Latín e Grego

Departamentos de Latín e Grego

Departamento Didáctico de Latín e Grego

DEPARTAMENTO DE LATÍN E GREGO
PROFESORADO Grupos
Álvaro Pérez Vilariño
(Xefe Departamento)
3º ESO A/B/PDC (Cultura Clásica)
4º ESO B (Latín)
1º BAC B (Latín I)
2º BAC-C (Latín II)
2º BAC C (Grego II)
PROGRAMACIÓN DIDÁCTICA
LIBROS DE TEXTO
CURSO AUTOR TÍTULO EDITORIAL ANO I.S.B.N. LINGUA
LATÍN 4 ESO Hans Orberg LINGVA LATINA. (Familia Romana + Latine disco I) DOMUS LATINA MMVII 978-84-
935798-3-8
LATÍN

Microteatro en Cultura Clásica

   O alumnado de 3º de ESO de Cultura Clásica representan a escena do Cíclope Polifemo da obra do estradense Xosé Luna, "As Aventuras de Odiseo".

Vídeo

ODISEA 2024 NO MGB: "A alimentación en Grecia e Roma"

Trala disputa de fase local do Concurso de Cultura Clásica Odisea 2024, que tivo como fío condutor o tema "A alimentación en Grecia e Roma", hoxe tivo lugar na MeGaBiblioteca a entrega de premios aos 3 equipos gañadores da nosa "Odisea interna" do MGB:
1º premio: SCAMAPIER (2BAC)
RÚA REIGADA, CLAUDIA
SIERRA SILVA, IRIA
ABAL CASTRO, CARLA
---
2º premio: PUERI EX AQUIS CALIDIS (2BAC)
BAAMONDE SENÍN, BREIXO
CAMPOS VIEITEZ, UXÍO
---
3º premio: LAS PATROCLOS (3ESO)
RODRÍGUEZ GARCÍA, SAMANTHA
REY FREIRE, CLARA

Viaxe a Mérida abril 2023, proxecto "Grecia e Roma nas túas mans"

   A semana pasada, os alumnos de Cultura Clásica de 3º de ESO e os de Latín de 4º de ESO e 1º de Bacharelato realizaron unha viaxe de estudos a Mérida, dentro do proxecto de Agrupación de Centros "Grecia e Roma nas túas mans", acompañados polos profesores Marisa Otero e Álvaro P. Vilariño.
   Dentro das actividades realizadas destacamos o obradoiro de Numismática romana, onde cada un de nós elaborou unha réplica dun dupondio do século I a.C., e o obradoiro de Mosaico, onde o noso grupo fixo unha reprodución do mosaico de Panxón, hoxe en Londres, e moi pronto de volta a Galicia.
 
   Ademais visitamos a Mérida romana: acueductos, circo, teatro e anfiteatro, Museo de Arte Romano, Templo de Diana, ponte e antigas murallas da cidade...
   Baixo unha calor insólita para esta época do ano, pasamos unhas xornadas inesquecibles xunto cos nosos compañeiros do IES Sáenz de Buruaga de Mérida e o IES 9 de Octubre de Carlet. Neste álbum recollemos todas as imaxes destes días.
Viaxe a Mérida abril 2023

Programacións do Departamento de Latín e Grego para o curso 2023-2024

  

Programacións didácticas por cursos

  

3º ESO   Cultura clásica
    
4º ESO Latín
   
1º BACH Latín I
 
2º BACH
Latín II
 
2º BACH
Grego II

A ODISEA 2023 DO MGB: "A auga en Grecia e Roma"

   Un ano máis non fomos quen de chegar ao desempate, pero no MGB tamén temos campións. Hoxe 2 de Febreiro, no 2º recreo, tivemos a entrega de premios de Odisea na MeGaBiblio.

