Dormes?

Dormes? no Teatro Principal de Santiago o mércores 24 de xunho

invita_dormes_24xunho_2009.jpg

O vindeiro mércores 24 de xunho, no Teatro Principal de Santiago, haberá unha dobre representación de Dormes?. O primeiro pase será ás 19:30 h. e o segundo ás 21:30 h.

Se queres asistir podes reservar as túas invitacións chamando a o teléfono  981 54 23 50

Daniela Filloy e Alba Chao en Localia TV

Onte martes 8 de xuño, Daniela Filloy e Alba Chao, representando a todo o equipo de Dormes?, foron entrevistadas en Localia TV, no programa "Vive Santiago", despois do paso da obra polo teatro Principal da capital compostelana, onde repetirán en dobre sesión o día 24 de xuño. Esta foi a entrevista:

 

O equipo de Dormes? recolle o galardón dos Premios Buero

IMG_2169.JPG

O Taller de expresión artística do MGB ao completo, ben arropado por moitos outros membros da comunidade educativa, recolleu onte na gala celebrada no Teatro Principal de Santiago os galardóns dos premios Buero de Teatro Xove como gañador da fase autonómica e mención especial á escenografía.

Podes ler as reseñas aparecidas no Correo Gallego, no Faro de Vigo e na Voz de Galicia.

* Fotografía de María L. de la Calle

Dormes?

dormes_xcarb.jpg

Hoxe no Teatro Principal de Santiago ás 19:30 horas a entrega dos premios Buero e unha nova representación de Dormes?. O taller de Expresión artística do MGB recibirá o premio de GAÑADOR AUTONÓMICO e a mención especial á MELLOR ESCENOGRAFÍA.

Entrada libre. Consulta a nota de prensa enviada polos Premios Buero.

* Fotografía: X. Carbajal

Unha gran representación: Dormes?

A obra de Teatro Dormes? naceu no ano 2007 no centro do MGB con alumnos de 1º de Bacharelato. A representación iniciouse como unha actividade extraescolar, que a día de hoxe encontráse xa en concursos a nivel nacional.
Algúns participantes da obra colaboraron connosco neste apartado, contestándonos a algunha pregunta sobre a representación.

Argumento da obra:

Cando se sabe que a realidade é real e non é un soño? Cómo descubrimos que é de verdade se o que sucede no soño se todo parece real? Cal é a barreira que separa a realidade do imaxinario? Con estas preguntas e reflexións nace "Dormes?" A trama da obra, e a súa posta en escena é parte do éxito. Céntrase nun personaxe histórico como é Xesús, e exponse a posibilidade de que se desperte un día soñando que era Deus. A representación comeza cunha personaxe supostamente morta no escenario que resulta que non está morta, é dicir, que non sabemos di está morta, si está viva ou si está soñando...ou si todo eso non é verdade. Hai unha proxección de vídeo que vai captando os supostos soños dun personaxe central, que van aparecendo, onde se vai creando un posible personaxe, todo eso tan entramado, e sen expresión verbal, vai contando a historia. Coa axuda dunha selección musical moi interesante, e cunha posta en escena de percusión, entre outras cousas, conséguese chamar a atención do público e facer vibrar os sentidos.


ENTREVISTA A ALBA CHAO (maio 2009

P: É este o primeiro proxecto teatral no que participades?
Alba Chao:
Sí, é o primeiro, foi unha gran experiencia.

P: Algunha vez fostes capaces de imaxinar que estaríades enriba dun escenario representando unha obra tan fabulosa como esta?
Alba Chao:
Non, a verdade é que nin sequera cando empezamos os primeiros ensaios pensamos que ía chegar a ser o que foi finalmente.

P: Como conseguistes compaxinar os estudos con ensaios da obra?
Alba Chao:
Tivemos sorte de contar co instituto os martes polas tardes tralas clases... e como era o día que máis cansos estábamos non era moi difícil tomar o tempo para ensaiar en vez de estudar.

