CONCURSO DE SOBREMESAS FRANCESAS

Departamento de Francés.

Data: venres, 27 de marzo de 2015.

Horas: toda a mañá. Visita guiada: 1º recreo. Degustación: 2º recreo.

Lugar: salón de actos do IES Francisco Aguiar.

Participantes: Poden participar no concurso tódolos alumnos de Francés .

OBXECTIVOS.

 1.- Traballar na clase tódolos aspectos lingüísticos que abrangue unha receita de cociña en lingua francesa.

 2.- Aproveitar o tema para facer un percorrido xeral pola rica e variada gastronomía francesa.

 3.- Que os alumnos se interesen pola comida como unha fonte de saúde, sen esquecer a dimensión social, económica e cultural da mesma.

 4.- Ser capaces de elaborar, a partires dunha receita orixinal francesa, un prato de sobremesa sinxelo no marco dunha actividade de posta en valor da cociña francesa.

MECÁNICA DO CONCURSO.

1.- As receitas poderán ser obtidas de libros de cociña francesa, revistas ou de Internet sempre que sexan orixinais en lingua francesa.

2.- Adicarase unha sesión de clase para traballar os aspectos lingüísticos das devanditas receitas.

3.- Para poder participar no concurso, será obrigatorio facer unha preinscrición, xa que o número de sobremesas a presentar se limitará a 30.

A preinscrición farase o martes 10 durante o primeiro recreo no Departamento de Francés.

4.- Unha vez elixida a receita, e traballada ao detalle, os alumnos participantes, de maneira individual ou en parellas, elaborarán na casa a devandita sobremesa para a súa presentación ao concurso o día seguinte.

5.- A devandita actividade complementaria está deseñada de tal xeito que non interfira nas actividades lectivas cotiás dese día.

6.- Tódalas sobremesas teñen que vir en pratos de usar e tirar. Non nos facemos responsables do que se poida romper.

7.- Os alumnos deixarán a sobremesa ás 8:45 da mañá do día do concurso no salón de actos, nas mesas dispostas ao efecto, xunto cunha copia da receita orixinal en francés,( e unha tradución da mesma ao galego ou castelán, para que os membros do xurado poidan entendela), así como un sobre co nome da sobremesa na parte exterior e o nome do(s) concursante(s) dentro do sobre. Acto seguido iranse ás súas clases normais podendo volver ao salón só no período do recreo.

8.- As sobremesas serán cualificadas por un xurado composto por 5 membros da nosa comunicade educativa.

 Ao longo da mañá, os membros do xurado irán pasando polo lugar onde estarán expostas as sobremesas, e iranas probando e cualificando, de 0 a 9,- de acordo cos seguintes criterios: DEGUSTACIÓN (SABOR), DIFICULTADE DE PREPARACIÓN DA RECEITA e PRESENTACIÓN.

9.- Os alumnos que teñan clase de francés ese día, poderán baixar, nesa hora, acompañados da profesora (se esta o considera oportuno), para ver a exposición de sobremesas.

10.- No segundo recreo tódolos alumnos de Francés poderán degustar as sobremesas.

11.- Ao final da mañá exporanse os nomes das 3 sobremesas gañadoras.

12.- Haberá 3 premios que serán de 15 € para o primeiro, 10 € para o segundo e para o terceiro premio haberá unha merenda na cafetería do instituto.

¡Mmmmmmmm! Noraboa ao Departamento de Francés por taaan doce remate do segundo trimestre

     La Semaine de la langue française et de la francophonie a été créée en 1995 à l'initiative du ministère de la Culture et de la Communication. Elle est organisée chaque année autour du 20 mars, Journée Internationale de la Francophonie que cette année a comme thème « j’ai à cœur ma planète ».
      Cet événement est un moment privilégié de l'identité francophone. Des milliers de manifestations sont organisées en France et aux pays francophones.

     Notre petite communauté qui fait partie des 274 millions de francophones répartis sur les 5 continents a voulu aussi  fêter la Francophonie et  connaître de plus près Le Sénégal,  pays membre de l'Assemblée parlementaire de la francophonie.
Au Sénégal le français est la langue officielle et de l'administration, parlée par 29% des Sénégalais.
On est ravis d'avoir pu parler avec Astou et  découvrir son pays avec lequel on partage à cœur la même langue.

       O Departamento de Francés do IES Francisco Aguiar celebra un ano máis unha semana adicada á lingua francesa, a FRANCOPHONIE.

       Desta volta será o martes 17 de marzo a 5ª hora. Visitará o noso Instituto unha rapaza do Senegal por medio da ONG Ecodesarrollo Gaia, que falará ao noso alumnado do seu país, costumes, realidade social, etc. 

      Ocasión inmellorable a que nos brinda o Departamento de Francés para seguir afondando no coñecemento desta fermosa lingua e para ampliar o noso horizonte solidario.

21.02.2015

Hoxe, sábado 21, fomos andando do hotel ata o barrio de Montmarte. Atopámonos outra vez cunhas cantas escaleiras! (Pepe contento, claro)

Alí visitamos o Sacré Coeur e tivemos unhas vistas preciosas sobre París.

