Un ano máis temos que felicitar ao noso alumnado que se presentou en xuño ás probas de selectividade (ABAU).

Dos 72 que se presentaban só tres non foron declarados aptos na fase xeral.

En definitiva, case o 96 por cento dos presentados polo noso centro aproban a ABAU.

PARABÉNS!

Esta fin de semana será a da gran liberación para o noso alumnado que ven de rematar as probas da ABAU.

Nunha semana máis ou menos teredes as vosas cualificacións e entón compre ter clara cal é a nota acadada resultado da ponderación entre a cualificación da ABAU e a do BAC. Para facilitar isto a propia Xunta de  Galicia proporcionanos un simulador que permite calcular dita NOTA DE ADMISIÓN. 

Todas as persoas interesadas en coñecer a nota de admisión ás distintas titulacións do SUG, tendes á vosa disposición este simulador. Para isto, é necesario introducir a nota das distintas partes da proba da ABAU (a nota das materias da parte obrigatoria e as notas das distintas materias da parte voluntaria obxecto de ponderación) e a nota media de bacharelato.

http://www.edu.xunta.gal/portal/node/25262

Pois xa está ...mañá chega a ABAU para o noso alumnado que superou o 2º BAC.

Malia a fama que ten a proba entre os que a abordan cada ano, podemos certificar que non é tan complicada  como se pensa... aínda que se o noso alumnado ten algún nervio non é estrano ( non en van é o primeiro examen que fan diante de quen non os coñece)

Dende a páxina web do IES Francisco Aguiar queremos  desexarvos SORTE e, actuando un pouco como avós "cebolleta" recomendarvos algúns consellos para que os teñades en conta :

1. A ABAU comeza mañá ás 9.00 coa presentación e logo ás 10.00 coa proba de Lingua Castelá pero realmente hai algunhas cousas que preceden a ese momento que non debedes descuidar:

• ◦ Por moito que queirades apurar o estudo, non faredes ben o pequeno maratón que comeza mañá se hoxe non durmides as horas suficientes e non vos alimentades ben mañá ao erguerse da cama.

• ◦ Cando vaidades esta noite para cama aconsello deixar preparadas as cousas que precisaredes para o día seguinte: DNI ou documento identificativo, varios bolígrafos de tinta azul e/ou negra imborrable, calculadoras( permitidas), diccionarios....

• ◦ Os que usedes o bus que partirá do insti... ter en conta que hai que estar alí con todo preparado ás 7.50-8.00h.

• ◦ E, por se alguén o precisa... sesión previa de perruquería para asegurar que están "despexados os pavillóns auditivos para verificar que non se usan dispositivos auditivos non permitidos". ;)

2.  Poñer o espertador.... e o da nai, do pai, do irmán se é preciso para espertar a tempo. Logo do antedito almorzo ( ainda que o estómago, seica, non admita moito por estar repleto de nervios) chegar puntual para colller o bus.

3. Unha vez no lugar das probas, acompañados polo mellor acompañante que temos en plantiña para o mes de xuño(Xosé Luis Mosquera), prestade máxima atención ás instruccións e seguídeas ao pé da letra.

4. Repartirán os códigos identificativos que debedes conservar e gardar sempre con moito coidado (sempre no mesmo lugar, sempre coas mesmas rutinas...) E non esquezades que os exames son obrigatoriamente anónimos: non asinedes nin os marquedes de ningún xeito ( podería ser causa de anulación), só pegar os vosos códigos en cada caderniño.

5. Non esquezades que cada examen se entrega nun  único caderniño e supón a elección dunha opción ( A ou B) que debedes contestar de modo excluinte ( non mesturar respostas de ambas).

6. O tempo máximo de cada proba son 90 minutos pero  antes de 30 minutos non poderedes sair da aula.  Consello: procurade sacar todo o que teñades ...e algo máis. Entregar en branco ou de calquera xeito é autosuspenderse. Lembrade que durante o examen non se permiten preguntas ( lembrade a Francisco...)

7. Ollo coas calculadoras programables, móbiles e reloxos intelixentes, non están permitidos.

SORTE!

Confiade, por riba de todo no traballo que fixestes ao longo do curso,

que non foi pouco, e que agora agromará, seguro,  en bos resultados.

Lugar: Facultade de Ciencias Económicas e Empresariais - Campus de Elviña (Comisión Delegada nº 6) -

Tfno.: 981/16.70.00 ‒ Extensión 2409 Fax: 981/16.70.70

Probas: Os exames terán lugar os días 12, 13 e 14 de xuño, segundo o horario indicado

AVISO:

A EMPRESA GILSANZ PON  A DISPOSICIÓN DO NOSO ALUMNADO, GRATIS,  UN AUTOBÚS PARA IR ÓS EXAMES (SÓ A IDA), HAI QUE ANOTARSE EN SECRETARÍA.

Sairá da porta do Instituto ás 8.00h. do martes 12 de xuño (compre estar uns minutos antes para evitar retrasos ou mesmo perdas)

Primeiro día: 12 de xuño

09,00 – 10,00 : Presentación

10,00 – 11,30 : Lingua Castelá e Literatura II

12,00 – 13,30 : Historia de España

15,30 – 17,00: Lingua Galega e Literatura II

17,30 – 19,00: Primeira Lingua Estranxeira II

MOI IMPORTANTE:

Instruccións para a realización de exames(enlace)

( identificación, etiquetas, móbiles, materiais específicos, calculadoras,  reloxos, tempos...)

