Extraescolares
Viaxe a Valencia, proxecto "Grecia e Roma nas túas mans"
Enviado por Coordinación TIC o 21 Abril, 2022 - 08:11Durante os días 6, 7, 8 e 9 de abril, o alumnado de Latín de 1º e 2º de Bacharelato realizou unha viaxe de estudos a Valencia dentro do proxecto estatal de agrupación de Centros "Grecia e Roma nas túas mans", do que forma parte o MGB xunto cos centros IES 9 d’OCTUBRE de Carlet (Valencia) e o IES Sáenz de Buruaga de Mérida. Estiveron acompañados polos profesores Marisa Otero e Álvaro P. Vilariño.
O primeiro día tivo lugar unha visita guiada polo centro da cidade de Valencia: torres de Serrano, pazo da Generalitat, catedral, Lonxa, e outros monumentos e lugares de interese. O xoves achegámonos ata o Museo arqueolóxico de Alicante e o castelo de Santa Bárbara, e xa pola tarde, ao VilaMuseu de La Vila Joiosa. O venres foi o día dos Ludi Saguntini, onde despois de realizar varios obradoiros (latine loquendo, escritura) subimos ata o teatro de Sagunto para ver a representación dunha obra de Plauto, a Aulularia. Na baixada, parada na Domus Baebia, aula didáctica de Cultura Clásica. A tarde foi para a visita á praia da Malvarrosa e de novo o centro de Valencia. Despedimos a esta fermosa cidade o sábado, coa visita ao Oceanográfic e á cidade das artes e das ciencias.
Neste álbum de Flickr pódense ver as imaxes da viaxe.
Viaxe a Madrid (Xeografía e Historia)
Enviado por Coordinación TIC o 4 Abril, 2022 - 11:39Do 31 de marzo ao 3 de abril. Fomos ao museo Thyssen e ao Museo arqueolóxico nacional. Tamén visitamos o Prado e o Museo Reina Sofía. Tivemos unha fabulosa guía de arte, a nosa compañeira Beatriz Mera.
Paseamos polas rúas de Madrid e o Retiro, onde algúns alumnos pasearon en barca. Visitamos o sorprendente Xardín Botánico. Pudemos observar monumentos emblemáticos como a porta de Alcalá, o Ayuntamiento, e por suposto, "pateamos" as rúas de Serrano, a Castellana e estivemos na praza de Colón onde puidemos disfrutar da xigantesca imaxe de "Julia" de Plensa. Tamén visitamos a Real Academia de Bellas Artes de San Fernando cunha magnífica e sorprendente colección de pinturas e de grabados (Goya, Picasso...). Fomos unha noite ao teatro a ver "La Gran Depresión", de Nuria Roca e Antonia San Juan. Por suposto, paseamos pola Gran Vía, Puerta del Sol, Plaza Mayor, mercadillo de San Miguel, etc.
O comportamento dos nosos alumnos, como sempre, foi espectacular." Podedes ver as imaxes neste álbum de Flckr.
Imaxes viaxe a Madrid (Bacharelato de Artes)
Enviado por Coordinación TIC o 4 Abril, 2022 - 08:33Xa están subidas a este álbum de Flickr as imaxes da viaxe a Madrid do bacharelato de Artes.
Visita ao Parlamento de Galicia
Enviado por Coordinación TIC o 22 Marzo, 2022 - 20:15O luns 21 de marzo os alumnos de 1º Bacharelato da materia de Economía visitaron o Parlamento de Galicia.
Durante o percorrido aprenderon as funcións, a organización e a historia da institución; accederon as dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde protagonizaron un breve debate parlamentario.
Acompañaron aos alumnos as profesoras Fina Brea e Raquel Carballo.
Podes ver todas as fotos neste album de Flickr.
Visita de alumnado de 2º BAC a Santiago
Enviado por Coordinación TIC o 9 Marzo, 2022 - 21:29O mércores 9 de marzo o alumnado de Xeografía, Patrimonio e Historia da Arte viaxaron a Santiago.
Os alumnos de xeografía participaron na Olimpiada de Xeografía que tivo lugar na facultade de Xeografía e Historia da USC.
Ao mesmo tempo o resto do grupo visitou a catedral, as súas cubertas, o museo e o pazo de Xelmírez.
Remataron a xornada cunha visita guiada ao Pórtico da Gloria.
Podes ver máis imaxes neste álbum de Flickr.
Brigantium MMXXII
Enviado por Coordinación TIC o 24 Febreiro, 2022 - 14:23Vídeo da viaxe á Coruña dos alumnos de Latín e Cultura Clásica do IES MGB para asistir ás representacións do festival de teatro grecolatino organizado por SEECGalicia na Coruña, o 22 de febreiro de 2022. Obras representadas: Hécuba de Eurípides (Grupo Noite Bohemia) e Asinaria de Plauto (Grupo Corzos Reunidos).
Grecia e Roma nas túas mans
Enviado por Coordinación TIC o 2 Febreiro, 2022 - 11:08Con data 20/12/2021 foi publicada na web do Ministerio de Educación y Formación Profesional, a Resolución da Secretaría de Estado de Educación pola que se conceden axudas destinadas a promover agrupacións de centros educativos para a realización e posta en práctica de proxectos comúns que favorezan a educación inclusiva.
Nesa convocatoria foi seleccionado o proxecto GRECIA E ROMA NAS TÚAS MANS, do que forma parte o IES Manuel García Barros da Estrada (coordinado polos profesores Marisa Otero e Álvaro P. Vilariño), o IES 9 d’OCTUBRE de Carlet (Valencia) e o IES Sáenz de Buruaga de Mérida.
