidade de Betanzos vestíase de gala para conmemorar o 800 aniversario da súa traslación dende Betanzos o Vello ata o Castro de Untia. 

Como arranque dos actos que ese día tiveron lugar, a carón da Igrexa de San Martiño de Tiobre, o historiador e arquiveiro do Concello, Alfredo Erias, pronunciou unhas palabras para contextualizar o que estabamos a celebrar e o que celebraremos todo este ano que temos por diante.

800 aniversario da traslación de Betanzos o Vello ó Castro de Untia

palabras de Alfredo Erias en Tiobre

13-02-2019 ás 10 da mañá

Señora Alcaldesa de Betanzos, autoridades, amigos:

Tal día coma hoxe, hai xusto 800 anos, o rei Alfonso IX de León e Galicia concede unha carta ós poboadores de Betanzos de Tiobre, o que hoxe chamamos Betanzos o Vello (e que xa tiña desde 1162 o gremio de alfaiates ou xastres máis antigo de España), permitíndolles facer o que pediron: asentarse no veciño Castro de Untia, que pasaría a chamarse Vila Nova de Betanzos, despois Betanzos a secas e por derivación da confraría de Betanzos de los Caballeros que existía en san Francisco no século XV, aínda hai alguén que lle chama Betanzos de los Caballeros ou dos Cabaleiros. Pero como este Castro era por ese tempo propiedade do mosteiro de Sobrado, concede a este a cuarta parte de todas as rendas e proveitos da nova vila e a metade das capelas que se construísen. 

 .../...

 A historia non para e a vida sigue, mentres a cidade de Betanzos se vai adaptando ós tempos sen perder a súa esencia máis íntima: a de estar conectada co seu entorno rural, coa súa comarca, como poucas poboacións. 

É como se se resistira a esquecer a súa orixe de Tiobre. Por iso mesmo estamos hoxe aquí: para recordar ós nosos antepasados e aquel camiño que fixeron hai 800 anos e que sempre foi de ida e volta.

Moi agradecido!

Verémonos aquí mesmo dentro de cen anos.

NESTE ENLACE PODESE LER A INTERVENCIÓN COMPLETA DE ALFREDO EIRAS

E UN DÍA ANTES.... O 12 DE FEBREIRO

TAMÉN OS PEQUENOS DO AGUIAR QUIXEMOS CELEBRAR A EFEMÉRIDE

TRASLADÁNDONOS COA MESMA FESTA E ALEGRÍA DENDE TIOBRE ATA UNTIA

Escoitamos dos pregoeiros Martín Muiño e Óscar García o privilexio que nos concedía o traslado

Descubrimos estrelas de pedra marcando a orixe do camiño

Cruzamos pontes, resolvemos enigmas

Arribamos á cidade que agora cumple 800 x 12 meses

... /...

E aprestámonos a commemorar 800 anos betanceiros... que deron para moito:

. Para construir algunhas das máis fermosas igrexas góticas de Galiza

. Para ter que reconstruirmonos logo de pavorosos incendios.

. Para acoller a lideres da revolta irmandiña como Afonso de Carvallido,  ou ao precursor do nacionalismo, Antolín Faraldo

. Para que indianos xenerosos como os García Naveira regalasen á cidade escolas, asilos e enciclopédicos parques do

  Pasatempo

. Para escoitar a Lugris no primeiro mitin en galego que se escoitou en Galiza

. Para sentir polas rúas os sons do Turito ou a gaita do Vello Rilo

. Para ver pasearse ceibo polo Campo ao porco de san Martiño

. Para ser capital de provincia e Sé do Arquivo do Reino

. Para loitar con rexemento propio contra o francés ou ser zona de operacións do maquis Foucellas

. Para albergar unha puxante Irmandade da Fala

No Aguiar declarámonos dispostos para seguir facendo Betanzos outros 800 anos máis