Semana STEM, "Semana de Ciencia en Galego" | CEIP PLURILINGÜE FRIAN-TEIS (VIGO)
hkzkfghdrd http://www.gj69tkg8zvdwj1966105xbk3d4h499j9s.org/
ahkzkfghdrd
[url=http://www.gj69tkg8zvdwj1966105xbk3d4h499j9s.org/]uhkzkfghdrd[/url]
Semana STEM, "Semana de Ciencia en Galego"
25 DE NOVEMBRO DÍA INTERNACIONAL CONTRA A VIOLENCIA DE XÉNERO
Hoxe, venres 24 de novembro cumprimos coa planificación que tiñamos programada para tan sinalada conmemoración. A construción entre todos e todas do noso "muro cos lemas contra a violencia de xénero foi unha verdadeira obra de imaxinación e colaboración."
Grazas pola vosa dedicación!!
Aos mestres/as que estiveron toda a mañá coa pistola de silicona para que cada neno e nena pegase o seu ladrillo, mil grazas!
Aos títores e títoras e a todo o alumnado, felicitacións por este traballo tan ben feito. Seguro que todos e todas gardamos algo do que traballamos neste día.
Desfrutade dos traballo!
Orballando novas
A 2ª edición do informativo do tempo, "Orballando novas", achéganos motivo de alegría, "A choiva está aquí".
Un grupo de alumnos/as de 6º prepararon a predición meteorolóxica para a vindeira fin de semana; despois de terse informado na prensa diaria, tanto en formato papel como dixital, realizaron o guión do programa informativo e rodaron o mesmo. Escoita atentamente, aconsellan que teñas á man as botas e o paraugas.
A gravación do informativo no exterior, da boa conta do vento que xa estamos a padecer.
Ben feito rapaces e rapazas!
25 de novembro de 2017: "Día contra a violencia de xénero"
“NON É NON “, no meu centro.
O meu centro, espacio libre de agresións sexistas.
Sensibilización, Prevención e Acción.
“O Muro contra a Violencia de xénero constrúese ladrillo a ladrillo entre todos/as”
Este mes de novembro co gallo da celebración do Día Internacional contra a Violencia de xénero, o próximo 24 de novembro faremos un acto conmemorativo no cole. A proposta é a seguinte:
-
Facer un muro simbólico no patio con ladrillos, feitos con envases de tetrabrik, con lemas en contra da violencia de xénero.
-
Cada neno fai o seu ladrillo. Un envase de tetrabrik forrado cun folio. O folio pode estar decorado libremente.
-
O lema do cole é : “ NON É NON” . Explicámoslle ao alumnado o seu significado e ademais cada clase inventa o seu propio lema.
-
Traballamos ó longo da semana a canción “Son muller” do grupo Máis boas cás patacas, formado por rapazas gañadoras do III Certame musical xuvenil da Deputación da Coruña. A canción reivindica a liberdade da muller fronte aos estereotipos sexistas.
Preme na imaxe para escoitar a canción
A súa letra ímola traballar como un tipo de texto:
Máis información:
https://es.wikipedia.org/wiki/D%C3%ADa_Internacional_de_la_Eliminaci%C3%B3n_de_la_Violencia_contra_la_Mujer
Robótica con Tini, nai de Anxo
O xoves 16 de novembro visitounos Tini a nai de Anxo de 5º A.
Tini e Anxo facendo unha demostración
Tini é mestra de Tecnoloxía no IES de Coruxo, e no seu IES están a traballar a robótica. Con moito entusiasmo despois de pedirlle se nos podía iniciar no mundo da robótica, o xoves 16 de novembro do 2017, veu ao noso colexio cuns compañeiros moi especiais, "os robots". Falou ao alumnado de 5º e 6º da importancia dos robots na nosa vida diaria; de distintos traballos donde intervén a robótica; e, contounos e demostrounos como podemos programar o robot desde o ordenador; como o podemos dirixir dende o noso móbil ou tableta cunha app. Rematamos a sesión facendo prácticas desde o móvil e desde o ipad.
Fascinounos a todos/as os alí presentes, mestres/as alumnos e alumnas.
Moita grazas pola túa presenza e polo entusiasmo demostrado!
O alumnado agradeceu a Tini, a través do seu e-mail de xeito individual, a súa presenza.
Esperamos os teñas lido, ata outra!
- « primeira
- ‹ anterior
- …
- 38
- 39
- 40
- 41
- 42
- 43
- 44
- 45
- 46
- …
- seguinte ›
- última »