Logo, fomos ata a Place du Tertre, famosa praza do barrio onde se instalan os pintores. Aproveitando os 30 minutos de tempo libre, algúns decidimos comer unha crêpe e outros preferimos mercar algún souvenir!( ben vedes que xa controlamos vocabulario francés básico)

Dende alí, baixamos para coller o metro para ir ata a outra gran igrexa de París, a catedral de Notre-Dame. Moi cerca, tamén puidemos ver a Conciergerie.

Hoxe, tivemos que comer cedo porque ás 14h tocaba descubrir ese gran museo que é o Louvre. Catro horas nese enorme museo non dan para moito, mais suficiente para querer repetir dentro duns poucos anos.
Tras isto, fomos ata le Pont des Arts onde están os famosos candados dos namorados.
Dende alí, fomos andando pola famosa calle Rivoli ata o Centro Georges Pompidou.

Estábamos tan cansos que fixemos unha sentada colectiva para sacar a seguinte foto e, sobre todo, para repoñer forzas porque tíñamos todos os pés fervendo tras tanta camiñata!!

Alí, os profes deixáronos unha horiña e media para cear e ver algunha tenda.
Ás 21h volta para o hotel en metro.
Ás 23h, todos para cama para cargar as pilas para mañá xa que, por fin, chegou o día de ir a EURODISNEY!

Seguiremos informaaaaaaaaaaaaaaaaaaaaando...

20.02.2015

Hoxe, venres 20, cumprimos co programa.
Outra vez madrugamos!!
Ás 9h, xa estábamos no autobús para realizar a visita panorámica de París cun guía mexicano moi instruído ademáis de moi gracioso o que fixo moi amenas as 3h de visita.

Ás 12h30, para evitar unha longa cola para subir á Torre Eiffel no ascensor, decidimos subir polas ESCALEIRAS ata o segundo piso !!! É que Pepe, o profe de educación física, ten moita influencia sobre nós para estas cousas!!! Proba superada con éxito, inclusive polos que teñen algo de vértigo.

Despois, atravesamos o Trocadéro, vimos o Palais Chaillot e fomos ata o Arco de triunfo camiñando.
Sendo as 14h, xa era hora de repoñer forzas coa comida nos Campos Eliseos.
Tras isto, baixamos ata le Grand e le Petit palais, la place de la Concorde, la Madeleine e la Opéra Garnier, lugar xa coñecido por nós xa que foi o escenario do Fantasma da ópera, obra que fumos ver o día 2 deste mes!

Algún de nós quixemos probar os famosos macarons de Ladurée. Son algo caros mais... que ricos!!
Para finalizar o día, collimos o metro dende as Galeries Lafayette para regresar ao hotel. Outra experiencia!!

Continuaraaaaaaaaaaaaaá...

19.02.2015

Tras unha viaxe mooooooi longa, por fin estamos en París!

O avión saiu con bastante retraso de Oporto debido a un pequeno problema técnico mais portámonos xenial durante o tempo de espera. É que estábamos algo cansos! Menudo madrugón! ( é certo que servíu para constatar que en Betanzos as rúas xa están postas ¡AS CATRO DA MADRUGADA!)

Algúns/algunhas pasámolo algo regular no voo xa que era a primeira vez que subíamos a un avión mais, ao final, non foi tan mal a cousa!

Intentaremos aproveitar mellor o día de maña xa que este estivo un pouco gafado mais iso darános máis que contar á volta.
Seguiremos informando....

Un ano máis o Departamento de francés do IES Francisco Aguiar ofrece aos seus alumnos e alumnas a oportunidade de achegarse á capital francesa. Decimos un ano máis,  porque non queremos esquecer a Elisa e Tino que organizaban estes viaxes ¡en autobús! ou a Mª José Carral que o ano pasado volveu retomar a iniciativa das viaxes culturais a Francia.

Desta volta é Laetitia Vaucanson , como parte do activo Departamento deste ano, quen se encargou de planear e dirixir a viaxe. Estará acompañada dun nutrido grupo de alumnos e dos profesores Blanca Bello e Pepe Valverde. Esta actividade formativa terá lugar entre os días 19 e 23 de febreiro.

No seu programa está coñecer París cunha visita panorámica o día 20 ( Catedral de Notre Dame, Campos Elíseos, Arco do Triunfo,Ópera, Praza de la Bastilla, barrios latino e de Saint Germain...). Para o  día 21 os barrios cercanos á catedral e unha agardada visita ao Museo do Louvre.  Día 22 visitando Disneyland. E regreso por Oporto o día 23. ( o 24 aínda que sexa a "gastrgas" clase ás 8.45)

Prometeron darnos conta diaria das súas andanzas e así o iremos reflexando nesta web.

Por certo, se alguén non dá crédito a esta noticia ..pode confirmala acudindo o xoves 19 ás 4.00 da madrugada (gluppp) á porta do IES Francisco Aguiar dende onde se efectuará a saída da expedición.

Logo da experiencia teatral dos alumnos e alumnas de francés o pasado 2 de febreiro,  chegaba o momento de sacar bo partido de tan estupenda experiencia ( houbo algúns que recoñeceron esquecer que a obra era noutro idioma do seu ).

