Inicio

Deportes, Música, PAG`s, Chegou aos nosos oídos

CHEGOU AOS NOSOS OÍDOS (E XA VIBRA NAS NOSAS MANS...) XESÚS FRAGA, TRADUTOR

07/10/2020 17:02
Europe/Andorra

O escritor, periodista e tradutor Xesús Fraga ven de publicar a versión ao galego dun fito da narrativa universal do século XX: On the road, de Jack Kerouac. 
Afortunadamente, xa podemos contar con esta «biblia da xeración beat» nos estantes da nosa biblioteca. 
 
Conecín a Dean pouco despois de separármonos a miña muller e mais eu. Viña de superar unha doenza grave da que agora non me peta falar, agás que estaba relacionada con aquela triste e tan fatigosa separación e a miña impresión de que todo estaba morto. 
 
I first met Dean not long after my wife and I split up. I had just gotten over a serious illness that I won’t bother to talk about, except that it had something to do with the miserably weary split-up and my feeling that everything was dead.
 
 

 

Fai varios días Xesús Fraga respondía ás preguntas de La Voz de Galicia sobre a súa versión de On the road e falaba dos seus proxectos, ente os que conta o seu desexo de poder presentar Virtudes (e misterios), libro do que vai a saír próximamente a súa segunda edición.
»

CHEGOU AOS NOSOS OÍDOS... QUE JUAN FARIÑA

10/08/2020 09:15
Europe/Andorra

 

JUAN A. FARIÑA PEDREIRA, As cartas de Abel, Toxosoutos, Noia, 2020, 214 páxinas.

 

CHEGOU AOS NOSOS OÍDOS...

   QUE Juan Fariña, alumno no seu momento do IES Francisco Aguiar,  emprega na súa opera prima, ata tres narradores, para relatar as vicisitudes de Marcos, un exalcólico divorciado, que descobre, nunha etapa crucial da súa vida, todos os detalles dun segredo familiar que atinxe ao seu avó materno Abel e que se remonta ao inicio da nosa desastrosa Guerra Civil(1936-39). Entre analepses e prolepses, Fariña mantén o suspense e ao lector pendente dos feitos até o desenlace inesperado que colle a un de improviso.

»

CHEGOU AOS NOSOS OÍDOS: ALEM BTF: UNHA CANCIÓN PARA A CONCIENCIACIÓN

27/07/2020 11:27
Europe/Andorra


CHEGOU AOS NOSOS OÍDOS...

Alem BTF, o noso Ex alumno, ven de compoñer unha composición encargada pola propia alcaldesa, María Barral, para facer chegar unha mensaxe a todas as xeracións, «Hasta el último latido».
Alem recorda na súa canción a importancia da distancia social.

»

CHEGOU AOS NOSOS OÍDOS: PREMIO GARELO 2020 Á AGRUPACIÓN DE TEATRO MARIÑÁN

27/07/2020 11:04
Europe/Andorra

CHEGOU AOS NOSOS OÍDOS....

Que o Concello de Betanzos concede o Premio GARELO 2020 á Agrupación de Teatro Mariñán.

En Cultura o premio será para a agrupación teatral Mariñán que este ano cumpre o seu décimo ano de vida. O Concello quere destacar así o labor deste grupo de teatro afeccionado por achegar as artes escénicas a todos os betanceiros e betanceiras. Fai uns 25 anos, foi o profesor de literatura española, Daniel Martínez, quen levou o entusiasmo polo teatro a moitos betanceiros a través dun grupo escolar chamado “ Aveliña” e a creación do colectivo “ Rapsodas”. A partir de aí ideou xunto a outro destacado betanceiro, Xulio Cuns, a Agrupación de Teatro Mariñán como unha solución para que os estudantes que cursasen esta materia no instituto Francisco Aguiar seguisen ligados ao mundo do teatro. Desde entón ata hoxe continúan a súa viaxe polas artes escénicas, co encontro de teatro afeccionado cada mes de febreiro.

Neste momento forman parte desta agrupación os seguintes Ex Aguiar: Sara Zabalza, Inés Valiño e Juan Vázquez.

Parabéns a todos os que nalgún momento participaron nesta tarefa e, en particular, aos actuais membros que manteñen vivísima a Agrupación.
»

4 alumnas do 'Aguiar' acadan unha beca da Fundación Amancio Ortega para estudar no estranxeiro o vindeiro curso

noraboa

Chegou aos nosos oídos unha nova que nos enche de orgullo: catro das nosas estudantes de 4º da ESO acaban de conseguir unha beca da fundación Amancio Ortega para afrontar o 1º de BAC nos Estados Unidos ou en Canada.

Ás nosas chicas: Marieta, Inés, Eva e Patricia , enviamos a nosa máis sincera noraboa e os mellores desexos, para que este curso e o vindeiro sexan proveitosos e cheos de novas experiencias.

Preme na imaxe para acceder á ligazón ca noticia en 'La Voz de Galicia'.

 

 

 

Chegou aos nosos oídos ... XI Encontro de teatro afeccionado de Betanzos

A Agrupación Teatral Mariñán e o Concello de Betanzos comprácense en presentar a 11ª edición do Encontro de Teatro Afeccionado de Betanzos 2020. 11 encontro teatro afeccionado

Coa intención de traer a Betanzos o mellor teatro afeccionado para desfrutalo de maneira non competitiva, a organización escolleu as cinco obras, unha máis que en anteriores edicións,  que compoñen esta nova edición.

As representacións serán de acceso gratuíto igual que en edicións anteriores e terán lugar, como xa é tradición, durante os sábados de febreiro ás 20:00 h na Aula de Cultura Xulio Cuns.