Estes foron os equipos e alumnos premiados:

1º PREMIO - HISPANIA REGNAT - 4ºESOA/B

  • GARCÍA SECO, RODRIGO
  • FERREIRO LEMOS, ANDREA
  • FERNÁNDEZ LOUZAO, MATEO

2º PREMIO - OS LADRÓNS DE COBRE - 2ºBAC-C

  • VIGO LÓPEZ, SAMUEL
  • IGLESIAS CARRAZÓN, ADRIÁN

3º PREMIO - PANATENEAS - 2ºBAC-C

  • MONTERO RAMOS, ARACELI
  • ESPIÑO MÍGUEZ, LAURA

"Grecia e Roma nas túas mans", galería das actividades.

   Xa están dispoñibles as imaxes das xornadas do proxecto de Intercambio de Centros "Grecia e Roma nas túas mans".

Gallaecia 2022 (Grecia e Roma nas túas mans)

“Grecia e Roma nas túas mans” agora tamén na prensa...

   A prensa local faise eco das actividades realizadas no proxecto de agrupación de centros “Grecia e Roma nas túas mans”. Podedes ler a nova no Faro de Vigo.

Grecia e Roma nas túas mans. Temos convidados!

   Dentro do proxecto de agrupación de centros educativos do ministerio de educación "Grecia e Roma nas túas mans", o próximo mércores 2 de novembro chegarán ao MGB os IES 9 d’OCTUBRE de Carlet (Valencia) e o IES Sáenz de Buruaga de Mérida. Agárdanos una semana chea de actividades. Este é o programa:
Mércores 2 de novembro:
12:30 > recepción no salón de actos. Presentacións a cargo dos alumnos (Gallaecia romana, Valentia romana, Lusitania romana). Actuación de música tradicional galega (Grupo Abril)
13:35 > Obradoiro "Miles romanus" no patio cuberto.
14:30 > Prandium (comida de irmandade). Patio cuberto.
16:30 > Saída para Santiago onde os IES de Carlet e Mérida participarán nunha visita turística a Compostela.

Xoves 3 de novembro:
8:45 > Viaxe ao campamento de Aquis Querquennis (Bande, Ourense). Alumnos de CClásica 3ESO, e Latín de 4ESO e 1BAC.

Venres 4 de novembro:
8:45 > Viaxe á Coruña romana (Torre de Hércules e Castelo de Santo Antón). Alumnos de latín e grego de 4ESO, 1BAC e 2BAC

Viaxe a Valencia, proxecto "Grecia e Roma nas túas mans"

Durante os días 6, 7, 8 e 9 de abril, o alumnado de Latín de 1º e 2º de Bacharelato realizou unha viaxe de estudos a Valencia dentro do proxecto estatal de agrupación de Centros "Grecia e Roma nas túas mans", do que forma parte o MGB xunto cos centros IES 9 d’OCTUBRE de Carlet (Valencia) e o IES Sáenz de Buruaga de Mérida. Estiveron acompañados polos profesores Marisa Otero e Álvaro P. Vilariño.

O primeiro día tivo lugar unha visita guiada polo centro da cidade de Valencia: torres de Serrano, pazo da Generalitat, catedral, Lonxa, e outros monumentos e lugares de interese. O xoves achegámonos ata o Museo arqueolóxico de Alicante e o castelo de Santa Bárbara, e xa pola tarde, ao VilaMuseu de La Vila Joiosa. O venres foi o día dos Ludi Saguntini, onde despois de realizar varios obradoiros (latine loquendo, escritura) subimos ata o teatro de Sagunto para ver a representación dunha obra de Plauto, a Aulularia. Na baixada, parada na Domus Baebia, aula didáctica de Cultura Clásica. A tarde foi para a visita á praia da Malvarrosa e de novo o centro de Valencia. Despedimos a esta fermosa cidade o sábado, coa visita ao Oceanográfic e á cidade das artes e das ciencias.

Neste álbum de Flickr pódense ver as imaxes da viaxe.

Brigantium MMXXII

Vídeo da viaxe á Coruña dos alumnos de Latín e Cultura Clásica do IES MGB para asistir ás representacións do festival de teatro grecolatino organizado por SEECGalicia na Coruña, o 22 de febreiro de 2022. Obras representadas: Hécuba de Eurípides (Grupo Noite Bohemia) e Asinaria de Plauto (Grupo Corzos Reunidos).

