Un ano máis participamos no Plan Proxecta, aliménta-T ben e nestes dias iniciamos, dentro deste plan, un novo programa, proposto dende a Consellería do Mar nos centros educativos , de xeito que fomentemos nos alumnos e alumnas un equilibrio nas dietas alimenticias co consumo de peixe fresco.
Recibimos a visita no cole de Luis, Breogán, mariñeiros, e Mariña, a cociñeira dun colexio. Contáronnos que os mariñeiros cada vez pescan menos, xa que no mar hai menos peixes e máis lixo. E que Mariña non sabía que lle faltaba no seu menú, posto que os rapaces comían, pero carecían da enerxía necesaria para xogar, estudar e atender nas clases. O final descubriu que o que debía engadir nas comidas era o peixe.
Xogamos por equipos, por medio de preguntas coas que aprendimos un montón de curiosidades sobre o mar e os seres vivos que alí viven. Cada equipo fixo un puzle. Tamén coñecimos Ós Arroases, unha pandilla de 7 nenos e nenas que coñecen moi ben a importancia de comer peixe.
Ó final, otorgáronnos o título de “Mariñeiro pescador sostible”, posto que nos comprometimos a coidar o medio mariño e o benestar das especies que nel viven, así coma probar e comer pratos con ingredientes provintes do mar.
Ademáis de aprender, pasámolo xenial. Mirade, mirade…
Se premedes na foto, podedes ver todo o álbum.
E como xa sabedes, a aventura sabe a Sardiña, Xurelo, Rodaballo, Mexilón, Troita, Lirio, Pescada:
Nesta imaxe tedes un montón de aventuras descargables para traballar na aula
|