Así que, mans á obra, fixeron de críticos da obra de teatro. O resultado, ao dicir das profesores, é "excellent"

O 2 de febreiro un numeroso grupo de 63 alumnos e alumnas de case todos os cursos (maioritariamente de 3º)  poderán asistir a unha representación teatral en francés. O espectáculo terá lugar do IES Crucero Baleares de  O Burgo ( Culleredo). Representarase a obra Le Fantôme de l'Opéra.

Pero non queda todo nisto. O dous de febreiro celébranse en Galicia As Candeas et en France La Chandeleur, ce n'est pas le même. ¡ Chandeleur veut dire CRÊPES !

Mmmmmmmmmmmmmmmmmmmmmmmmmm

O 2 de febreiro un numeroso grupo de 63 alumnos e alumnas de case todos os cursos (maioritariamente de 3º)  poderán asistir a unha representación teatral en francés. O espectáculo terá lugar do IES Crucero Baleares de  O Burgo ( Culleredo). Representarase a obra Le Fantôme de l'Opéra.

Pero non queda todo nisto. O dous de febreiro celébranse en Galicia As Candeas et en France La Chandeleur, ce n'est pas le même. ¡ Chandeleur veut dire CRÊPES !

Mmmmmmmmmmmmmmmmmmmmmmmmmm

Podemos dicir que este curso 2014-15 temos a sorte e a ledicia de ser testigos dun traballo magnífico das compañeiras que, este ano, forman o Departamento de Francés do noso Insituto. O compromiso coa súa asignatura, o  seu entusiasmo e creatividade está a sorprendernos , día si e día tamén,  neste primeiro trimestre .

Especialmente interesante está a ser o seu traballo dando a coñecer tradicións da cultura francesa que pasan a ser, nas súas imaxinativas mans, ocasións para o coñecemento pero tamén para a reflexión e concienciación.

Disfrutamos coa tradición das catherinettes que engaiolou á rapazada de 1º da ESO. Sombreiros para estimular a imaxinación, a creatividade ...pero tamén para reflexionar sobre o machismo de moitas sociedades tradicionais e alertarnos deste risco nas nosas.

Agora, achegándonos ao Nadal, a tradición do Père Fouettard . A especie de home do saco que, no Aguiar, non leva nenos senón canto de indesexable hai no mundo que nos arrodea. Un home do saco que faremos daquela o noso super-heroe e ao que o alumnado do noso instituto non lle teme. Mesmo ousa mándarlle un grandísimo bico.

Felicitémonos por ter a estas compañeiras que prestixian o ensino público e dinamizan o noso Instituto

À la Sainte Catherine, le 25 novembre, on fête en France les Catherinettes, c'est-à-dire c'est le jour de jeunes filles ayant dépassé l'âge de 25 ans sans être mariées.

 La tradition veut que l'on confectionne aux Catherinettes des chapeaux extravagants, où le vert et le jaune prédominent et qu'elles porteront tout au long de cette journée festive. La couleur verte symbolise l'espoir (de se marier) tandis que la couleur jaune symbolise la sagesse (acquise avec les années). Cette tradition, autrefois suivie dans tous les milieux, à la ville comme à la campagne, s'est beaucoup perdue, sauf dans les maisons de couture, les magasins de mode et chez les modistes.

Quant aux fillettes, c'est surtout dans le nord de la France que perdure la tradition de leur envoyer une carte pour la Ste Catherine. (Voilà un site pour envoyer des cartes virtuelles http://www.dromadaire.com/carte-sainte-catherine)

 À Betanzos, notre collège fête aussi Les Catherinettes et pour ça les élèves de première année de l’ESO ont préparé une exposition de chapeaux que vous pouvez visiter à partir du 25 novembre et pendant une semaine dans la salle Desdobre 1.3 et pendant les récrés.

Un jury a voulu récompenser les trois meilleurs chapeaux, mais on considère que tous les élèves ont fait un travail formidable, brillant,épatant,impeccable,remarquable,parfait,merveilleux,sans pareil,exquis et singulier.

 Jugez vous-même.

O 25 de novembro celébrase en Francia “Les Catherinettes”, unha festa adicada ás rapazas que nese ano cumpren 25 anos, non están casadas e queren atopar mozo.

 Para seren recoñecidas teñen que levar un chapeu no que predominan as cores verde (a esperanza) e amarela (a familia e a sabedoría) e que habitualmente está decorado con elementos representativos da súa profesión.

 Esta tradición perdeuse actualmente, aínda que se sigue a celebrar nas casas de alta costura e nas tendas de roupa, así como entre amigos e familiares.

 No IES Francisco Aguiar queremos recordar esta tradicional festa francesa que hoxe sería impensable pólo carácter machista da mesma e así , dende un traballo lúdico realizado polos alumnos de 1º de ESO, contribuír ao plan de convivencia do centro, facer reflexionar aos nosos alumnos sobre a igualdade de sexos, a educación en valores, e empregar as competencias emocionais para mellorar a convivencia democrática na aula e as relacións interpersoais.