Odisea 2022 no MGB

Non chegamos ao desempate pero no MGB tamén temos campións. Hoxe, no 1º recreo, tivemos a entrega de premios de Odisea na MeGaBiblio.

Estes foron os equipos e alumnos premiados:

1º PREMIO - AS MERETRICES - 2BAC-C

  • FERNÁNDEZ LUSTRES, SOFÍA
  • LUEIRO PEREIRA, SALETA
  • OTERO ABEIJÓN, ZAIRA

2º PREMIO - PAQUITAS CHOCOLATERAS - 1BAC-B

  • MARTÍNEZ BUSTELO, PAULA
  • ESPIÑO MÍGUEZ, LAURA
  • MONTERO RAMOS, ARACELI

3º PREMIO - LA OLIMPYADA - 3ESOA-C

  • VIGO TATO, MÍRIAM
  • VIEITES PEDROSO, ROBERTO
  • CARBALLO VÁZQUEZ, AROA

Grecia e Roma nas túas mans

Con data 20/12/2021 foi publicada na web do Ministerio de Educación y Formación Profesional, a Resolución da Secretaría de Estado de Educación pola que se conceden axudas destinadas a promover agrupacións de centros educativos para a realización e posta en práctica de proxectos comúns que favorezan a educación inclusiva.

Nesa convocatoria foi seleccionado o proxecto GRECIA E ROMA NAS TÚAS MANS, do que forma parte o IES Manuel García Barros da Estrada (coordinado polos profesores Marisa Otero e Álvaro P. Vilariño), o IES 9 d’OCTUBRE de Carlet (Valencia) e o IES Sáenz de Buruaga de Mérida.

O traballo consistirá filmar e documentar unha serie de pezas (en principio 10) dos museos de Galicia e elaborar réplicas a partir da súa impresión en 3D co obxecto de crear un museo escolar para que todos os alumnos poidan coñecer e respectar o seu patrimonio cultural. O proxecto inclúe tamén viaxes a Sagunt e a Mérida, que terán lugar ao longo deste curso e do que vén. 

Máis información na web do proxecto.

Excursión a "Aquis Querquennis" (Bande - Ourense)

Onte, mércores 24 de novembro, o alumnado de Cultura Clásica e Latín de 3ESO, 4ESO e 1BAC, realizou unha visita ao xacemento romano de "Aquis Querquennis", en Baños de Bande, Ourense. 

Despois de percorrer un tramo duns 5 kilómetros polo antigo trazado da VIA NOVA ou Vía XVIII, e tras visitar unha fermosa fervenza nas marxes da mesma, o grupo asistitu a unha proxección audivisual no Centro de Visitantes, para logo percorrer o xacemento do antigo campamento militar romano. A xornada rematou cun baño nas thermae do recinto. A actividade foi organizada polo Departamento de Latín e Grego.

Más fotos neste álbum de Flickr!

Odisea 2020 MGB

Hoxe mércores, no 2º recreo, tivo lugar a entrega de premios do Concurso de Cultura Clásica Odisea. Na edición 2020 do concurso Odisea os resultados dentro do MGB foron os seguintes:

  • 1º premio > RÓMULO E REMO: DIÉGUEZ REBOLO, PABLO; REY LLOBET, JOSÉ (2BAC)
  • 2º premio > MENECMAS: CALVIÑO SILVA, SONIA; SANMARTÍN FIGUEIRA, NÚRIA; REY GAÑETE, LUCÍA (2BAC)
  • 3º premio > KOINÉ: CARRACEDO FLORES, AINOA; MELLA MOSTEIRO, UXÍA (2BAC)
  • Premio especial do xurado > ERYX WARRIORS: VIVEL COUSO, YANIRA; MÍGUEZ VIDAL, DANIEL (3ESO)
odisea mgb 2020.jpg
Distribuir contido