E como sempre o noso ánimo para os examinandos/as e un sorriso ( "pa' deses3sar")

¡SORTE!

PABLO PORTABALES 

26/05/2018 05:00 H

Y este jueves tuvo lugar el acto de graduación en el Francisco Aguiar de Betanzos.

Hubo actuaciones musicales, intervenciones de alumnos y profesores, «e entrega das insignias do instituto», comenta el director, Francisco Rodríguez.

https://www.lavozdegalicia.es/noticia/coruna/coruna/2018/05/25/siempre-instituto/00031527265377866846272.htm

Así recolle Pablo Portabales a nosa graduación do xoves 24 en palabras necesariamente sintéticas para dar cabida a outros institutos.

Pero os que tivemos a fortuna de disfrutala "in situ"  sabemos poñer moitos detalles entrañables. 

Certo que houbo actuacións  musicais grazas a Blanca Bello, ao alumnado de BAC, a Amë e a Óscar. Actuacións que emocionaron,   "Mama mia" con botas plateadas incluidas (directamente ABBA) por parte de Blanca;   

decindo a todos que non nos mete medo o que veña por diante, que "non hai montaña suficiente grande " ("Ain't no mountain high enough") para os que alí estabamos;

ou a chamada a soltar amarras  sen chorar polo que deixamos atrás que Amë cantou (acompañada á guitarra por öscar e ao piano por Blanca) con "The Sign of the Times".

Claro que houbo discursos!

A voz grave e sempre impresionante de Francisco desvelou un dos grandes secretos: a xeración do 2018 pasaba a ser modelo para a xeración do 2019. 

Quen non ríu e emocionou coas palabras delicadas de Selene, coa alegría contaxiosa de Amë ou a enerxía de Tania!

Como non escoitar aos autoalcumados "xeración desastre" relatar as peripecias do paso polo Insti, o recordo para os que vivían tan lonxe ( ou en repúblicas independentes) que parecía mentira que viñesen ata Betanzos a recibir clases. Lidía de blanco elegante e impoluto; Andrea estilizada e altísima;  dinámica e alegre, como sempre, Lucía.

E sorprendernos co discurso de ciencias que María e Elías declamaron case sen mirar para o papel. As indubidables dotes para a escea de Elías, a voz serea e firme de María (impresionante). Un discurso impecablemente construido que nos levou da poesía  á risa  transportados sen resistencia posible  por un vendaval de emocións. 

E que dicir do discurso dos profes, de Cheché e Blanca. Ninguén podía esperar nada parecido. Cheché e Blanca falando distendidos, rindo e facendo rir sen "cortarse" por  poñer un nariz de pallaso, unha pamela de palla ou unha gorra de capitán de barco. Blanca e Cheché cantando os maitines que profetizaban a noite que viña por diante aos graduados,  ou animando con música de Orquesta Mondragón:"Viaje con nosotros "Francisco Aguiar". Viaje con nosotros a mil e un lugar.."

E logo de todo isto "entrega de insignias". Certo que se entregou este deseño que nos identifica e nos situa nesa cidade outa abrazada polos ríos Mandeo e Mendo que se funden na ría de Betanzos. Pero esa entrega era case o de menos,  porque o xeito en que o Aguiar quedaba  era xa en forma de vivencias fondas no alumnado e profesorado, en familias e amigos. 

Que logo fixesemos unha fotografía que nos reunía a todos, ou que rematásemos co  refrixerio ofrecido por Melania, era só un aparente final. De feito, moitos viñeron á mañá seguinte directos da festa coruñesa (algúns ataviados con calcetíns de cor  rosa... vai saber saidos de onde, outras termando por facer o horario escolar completo ata o final da mañá).  E agardamos que sigan viñendo cada vez que necesiten algo de nós ou simplesmente para facermonos saber que é das súas vidas. 

BOA VIAXE ! (agárdavos a vosa Itaca)

 Xeración do ano 2000

Promoción 2018 do "Aguiar"

Publicamos os videopoemas realizados polo alumnado de Imaxe e Son e seleccionados como finalistas na II edición do Concurso de videopoemas sobre composicións poéticas de Rosalía e Manuel María convocado pola Casa Museo de Manuel María. 

Orixinal de María Corral e Iara Obelar.

O sábado 19 de Maio asistimos á entrega dos premios da II edición do Concurso de videopoemas sobre composicións poéticas de Rosalía e Manuel María convocado pola Casa Museo de Manuel María. Os de Imaxe e Son do Aguiar levamos o orgullo de ter dous videopoemas entre os finalistas "Máis ve que o meu corazón" de María Corral e Iara Obelar e "O foguete" de Samuel Román e Oscar Lagares. 

O noso agradecemento á organización pola convocatoria destes premios e por unha ceremonia entrañable na que nos sentimos xa premiados. Parabéns a todos os participantes que realizaron unhas magníficas curtas, dun altísimo nivel, demostrando sen dúbida, que hai futuro no audiovisual galego.