 

 

 



Os espectáculos son os seguintes:

Día 1: Un, dous, tres. Teatro Carauta (Santiago de Compostela).


Comedia de 60 minutos de duración para todos os públicos.

Berlín 1961. A Coca-Cola contra o telón de aceiro.



Día 8: Fatum. O Catre Teatro (As Pontes).

Teatro de xesto e movemento de 65 minutos de duración para maiores de 12 anos. Se o destino rexe as nosas vidas, quen vela polas persoas?



Día 15: Dúas portas e un segredo. Disfunción Continua Teatro (A Estrada)

Comedia de 60 minutos de duración para todos os públicos.

As dúas vellas e adorables tías de Cristina son en realidade...



Día 22: A última cea. Asociación Teatral Fauna 113 (Vigo).11 encontro teatro afeccionado

Comedia de 60 minutos de duración para maiores de 12 anos.

Cinco estudantes liberais e un pensador alleo sentan a cear. 



Día 29: A farsa de Maitre Pathelin. Tiruleque (O Carballiño).

Farsa de 90 minutos de duración para todos os públicos.

Un avogado trampuceiro vítima da súa propia estrataxema.

 

 

 



Para unha información detallada de cada unha das representacións pódese consultar:

www.agrupacionteatralmarinan.blogspot.com

www.betanzos.gal

 

 

 

 

CHEGOU AOS NOSOS OÍDOS... Xosé Luis Mosquera Camba e José Mª Ferreira Veiga publican unha semblanza sobre José Gracía Verdía

 
CHEGOU AOS NOSOS OÍDOS...
 
Tanto La Voz de Galicia como o periódico de ACEBE recolleron a noticia da presentación de José García Verdía: o cura de Guísamo, libro no que os autores José María Veiga Ferreira e o noso compañeiro Xosé Luis Mosquera Camba, destacan a figura deste crego que trascendeu a súa laboura pastoral deixando unha forte pegada en todos os seus parroquianos e conveciños.

CHEGOU AOS NOSOS OÍDOS... Xesús Fraga gaña o Premio Blanco Amor

CHEGOU AOS NOSOS OÍDOS

O xornalista de La Voz e escritor (exAguiar) Xesús Fraga gaña o premio Blanco Amor

   Unha obra presentada ao Blanco Amor de novela co lema A miña familia e outros emigrantes foi a elixida polo xurado encargado de conceder o galardón como o mellor dos 23 traballos presentados á trixésima octava edición do premio, un dos máis importantes do panorama literario galego. O autor de Virtudes (e misterios), o título do orixinal a concurso, é o escritor e xornalista Xesús Fraga (Londres, 1971).
   A novela, segundo se recolle na acta, recrea «as vicisitudes dunha familia das Mariñas coruñesas, marcada pola emigración a América e a Europa. Trátase dunha historia asentada na realidade da segunda metade do século XX, ben vertebrada e contada a través dun variado mosaico de lembranzas, sensacións, testemuñas, fotografías e o diario dunha nai». Con Londres como epicentro narrativo, e Venezuela como contrapunto, o xurado salientou á hora de dar a coñecer a súa decisión «a relación interxeracional permanente entre o neto e a avoa, unha figura forte que representa a épica das mulleres galegas nun tempo de extremas limitacións». O tratamento da linguaxe e a variedade de rexistros fai que sexa «unha novela para todo tipo de lectores».
   O escritor e xornalista da sección de Cultura de La Voz de Galicia recoñecía que Virtudes (e misterios) «é un libro ao que lle andei dando moitas voltas porque é a historia dos meus avós, que é como moitas das acontecidas nas familias galegas pola importancia que tivo a emigración». O avó de Xesús Fraga era zapateiro e un día decidiu emigrar a Venezuela, deixando muller e tres fillas cativas. Pasou o tempo e a muller reclamouno, mais el non volveu e tampouco quixo que alá fose ela. Como non había posibilidade de ir a América, a avoa de Xesús Fraga decide emigrar a Londres para sacar a familia adiante. E leva consigo a unha das súas fillas, a nai do escritor. E foi así como o autor da historia dos seus avós rematou nacendo en Londres e, co paso dos anos, pechando o ciclo coa volta a Galicia.
   E, como os seus devanceiros, o neno rematou por ser un emigrante nunha terra que non coñecía e na que se falaba un idioma que non era o seu, aínda que rematou por selo e do dominio do mesmo dan conta os premios conseguidos nestes anos, aos que agora se suma o Blanco Amor. «A miña intención era facer unha historia da emigración, pero non como as que xa coñecemos. Quería contar a emigración dende a parte dos retornados, dos que regresan e xa non son a mesma persoa e se atopan cunha realidade que xa non coñecen». O Blanco Amor de novela, que organiza a Deputación de Ourense, está dotado con 15.000 euros e o acto de entrega celebrarase o día 30 no Liceo da cidade. 

 

Xosé Manoel Rodríguez, La Voz de Galicia, 23 de novembro de 2019.

Convocado o Concurso de Carteis do Nadal do Concello de Betanzos

concurso

bases

CHEGOU AOS NOSOS OÍDOS... Raquel Vara e Pedro Herinque Mantiñan recibidos polo Concello tras os seus éxitos deportivos

Chegou aos nosos oídos que o 18 de outubro o Concello de Betanzos recibiu á nosa ex alumna Raquel Vara Pernas, campioa galega de pádel sub 23 e campioa de España de pádel de clube, e  Pedro Henrique Mantiñán, campión de europa de patinaxe 3000 m relevos xuvenil. 
Parabéns aos deportistas!!!!
Distribuir contido