Ilustración: Christian Krohg

10ª SEMANA [4ª SESIÓN] 

Temos o gusto de anunciar que recibimos a invitación da que foi lectora de inglés no noso Instituto nos dous últimos anos, Massiel Veras, para facer unha conexión 'videoconferéncica' e transoceánica. Estamos preparando a tecnoloxía do Aguiar para esta ocasión que agardamos se poida materializar nos primeiros días do ano 2016.

Mentres,  recollemos esta  inspiradora mensaxe do facebook de Massiel.

http://preloc.renr.es/sociedad/2015/12/02/jorge-vazquez-incorpora-cibeles/1019430.html#!kalooga-14132/~josé%20~coruñés%5E0.75

Chegou aos nosos oídos... que o ex do "Aguiar", e deseñador betanceiro Jorge Vázquez regresará, tras dez anos de ausencia, á edición número 53 da Mercedes-Benz Fashion Week Madrid, que terá lugar do 19 ao 23 de febreiro no recinto feiral de Ifema de Madrid. Deste xeito incorporase ao grupo de deseñadores españois que cada temporada, dende hai máis de  30 anos, presenta as súas coleccións na pasarela madrileña, pola que pasaron máis de 300 firmas como Ágatha Ruiz de la Prada, Francis Montesinos, Alvarno ou Andrés Sardá.

O betanceiro Jorge Vázquez xa participara no programa xeral da semana da moda madrileña entre setembro 2002 e febreiro 2006. Conta cunha longa traxectoria profesional, que iniciou con tan so 18 anos no grupo Inditex, para despois pasar a formar parte do equipo creativo de deseñadores como Antonio Pernas ou Ángel Schlesser, ata o lanzamento da súa propia marca, no 2002.

A súa colección para a primavera/verán de 2005, presentada na daquela denominada Pasarela Cibeles, recibiu o premio L'Orèal á mellor colección. O deseñador de prêt-à-porter, traxes de coctel, noivas e alta costura ampliou o seu proxecto de moda creando en 2006 a nova marca JV por Jorge Vázquez, e ao longo dese mesmo ano colaborou coa colección femenina de Loewe. En 2009 lanzou a súa primeira colección da líña JV Petit Couture de comunión para nenas e actualmente continúa co seu proxecto baixo a marca JV por Jorge Vázquez e a líña de Alta Costura, complementada coas colaboracións habituais con outras empresas do sector.

Noraboa e recoñecemos que é para o IES Francisco Aguiar toda unha honra ter sido parte da historia de Jorge

Un ano máis o Departamento de Orientación, que dirixe Amparo Mejuto, e o Ciclo Superior de Xestión de Espazos Comerciais a través do seu profesor Victoriano Rodríguez,  reuniranse nunha charla informativa co alumnado dos catro grupos de 2º BAC do IES Francisco Aguiar. 

O obxecto desta charla é informar ao alumnado sobre aspectos básicos de orientación para abordar os vindeiros meses cheos de importantes decisións:

• como será a proba de selectividade,
• que outras saídas se plantexan como alternativa a ela,
• como deseñar o plan de estudos logo do bacharelato,
• as alternativas no mundo universitario,
• as saídas que se propoñen dende a formación profesional....

O xoves 3 de decembro ás 11.45 no Salón de Actos terá lugar o encontro que agardamos sexa de grande utilidade para o noso alumnado.

Mañá viaxeira a que nos agarda neste 27 de novembro no Aguiar. 

Viaxeira e ilustrada!

O alumnado de ESO 3º dos grupos A e B  realizarán unha visita á cidade da Coruña cun triple destino. Por unha banda visitarase a Casa Museo Casares Quiroga  que alberga a exposición fotográfica realizada polos nosos alumnos o ano pasado "Betanzos histórico. Unha mirada xoven sobre unha cidade vella".

Tamén haberá ocasión na mañá de coñecer a Casa Museo María Pita e visitar nela outra exposición fotográfica que forma parte  coa nosa exposición do Outono Fotográfico.

Como remate o alumnado poderá participar nun obradoiro na Fundación Luís Seoane.