Novas MeGaBiblio

MeGaBiblio: unha minisemana chea de actividades

solidaridad-2.jpg

Martes 4 de decembro:

  • Hora de ler á 3ª hora. Disfruta dos 20 minutos de lectura silenciosa.
  • Reunión do club de lectura. O grupo de "Corredoiras" comentará O misterio das badaladas de Xavier Docampo , o grupo de "Autoestradas" dialogará sobre Farenheit 451, de Ray Bradbury. Comeremos xuntos na biblio e compartiremos a charla cuns dóces. Ás 16,30 marchamos correndo para as aulas.

Mércores 5:

  • no 1º recreo, empeza a nova proposta da biblioteca: un obradoiro. Nesta ocasión "Construímos un bosque de libros". Os que desexen participar vinde á biblioteca cunhas tixeiras (se non tendes, xa buscaremos solucións).Os voluntarios que queiran, guiados por María Armada, construirán as árbores dun bosque especial. Non andes polas ramas e vén a deixar a túa pegada.

pd: a prensa fíxose eco do noso Bingo contra a violencia machista para conmemorar o 25-N. Podes lelo nesta ligazón.

Actividades para o "Día contra a violencia de xénero"

violen.jpg

Mañá venres 23 empezaremos unha serie de actividades para conmemorar o 25 de novembro, Día Contra a Violencia de Xénero.

  • Venres 23: No segundo recreo haberá un photocall na biblioteca ou no vestíbulo.
  • O luns 26 alumnos de 2ESO e 3ESO irán ás 12:30 ao teatro principal a ver "A princesa que non quería comer perdices". Os alumnos de 1ESO acudirán á charla de Sara Vierna sobre "Bo trato", na Academia de policía. Ambas actividades están organizadas polo CIM do Concello dd A Estrada e acudirán alumnos dos tres institutos.
  • O martes 27 nos dous recreos xogaremos ao bingo do machismo. Participa. Haberá premios!

A violencia de xénero na rede

Son moitos os recursos que podemos atopar na rede sobre a violencia de xénero. Dende a MeGaBiblioteca seleccionamos os seguintes:

Entrega de diplomas aos axudantes de Biblioteca

axundantes_2018_500pix2.png

Hoxe mércores 24 de outubro, tivo lugar na MeGaBiblioteca a entrega de diplomas aos axudantes de cursos anteriores e do curso actual. A entrega foi realizada por Pilar Sampedro.

Mércores 24 de outubro, día da biblioteca escolar

Cartel Marisa Día BE_ Nota_20160812_191634_02(5)(1).jpg

Este mércores, 24 de outubro, é o Día da Biblioteca Escolar. Haberá 2 eventos nos recreos: no primeiro recreo, a entrega de diplomas (a cargo de Pilar Sampedro) aos ex axudantes da biblioteca, e a entrega das identificacións, horario e libreta, para os novos.

No 2º recreo, coa axuda de Pepe, intentaremos cumprir ao pé da letra o lema "Enróscate na lectura". Estades todos invitados!

Apertura da Biblioteca, venres 5 de outubro

O vindeiro venres 5 de outubro a MeGaBiblioteca abrirá o seu servizo de préstamo para o curso 2018/19.

En breve informaremos das novidades editorias e outras de interese para este novo curso.

Hora de ler, xoves a 5ª hora

Recordámovos que o xoves 3 de maio a 5ª hora teremos a nosa HORA DE LER! Vinte minutos para ler o que ti queiras!

Im-perdibles

1200px-Safety_Pin.jpg

Cal é o teu "Im-perdible"? Pásate pola MeGaBiblio durante esta semana e recomenda ese libro que levarías a unha illa deserta! 

Adopta un libro

banner1imagen.png

Vente hoxe no 2º recreo pola MeGaBiblioteca e adopta un libro! Terás unha doce recompensa!

pd: e se levas un préstamo tamén!

Imaxe | adoptaunlibro.org

Galicia, un paraíso xeolóxico

Mañá martes 20 de marzo, terá lugar unha charla do xeólogo Fran Canosa na AGASP (Academia Galega de Seguridade Pública), organizada polas bibliotecas escolares dos tres institutos estradenses.

Día da muller traballadora 2018 na MeGaBiblioteca

Na conmemoración do día da Muller, presentamos a charla que mañá venres 9 nas 2 últimas horas impartirá Ramón Villaverde (o noso lector de inglés) sobre os feminicidios en Ciudad Juárez, e a charla de Tamara Prieto (vindeiro xoves 15 a 2ª h.) sobre a investigación científica que está a desenvolver. Nesta ligazón poderás ver a presentación elaborada polos 3 IES da Estrada.

Literatura escrita por mulleres na MeGaBiblioteca

Captura de pantalla 2018-03-01 a las 12.12.58.png

Neste reivindicativo mes de marzo dende a MeGaBiblioteca queremos salientar a literatura escrita por mulleres, aínda que estas se agocharan en seudónimos masculinos. Neste díptico ofrecémosche algúns títulos, pero podes escoller o que ti queiras, sempre que fose escrito por unha muller. 

Es un sol?

sol-500.png

O vernes 23 de febreiro no 2º recreo daremos un agasallo aos soles que atopamos. Se eres un dos recoñecidos pola MeGaBiblioteca terás un correo electrónico na túa conta do instituto. Se aínda non es un SOL ven preguntar cómo podes facer para conseguilo.

Hora de ler, martes a 6ª hora

Recordámovos que o martes 9 de xaneiro a 6ª hora teremos a nosa HORA DE LER! Vinte minutos para ler o que ti queiras!

Lecturas recomendadas para Nadal

Picade na imaxe para acceder á listaxe das lecturas recomendadas para este Nadal, elaborada conxuntamente polas Bibliotecas dos 3 centros da Estrada.

Distribuir contido