P: No voso estreo en xuño do ano pasado, contábades con encher o teatro?
Alba Chao:
Non a verdade é que foi unha sorpresa, tanto eso como todas as actuacións posteriores, xa que pensábamos que ía quedar como a obra que era nun principio, unha obra do instituto entre compañeiros.

P: Como foi a vosa experiencia na obra?
Alba Chao:
Realmente impresionante, é indiscriptible, de verdade, Non sei,  foi algo moi especial, e hai que vivilo para saber o que significa realmente, porque é moito máis do que se pode chegar a ver ou intentar entender.

P: Esperábades o éxito que obtivo a obra?
Alba Chao:
Non, como xa dixen antes... pensábamos que ía quedar no que nun principio era. Non esperábamos chegar ata aquí nin seguir este ano coa obra, xa que é o segundo que a representamos, pensábamos que ía ser unha representación máis e punto, e resulta que xa levamos un ano enteiro con uns cantos premios.

P:Sabemos que estades participando en varios concursos, loitando por diferentes premios. Cóntanos algo sobre eles.
Alba Chao:
Bueno pois do que máis che podo falar é do concurso a nivel nacionaldos premios Buero Vallejo, que é o que de verdade nos interesa. Estamos a piques de actuar, xa que fomos finalistas da parte autonómica, e estamos a piques de representala de novo para saber se imos realmente unha semana a Madrid a formar parte duns talleres. Viríanos a ver un xurado dende Madrid e os de Buero Vallejo por suposto, e esperamos ter sorte porque soamente haberá tres finalistas que poderán chegar a Madrid. Bueno e logo están as mencións especiais que imos intentar loitar todo o grupo por elas.

P: Despois de quedar finalista no concurso do Teatro do Miño de Galicia, contabades co veredicto do público en Goiáns?
Alba Chao:
Non, sinceramente non. Pensábamos que de últimos non íamos quedar, pero non contabamos tampouco con gañar. A verdade é que cando chegamos alí pensamos que era unha nova oportunidade de actuar e de divertirnos e nada máis, tomámolo como unha diversión, e non nos esperábamos o premio. O domingo, que foi dous días despois da actuación, chomounos un compañeiro e comunicounos que acabábamos de gañar e non o críamos, pensábamos que estaba de broma, ademáis era tarde para o veredicto, e non o creíamos, pero bueno, foi unha gran sorpresa, e realmente inesperado.

P: Contades con gañar en Madrid?
Alba Chao:
Bueno en Madrid, referiraste a Buer Vallejo, que é a primeira fase, que en Madrid xa fixo que non gañamos (risas). Pois sinceramente non quero decir nada, porque é moi difícil, é moi complicado porque é unha competición dos dezasete mellores de toda España.

Nova representación de Dormes?

ESCOLAR GALICIA_Citar Autor Xoque Carbajal.jpg

O vindeiro xoves 4 de xuño representaráse de novo a obra do Taller de Expresión Artística do MGB, Dormes?. Nesta ocasión será no Teatro Principal de Santiago ás 19: 30 horas onde estará tamén o xurado dos premios de teatro Buero. Podes descargar dende aquí toda a información sobre esta gala autonómica, onde ademais da representación da obra gañadora terá lugar a entrega dos diferentes premios e mencións a nivel autonómico. Recordamos que Dormes? foi a gañadora en Galicia na categoría de centros educativos e recibiu ademais a mención especial á escenografía.

* Autor da imaxe: Xoque Carbajal

Novo premio para Dormes?

O Taller de Expresión Artística do MGB coa súa obra Dormes? obtén un novo premio. Ademáis de gañar a Fase Autonómica dos premios de teatro Buero Vallejo, acaban de concederlle a Mención Especial á Mellor Escenografía. Parabéns a todos outra vez

Dormes? gaña a fase autonómica dos Premios Buero

Dormes?, a última creación do Taller de Expresión Artística do MGB, segue acaparando premios. Nesta ocasión vén de proclamarse vencedora da fase Galega dos Premios Buero, entre outras 16 obras finalistas.

O premio? Participar na fase final Estatal deste prestixioso certame e asisitir, profesores e alumnos, na primeira semana de xullo, ao 2º Campus de Teatro Buero que se celebrará en Madrid, impartido polos mellores profesionais do mundo da escena (actores, directores, etc.).

