Presentación de obradoiros

Onte tivo lugar a presentación dos diferentes obradoiros que este ano se realizarán no MGB e en cinco centros máis da Estrada. Serán impartidos nas horas de titoría por profesionais da asociación Acrofam en colaboración co concello.

Máis información no Faro de Vigo ou na Voz de Galicia.

A violencia de xénero na rede

Son moitos os recursos que podemos atopar na rede sobre a violencia de xénero. Dende a MeGaBiblioteca seleccionamos os seguintes:

Magosto 2018

DSC_0420.JPG

Hoxe celebramos o Magosto no MGB: comimos castañas, participamos nas Magostolimpíadas e desfrutamos da música en vivo. Nesta ligazón podedes atopar todas as fotos da festa.

Visita á Biblioteca América

fonseca_2018-2 500pix1_0.jpeg

O pasado xoves 8 de novembro, os alumnos de latín de 2BAC do MGB estiveron visitando as dependencias da Biblioteca América da USC no Pazo de Fonseca, onde puideron admirar a edición facsímil do Libro de Horas de Fernando I de León, un códice de 1055, anterior ao códice Calixtino.

Visita ao Parlamento de Galicia

IMG_20181106_120305.jpg

O día 6 de novembro os alumnos de 1º Bacharelato da materia de Economía acudiron ao Parlamento de Galicia. A visita iniciouse cunha explicación dos órganos, funcións e composición do Parlamento, a continuación detivémonos no Salón dos Reis, as bibliotecas, as dependencias dos grupos parlamentarios, patios interiores e o Hemiciclo, onde os alumnos puideron presenciar unha sesión plenaria.

A actividade foi organizada polo Dpto. de Economía e acompañaron aos alumnos as profesoras Raquel Carballo e Sonia Iglesias.

Visita ás Fragas do Eume

IMG-20181106-WA0019.jpg

Os días 25 e 26 de outubro o noso alumnado de 1º ESO viaxou ás Fragas do Eume onde realizaron numerosas actividades físicas en contacto coa natureza. Estiveron acompañad@s polas profesoras Loly Castro e Norma Pillado.

Podedes ver tódalas fotos nesta ligazón.

O vindeiro 2 de novembro non haberá clases no MGB

Lembrade que o día 2 de novembro non haberá clases no noso instituto ao ser autorizado como non lectivo polas autoridades educativas.

Triunfo de Mehdi El Nabaoui

Mehdi.jpg

O noso alumno de 3º PMAR Mehdi El Nabaoui vén de gañar por terceiro ano consecutivo a Carreira Pedestre de Santiago na categoría sub 18.

Parabéns!

Máis información nesta ligazón.

Entrega de diplomas aos axudantes de Biblioteca

axundantes_2018_500pix2.png

Hoxe mércores 24 de outubro, tivo lugar na MeGaBiblioteca a entrega de diplomas aos axudantes de cursos anteriores e do curso actual. A entrega foi realizada por Pilar Sampedro.

Mércores 24 de outubro, día da biblioteca escolar

Cartel Marisa Día BE_ Nota_20160812_191634_02(5)(1).jpg

Este mércores, 24 de outubro, é o Día da Biblioteca Escolar. Haberá 2 eventos nos recreos: no primeiro recreo, a entrega de diplomas (a cargo de Pilar Sampedro) aos ex axudantes da biblioteca, e a entrega das identificacións, horario e libreta, para os novos.

No 2º recreo, coa axuda de Pepe, intentaremos cumprir ao pé da letra o lema "Enróscate na lectura". Estades todos invitados!

Exposición sobre Especies Invasoras

Do 8 ao 19 de outubro teremos no noso centro a exposición "UNHA INVASIÓN SILENCIOSA. A BIODIVERSIDADE BAIXO AMEAZA". Trátase dunha iniciativa da asociación ecoloxista ADEGA que nos presenta a realidade das especies invasoras de flora e fauna que existen en Galicia e a problemática asociada ás mesmas.

Máis información nesta ligazón.

Asemblea xeral ordinaria da ANPA o vindeiro 16 de outubro

A ANPA do centro celebrará unha asemblea xeral ordinaria o vindeiro 16 de outubro. 

Convocatoria.

Hora de ler, luns 8 de outubro a 1ª hora

Este luns 8 de outubro ás 8:45 h., comeza Hora de Ler. Nas aulas da ESO, alumnos e profesores disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.

Recorda que a próxima semana terás outros 20 minutos. Consulta o calendario, porque sempre cambia.

Reunión excursión Andorra 2019

O vindeiro martes 9 de outubro no 2º recreo terá lugar na sala de Usos Múltiples do centro unha reunión para o alumnado de Bacharelato interesado en participar na actividade de esquí en Andorra. Podes consultar dende esta páxina toda a información sobre a mesma.

Apertura da Biblioteca, venres 5 de outubro

O vindeiro venres 5 de outubro a MeGaBiblioteca abrirá o seu servizo de préstamo para o curso 2018/19.

En breve informaremos das novidades editorias e outras de interese para este novo curso.

Distribuir contido