Bioloxía e Xeoloxía

Este mércores 30 de marzo o alumnado de 2º bacharelato de Ciencias da Terra e do Medioambiente asistiu a 2 charlas organizadas pola Universidade de A  Coruña dentro do programa Charlas de Divulgación Científica 2021/2022

O ponente foi o o catedrático da UDC  na área de Enxeñaría Química o Dr. Manuel Soto Castiñeira.

A primeira charla tratou sobre a depuración ecolóxica con xuncos, espadanas e carrizos, sendo unha das principais liñas de investigación do grupo de Enxeñaría Química Ambiental. Este sistema de depuración por humedais elimina os principais contaminantes das augas residuais: materia orgánica, sólidos en suspensión, nitróxeno, fósforo e mesmo contaminantes emerxentes como son os farmacéuticos. A segunda charla foi sobre "O lixo-retrete, da túa man ao mar. Como previlo? onde se mostrou como moito do lixo recollido nas nosas praias procede das nosas casas.

Na seguinte ligazón podedes ver as infografías elaboradas polo alumnado da materia de Cultura Científica de 1º de Bacharelato coa profesora Lucía Lijó:

Dentro da semana do día do Medio Ambiente, o día 8 foi o día dos océanos. Por esta razón, persoas voluntarias de 1 ESO estivemos recollendo os plásticos do patio do centro. Desta forma evitaremos que os plásticos cheguen aos ríos e océanos, evitando a contaminación que provocan. Esta é unha actividade de educación e voluntariado ambiental cuxo obxectivo  e que todas as persoas do centro tomen conciencia e se evite o uso de plásticos e embalaxes. Temos que comeza por reducir o seu uso!!

Pódedes ver as fotos nesta ligazón.

Todo o curso de 1º da ESO participou no Proxecto Ríos durante a maña do 12 de abril.

O Proxecto Ríos é un programa de voluntariado da Asoc. ecoloxista ADEGA, que consiste en realizar dúas inspeccións ao ano e comprobar a calidade do río. Acompañáronnos tres educadores/as ambientais e fixemos tres mostraxes (unha por grupo) nun regato que pasa por detrás do centro de ensino, Barranqueira da ponte. Comprobamos a calidade da flora de ribeira, os parámetros físico-químicos da auga e identificamos os macroinvertebrados para saber que calidade ten o río. Puidemos comprobar que estaba en boas condicións.

Pasámolo xenial e aprendimos moitísimo!!

Pódedes ver imaxes na Galería do instituto.

Hoxe 18 de xaneiro, por fin chegou o noso composteiro!! A partir de agora xa podemos recoller e compostar os residuos orgánicos da cafetería e das merendas. O composteiro tróuxonolo Manolo Dominguez, biólogo e educador ambiental do Plan Revitaliza da Deputación de Pontevedra, Explicounos como reducir os nosos residuos e a importancia da separación selectiva. En canto á compostaxe explicounos que vai e que non vai ao composteiro e como coidalo. A partir de agora o alumnado de primeiro da ESO serán os encargados/as de xestionar o composteiro.

Fotos da charla e instalación do composteiro.

Esta situación de pandemia está directamente relacionada coa perda de biodiversidade no planeta. Depende de nós como consumidores, minimizar a destrución da natureza, por este motivo dende a comunidade educativa do IES Manuel García Barros queremos darvos unha serie de consellos para un NADAL SOSTIBLE!!

• Consellos elaborados polo alumnado de Ciencias da Terra e do Medioambiente (2º Bac)
• Infografías creadas polo alumnado de Tecnoloxías da Información e da Comunicación (2º Bac)

Pincha enriba das imaxes para ver as infografías completas.

Neste mes de novembro, o mes da ciencia en galego, temos na MeGaBiblioteca, entre outras actividades, unha exposición de maquetas de células realizadas polos alumnos de 1º de ESO na materia de Bioloxía e Xeoloxía, baixo a dirección da profesora Loli Castro.

O pasado 24 de maio o alumnado de 1º ESO de Ciencias Naturais, acompañados pola súa profesora Dolores Castro, desenvolveu parte do traballo de aula no Museo de Historia Natural da USC.

Onte, a iniciativa do alumnado de Bioloxía de 1º de bacharelato, realizamos no centro un acto simbólico de apoio ao movemento FridaysForFuture que recolle a prensa de hoxe. 

Faro de Vigo.

La Voz de Galicia.

O alumnado de Bioloxía e Xeoloxía de 1º de bacharelato asistiu hoxe á xornada Unistem Day celebrada da facultade de Medicina da USC. A actividade foi organizada polo departamento de Bioloxía e Xeoloxía.

O Faro de Vigo recollle a participación da alumna Nerea Neira, acompañada da profesora Irene Portas, na XIV Olimpiada de Bioloxía.

Do 8 ao 19 de outubro teremos no noso centro a exposición "UNHA INVASIÓN SILENCIOSA. A BIODIVERSIDADE BAIXO AMEAZA". Trátase dunha iniciativa da asociación ecoloxista ADEGA que nos presenta a realidade das especies invasoras de flora e fauna que existen en Galicia e a problemática asociada ás mesmas.

Máis información nesta ligazón.

Este mércores visitounos Marcos Rodríguez Pantoja (Entrelobos) e compartiu co noso alumnado a súa interesantísima experiencia vital de supervivencia e contacto coa natureza. 

Podedes ver algunhas fotos na nosa galería Flickr e a noticia na seguinte ligazón.