Pero antes diso aínda haberá unha nova respresentación da obra nun teatro e nunha data aínda por determinar, á que asistirá o xurado da Fase Estatal e da que se realizará unha gravación profesional.

Un aplauso para todo o equipo de Dormes? e toda a sorte na disputa deses 3 premios da Fase Estatal Seguro que o conseguen!

Premios Buero

Dormes? gaña o premio especial do público en Goián!

Miguel Carbajal subiu de novo ao escenario no día de onte, para recoller, de mans da alcaldesa de Goián, o premio especial do público na terceira edición da Mostra de teatro non profesional do Miño, promovida pola Dirección Xeral de Creación e Difusión Cultural da Consellería de Cultura.

Un éxito máis para esta creación do Taller de Expresión artística do MGB, que agarda o veredicto do xurado dos premios nacionais de teatro Buero Vallejo para acudir á fase final estatal en Madrid.

Dormes?

Mañá venres 24 de abril no Auditorio de Goián ás 20:30 horas haberá unha nova de representación do Taller de Expresión Artística do MGB, finalista da Mostra de Teatro do Miño, que optan o premio do público. Sairán autobuses gratuitos postos polo Concello.  

Miguel Carbajal, entrevistado no Correo TV

Con motivo do recente premio concedico a Dormes?, o profesor Miguel Carbajal foi entrevistado o pasado venres no programa "Preguntoiro" do Correo TV.

Dormes?, seleccionada para a 3ª edición da Mostra de Teatro do Miño

dormes_550.png
A obra do Taller de Expresión artística do MGB, dirixida polo profesor Miguel Carbajal, foi seleccionada entre 27 grupos de teatro non profesionais, de Galicia e Portugal, para participar na terceira edición da Mostra de teatro non profesional do Miño, promovida pola Dirección Xeral de Creación e Difusión Cultural da Consellería de Cultura. A cita será nas vilas de Goián e A Guarda, os días 24, 25 e 26 de abril de 2009. Podes ler a crónica da noticia no xornal "El Correo Gallego", e unha reseña da última representación da obra no Teatro Principal no blogue A Estrada Cultural.

Hoxe, nova representación de "Dormes?"

Dormes_melisa_8abril_09.jpg

Hoxe, ás 21:30 horas, no Teatro Principal da Estrada, asistiremos a unha nova representación de Dormes?, unha creación do Taller de Expresión Artística do MGB, dirixida por Miguel Carbajal. Nesta ocasión estarán presentes os delegados dos premios nacionais de teatro "Buero Vallejo", de cara a unha posible participación na fase final deste certame, que terá lugar en Madrid a finais de curso.

Desexamos o maior éxito para toda "a compañía", e que pronto poidan estar ensaiando para esa final nacional. Sorte hoxe!.

Hoxe Dormes? no Teatro Principal da Estrada

Dormes_melisa_web.jpg

Por fin chegou día. Hoxe venres, ás 21:30 horas, no teatro Principal da Estrada, poderemos ver a segunda representación de Dormes?, unha creación do taller de Expresión Artística do MGB dirixido polo profesor Miguel Carbajal.

Despois do éxito acadado na representación de xuño, esperamos volver emocionarnos esta noite con este fantástico espectáculo de danza, música e vídeo.

Chegade puntuais porque esperamos ter un cheo absoluto!

Le a crónica da rolda de prensa de onte na Voz de Galicia.

Dormes? Nova representación na Estrada.

2987234239_91d2a9e541.jpg

Unha nova representación de Dormes? terá lugar no teatro Principal da Estrada o vindeiro 21 de novembro ás 21:30 horas.

Esta obra, dirixida por Miguel Carbajal e interpretada por alumnos do MGB no marco do taller de expresión artística do centro, acadou un gran éxito na súa anterior representación do mes de xuño. 

Invitamos a toda a comunidade educativa a participar nesta gran montaxe. Esperámoste o venres día 21 no teatro Principal!

Visita a súa web e galería de imaxes.

Distribuir contido