Extraescolares

Visita á Biblioteca América da USC

8E43AB2B-659D-4948-89A9-D5C693B40399_1_105_c.jpeg

Durante a mañá do mércores 30 de outubro, e tal como fixemos o curso pasado, os alumnos de latín de 2º de Bacharelato do MGB visitaron a Biblioteca América da USC, sita no Pazo de Fonseca de Santiago.

Este ano, ademais de poder ver e tocar a edición fácsimil do orixinal de 1055 do Libro de Horas de Fernando I, tivemos a oportunidade de ter diante dos nosos ollos edicións antigas (séculos XVI e XVII) de clásicos da literatura latina, como Plauto, Terencio, Cicerón ou Ovidio.

O alumnado de Ciencias Naturais de 1º ESO no Museo de Historia Natural da USC

O pasado 24 de maio o alumnado de 1º ESO de Ciencias Naturais, acompañados pola súa profesora Dolores Castro, desenvolveu parte do traballo de aula no Museo de Historia Natural da USC.

Éxito do alumnado do IES MGB na V competición de robots da UVigo: 1º e 3º postos!

ganhadores_v_competicion_robots_uvigo2.jpg

O pasado venres 26 de abril varios equipos formados por alumnos e alumnas de 1º de Bacharelato que cursan Tecnoloxía Industrial I conseguiron un éxito sen precedentes na V competición de robots da Universidade de Vigo: dos 6 equipos que polo noso centro se inscribiron á competición, 5 deles chegaron á final acadando dous deles o 1º e o 3º posto! Cómpre engadir que a esta competición acudiron máis de 150 equipos de institutos de toda Galicia, polo que os seus profesores e resto da comunidade educativa non podemos estar máis orgullosos dos nosos alumnos, independentemente de que acadaran ou non o podio, dado que todos eles amosaron unha gran capacidade de traballo en equipo e de entrega por acadar este gran éxito para o centro.

Parabéns e bravo por eles!!

Notas de prensa:

Programa CORES

O alumnado de 4º ESO de Economía participou o día 10 de abril no programa CORES nas instalacións da Escola Galega de Consumo en Santiago. A sesión desenvolveuse en tres obradoiros: Etiquetado dos alimentos, Marcas e Consumo responsable. A actividade foi organizada polo Dpto. de Economía.

Olimpíada de tradución de textos clásicos

IMG_5813.jpeg

O pasado xoves 4 de abril, na facultade de Filoloxía da USC, as alumnas de 2BAC Patricia Riveiro, Alexandra Gambino e Carlota Goldar, participaron nas probas de tradución de grego, dentro da V Olimpíada de tradución de textos clásicos organizada por SEECGalicia. A festa de entrega solemne de diplomas a todos os participantes e de premios aos tres primeiros clasificados en cada modalidade terá lugar o próximo 15 de maio na mencionada Facultade de Filoloxía. 

Finanzas para mortais

O alumnado de Economía da Empresa de 2ª de bacharelato participou os días 7 e 13 de marzo en dúas charlas formativas dentro do Programa Finanzas para Mortais en colaboración co Banco Santander e coordinado polo Dpto. de Economía. A actividade completouse coa visita á oficina Smart Red de A Estrada.

Alumnado de Bioloxía do MGB no Unistem Day

O alumnado de Bioloxía e Xeoloxía de 1º de bacharelato asistiu hoxe á xornada Unistem Day celebrada da facultade de Medicina da USC. A actividade foi organizada polo departamento de Bioloxía e Xeoloxía.

Saída cultural a París organizada polo departamento de Francés

Un grupo de alumnos e alumnas do MGB están estes días disfrutando dunha viaxe cultural a París organizada polo departamento de Francés, acompañados polas profesoras Lorena Cambón e Rosa Mato.

 

Itinerario da viaxe cultural polo norte de Italia

Un grupos de alumnos e alumnas do noso centro están nestes días de viaxe cultural polo norte de Italia acompañados polas profesoras Beatriz M., Esther S. e María V. Podes consultar o itinerario no enlace.

Alumnado de xeografía do MGB na V Olimpíada Xeográfica de Galicia.

O pasado venres 22 os alumnos de xeografía do centro, coordinados pola profesora Esther Sánchez Recio, participaron na V Olimpíada Xeográfica de Galicia.

Andorra 2019

A semana pasado os alumnos de 1º e 2º de BAC estiveron na estación de esquí de GrandValira, en Andorra, realizando unha actividade organizada polo Departamento de Educación Física, acompañados polos profesores Alejandra Pérez, Rosa Mato e Álvaro P. Vilariño.

Visita ás Fragas do Eume

IMG-20181106-WA0019.jpg

Os días 25 e 26 de outubro o noso alumnado de 1º ESO viaxou ás Fragas do Eume onde realizaron numerosas actividades físicas en contacto coa natureza. Estiveron acompañad@s polas profesoras Loly Castro e Norma Pillado.

Podedes ver tódalas fotos nesta ligazón.

Reunión excursión Andorra 2019

O vindeiro martes 9 de outubro no 2º recreo terá lugar na sala de Usos Múltiples do centro unha reunión para o alumnado de Bacharelato interesado en participar na actividade de esquí en Andorra. Podes consultar dende esta páxina toda a información sobre a mesma.

Alumnado de 4º ESO en Roma

Roma.jpg

O pasado luns 7 de maio alumnado de 4º ESO viaxou a Roma acompañad@ pol@s profesores María Paz, Norma Pillado e Mariano Casas. Estarán de volta este venres. Agardamos que desfruten a viaxe!

III Ludi Compostellani

O pasado mércores, os alumnos de Cultura Clásica, Latín e Grego, participaron nos III Ludi Compostelani na Facultade de Filoloxía de Santiago, organizados por SEECGalicia. O MGB participou coa organización dun obradoiro de microteatro, onde se representaron escenas da adaptación da Odisea que fixo o escritor estradense Xosé Luna.

Distribuir contido