O traballo consistirá filmar e documentar unha serie de pezas (en principio 10) dos museos de Galicia e elaborar réplicas a partir da súa impresión en 3D co obxecto de crear un museo escolar para que todos os alumnos poidan coñecer e respectar o seu patrimonio cultural. O proxecto inclúe tamén viaxes a Sagunt e a Mérida, que terán lugar ao longo deste curso e do que vén.
Máis información na web do proxecto.
Visita a Santiago
Enviado por Vicedirec. o 3 Decembro, 2021 - 20:52O venres 3 de decembro o alumnado de 2º bacharelato D visitou a cidade de Santiago, onde realizou unha visita guiada ao pazo de Xelmirez, ao Pórtico da Gloria e á catedral.
Excursión a "Aquis Querquennis" (Bande - Ourense)
Enviado por Coordinación TIC o 25 Novembro, 2021 - 09:07Onte, mércores 24 de novembro, o alumnado de Cultura Clásica e Latín de 3ESO, 4ESO e 1BAC, realizou unha visita ao xacemento romano de "Aquis Querquennis", en Baños de Bande, Ourense.
Despois de percorrer un tramo duns 5 kilómetros polo antigo trazado da VIA NOVA ou Vía XVIII, e tras visitar unha fermosa fervenza nas marxes da mesma, o grupo asistitu a unha proxección audivisual no Centro de Visitantes, para logo percorrer o xacemento do antigo campamento militar romano. A xornada rematou cun baño nas thermae do recinto. A actividade foi organizada polo Departamento de Latín e Grego.
Más fotos neste álbum de Flickr!
Visita de 1º ESO a Campo Lameiro
Enviado por Coordinación TIC o 12 Novembro, 2021 - 12:59O pasado mércores 10 de novembro o alumnado de 1º ESO, acompañado por tres profesoras, visitou o Parque Arquelóxico da Arte Rupestre de Campo Lameiro.
Podedes ver máis fotos neste álbum de Flickr!
Carreira de campo a través do XOGADE.
Enviado por Coordinación TIC o 12 Novembro, 2021 - 12:45O alumnado de 1° e 2º da ESO do noso centro participou na carreira de campo a través do programa XOGADE, dentro do Proxecto de Vida Activa e Deportiva promovido polo departamento de Educación Física.
Destacar o esforzo dos nenos e nenas participantes nunha mañá con frío e néboa nas instalacións da zona deportiva da Estrada, nun percorrido de 1300 metros con bastante dificultade.
Parabéns ao alumnado pola gran participación e implicación na actividade!
Neste álbum de Flickr podedes ver máis fotos.
Saída cultural á Ribeira Sacra
Enviado por Coordinación TIC o 3 Novembro, 2021 - 10:41O pasado xoves 29 de outubro, tivo lugar unha saída cultural á Ribeira Sacra cos alumnos de 2BAC, visitando os Peares, a igrexa de San Pedro de Rocas (Esgos) e a súa contorna (Fonte de San Bieito), e o embarcadoiro de Santo Estevo de Nogueira de Ramuín, onde se realizaou un paseo en catamarán polos Canóns do Sil.
Tras a comida foi o turno do mosterio de Santo Estevo, visitando o seu claustro para, a continuación, poñer rumbo a Celanova onde tivo lugar unha excepcional exposición e interpretación do seu afamado órgano (ver vídeo!). A visita continuou coa nosa xoia mozárabe, San Miguel de Celanova, rematando a xornada coa visita e baño no campamento de Aquis Querquennis en Bande.
A actividade foi organizada polo departamento de Xeografía e Historia, en colaboración coas profesoras dos Departamentos de Música e Lingua Galega (Esther Sánchez, Beatriz Mera, María Varela e Teresa Filloy).
Máis fotos neste álbum de Flickr!
Visita do alumnado de 3º ESO a Santiago
Enviado por Coordinación TIC o 19 Outubro, 2021 - 08:53O pasado mércores 13 de outubro o alumnado de 3º ESO viaxou a Santiago para visitar a cidade e asistir á representación teatral "Tacao" da compañía MOVING COMPASS, no marco da XXVI edición do Festival Internacional de Títeres de Santiago de Compostela.
Visita a IBERLUFFA polo alumnado de 2BAC
Enviado por Coordinación TIC o 7 Outubro, 2021 - 08:10O martes 5 de outubro o alumnado de 2º de Bacharelato da materia de Economía da empresa e FUAX visitou a empresa IBERLUFFA (Ibérica de exponxas vexetais) en Caldas de Reis.
A visita iniciouse na plantación de luffas coas explicacións do proceso produtivo, características do froito, fermentación e secado, deseño e troquelado, comercialización do produto e loxística da empresa.
A actividade foi organizada polo departamento de Ecomomía e os alumnos estiveron acompañados pola profesora Raquel Carballo (máis imaxes neste álbum)
E se aínda non sabes o que é unha luffa, consulta esta páxina!
Visita ao Parlamento de Galicia
Enviado por admin o 24 Febreiro, 2020 - 22:32O pasado 19 de febreiro os alumnos de 1o Bacharelato e 4o ESO da materia de Economía acudiron ao Parlamento de Galicia. A visita iniciouse cunha explicación dos órganos, funcións e composición do Parlamento, a continuación detivémonos no Salón dos Reis, a biblioteca, Salón dos pasos perdidos e os patios interiores. Finalmente os alumnos protagonizaron un breve debate parlamentario no Hemiciclo.
A actividade foi organizada polo Dpto. de Economía e acompañaron aos alumnos as profesoras Raquel Carballo e Norma Pillado.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »