Educación plástica e visual

Departamento de Educación Plástica e Visual

PROFESORES

  • Mariano Casas Gil (Xefe de departamento)

  • Xoán Xosé Pérez Viéitez
  • María Carmen Armada Rodríguez

PROGRAMACIÓN DIDÁCTICA

CURRÍCULOS

  • Currículos DOG 

RECURSOS WEB

Inauguración no MGB

18922682_467573993588038_8649374270586067857_o.jpg

O pasado xoves inagurouse o moai que o alumnado de 1º de Bacharelato de Artes, baixo a dirección do profesor Mariano Casas, instalou no xardín traseiro do noso centro. Esta obra foi elaborada con materiais de refugallo e con cemento.

Moitas grazas a tod@s e parabéns por este traballo!

Máis información nesta ligazón.

Viaxe a Ourense

IMG-20170208-WA0001.jpg

O pasado martes 7 de febreiro cincuenta e un alumn@s de 4º de ESO e do Bacharelato de Artes viaxaron a Ourense a visitar a Escola de Arte Antonio Faílde e a exposición Pop Art Icons no Centro Cultural Marcos Valcárcel. Estiveron acompañad@s pol@s profesor@s María Armada, Xoán Xosé Pérez e Mariano Casas.

Proxecto IRIS

lris_logo.png

O Proxecto Iris, integrado en Erasmus+, consiste na promoción da prevención contra o racismo, a violencia e a intolerancia no deporte (escolar e infantil en xeral). O noso profesor Mariano Casas participou a través da USC elaborando un cómic que se pode descargar nesta ligazón.

"A Pensadora"

aaaa.jpg

O alumnado da materia de "Volume" de 1º de Bacharelato de Artes vén de instalar no 2º andar do centro unha escultura inspirada no Pensador de Auguste Rodin. Trátase dunha figura feminina, feita na súa maior parte con materiais de reciclaxe e cuberta con varias capas encoladas de papeis de libros de texto. Foi construída por pezas no taller de Volume e logo foi ensamblada in situ. A escala lineal aproximada é de 2:1.

Visita a Sargadelos e á Escola de Arte Mestre Mateo

Mañá martes 12 de abril alumnado de Educación Plástica de 4º de ESO e de 1º e 2º do Bacharelato de Artes visitarán a fábrica de Sargadelos en Sada e a Escola de Arte e Superior de Deseño Mestre Mateo en Santiago de Compostela. Estarán acompañados pol@s profesor@s Pilar Tabarés e Xoán Xosé Pérez.

Mural no CEIP Pérez Viondi

20160316_112431.jpg

O pasado mércores 16 de marzo o alumnado de 2º de Bacharelato de Artes acudiu ao CEIP Pérez Viondi a complementar, coa técnica do estarcido, un mural que xa fora antes pintado polo colectivo cultural A Estación.

O deseño é de Natalia Liste, pero foi levado a cabo coa axuda de todo o alumnado do Bacharelato de Artes.

O traballo foi organizado polos Equipos de Normalización Lingüística dos dous centros educativos.

Máis información no blog e no Faro de Vigo.

O proxecto "A tres bandas" de Mariano no programa Metrópoles Delirantes

No enlace podedes escoitar a entrevista que no programa de radio sobre cómics Metrópoles Delirantes lle fixeron a Mariano, e onde fala do seu proxecto "A tres bandas".

Metrópoles Delirantes

Revista PREBE#4, xa dispoñible online

O número 4 da publicación gráfica PREBE xa está na rede, colgado no servidor de publicacións ISSUU. Como nos anteriores números, a revista mostra traballos de alumnos de Bac. de Artes (aínda que tamén hai cousas de outros cursos), coa idea de poñer en valor o talento e a creatividade dos nosos alumnos e exalumnos, e poñer tamén en contacto este talento e forza creativa con empresas e institucións da zona que poidan precisalo.

Aquí a tedes, en versión dixital, en cores, e pronto haberá tamén polo centro exemplares impresos, con interior en grises...

Que a disfrutedes!!!

Charla da ilustradora Ana Santiso

O vindeiro xoves 12 de novembro terá lugar no noso centro unha charla da ilustradora galega Ana Santiso. Esta  actividade realizarase na Sala de Usos Múltiples e está destinada ao alumnado de 1º e 3º de ESO.

Cordeles de la escalera

Os autores da composición que se ve na foto son os alumnos de 1º Bacharelato que a continuación se relacionana: Adrián Rey Quintás, Alba Montouto Torres, Lucía Gañete Vidal e Uxía López López.

Eclipse de Sol

eclipse.jpeg

O vindeiro venres, 20 de marzo, terá lugar un eclipse de Sol que poderá observarse dende Galicia. O acontecemento comezará ás 09:05 e rematará ás 11:08. Como xa sabedes, a visión directa do fenómeno pode ocasionar graves problemas de saúde. Unha maneira segura de velo e utilizando unha cámara escura. Os alumnos/as de 4º ESO, dentro dos contidos da materia de Plástica, están construíndo e manexando ditas cámaras. Se estades interesados realizarán unha explicación de como é o proceso de construción e manexo das cámaras. Terá lugar o vindeiro xoves, no segundo recreo, nas pistas de baloncesto.
Se desexades máis información de como construíla, premede no seguinte enlace: http://mgbook.blogspot.com.es/2015/03/eclipses-e-camaras-escuras.html

Saída do Bacharelato de Artes Plásticas

escultor.jpeg

Alumnos/as de 1º e 2º de Bacharelato visitarán o vindeiro mércores, 18 de marzo, a Fundición de Campás de Arcos da Condesa (Caldas de Reis) e ao taller do escultor Francisco Pazos en Meaño. Estarán acompañados polos profesores, Xoan X. Pérez e María Armada.



Sobredose, finalista en OUFF Escola 2014

OUFF ESCOLA.JPG

A curtametraxe SOBREDOSE, realizada por Héctor Fernández, Martín Duro e Abel Carbajal (agora xa exalumnos do IES MGB) foi finalista do certame de cinema escolar OUFF Escola de Ourense. Parabéns aos tres polo traballo ben feito.
Para obter máis información accede a esta ligazón.

Premios Ouff escola en Ourense

ouff escola.jpeg

O vindeiro mércores, 19 de novembro, terá lugar a gala de entrega de premios Ouff Escola a que acudirá o noso instituto que acadou un dos galardóns. Asistirán os alumnos/as de 1º bacharelato de cultura audiovisual acompañados polos profesores, Xoán Xosé Pérez e Miguel Carbajal. Parabéns polo traballo levado a cabo o pasado curso  que mereceu este recoñecemento.

Distribuir contido