Educación Física

Departamento de Educación Física

PROFESORES

  • Juan Gago Sampedro (Xefe do departamento)
  • Norma Pillado Ordónez

PROGRAMACIÓN DIDÁCTICA

CURRÍCULOS

  • Currículos DOG 

RECURSOS WEB

Andorra 2018

Dende o 27 de xaneiro ata o 3 de febreiro, un grupo de 40 alumnos e 3 profesores estivemos na estación de Grandvalira en Andorra. Aquí está o vídeo e neste álbum as imaxes!

3º e 4º de ESO de foliada

IMG-20171221-WA0002.jpg

O pasado xoves 21 de decembro, para festexar o remate do trimestre, o noso alumnado de 3º e 4º de ESO participou nunha foliada xunto cos outros institutos da Estrada no Pavillón Coto Ferreiro. Foi unha actividade organizada polo concello como punto final ás clases de baile tradicional que se impartiron neste trimestre nas clases de Educación Física.

Moitas grazas aos organizadores e aos alumn@s e profesor@s participantes!

Cross Escolar

O pasado mércores 22 de novembro tivo lugar o Cross Escolar na Estrada. O noso alumnado acadou excelentes resultados:

- Infantil masculino: 2º posto para Daniel Míguez Vidal de 1º ESO C.

- Infantil feminino: 1º posto para Laura Carracedo Flores de 1º ESO A e 2º para Sonia Rivadulla Blanco de 1º ESO C.

Campionato de Bádminton

Badm 2.jpg

Esta mañá foron disputadas as distintas finais do Campionato de Bádminton cos seguintes resultados:

1ª premio: Pablo Loureiro Reboredo (2º ESO B).

2º premio: Lois Rodríguez Moimenta (2º ESO B).

3º premio: Anxo Paz Carracedo (2º ESO C).

4º premio: José Comerón Lado (2º ESO A).

En hora boa!

Flag Football no MGB

IMG-20170215-WA0001.jpg

Durante os meses de febreiro e marzo o club "A Estrada Bestas" impartirá clases de fútbol americano, na súa modalidade de Flag Football, ao alumnado de 4º de ESO e 1º de Bacharelato durante as clases de Educación Física. Está resultando unha experiencia moi interesante.
Moitas grazas a tod@s aquel@s que o facedes posible.

Viaxe á neve

Andorra.jpg

Mañá sábado 21 de xaneiro quince alumn@s de 1º e 2º de Bacharelato viaxarán a Andorra para desfrutar duns días na neve practicando esquí e snow. Estarán acompañad@s polos profesores Juan Gago e Álvaro Pérez. A volta está prevista para o sábado 28 de xaneiro. Boa viaxe!

Alumnas do MGB xogan ao Flag Football

bestas-amplian.jpg

Varias alumnas do noso centro formarán parte este ano da nova sección feminina creada polo clube de fútbol americano estradense "A Estrada Bestas". Competirán na modalidade Flag Football. Moita sorte!

Máis información nesta ligazón.

Inscrición viaxe á neve ANDORRA 2017

Todos aqueles alumnos de 1º e 2º de Bacharelato interesados na viaxe a Andorra poden apuntarse cubrindo este formulario. Tendes de prazo ata este venres. Os detalles da viaxe podedes atopalos neste documento en *.pdf.

Vídeo de Andorra 2016

Aquí tedes o vídeo da viaxe realizada á estación de esquí andorrana de GrandValira o pasado mes de xaneiro, polos alumnos de 1º e 2º de BAC.

Campo a Través Escolar

Varios/as alumnos/as do Centro acadaron primeiros, segundos e terceiros postos en distintas categorías no "Campionato de Campo a Través Escolar". Noraboa a todos eles. Toda a información no Faro de Vigo.

Campionato de Campo a Través

Alumnado de 1º e 2º de ESO participará o vindeiro xoves 3 de decembro no "Campionato de Campo a Través" que terá lugar na praia fluvial da Estrada. Trátase dunha actividade organizada pola Xunta de Galicia dentro do programa de "Deporte en Idade Escolar". Estarán acompañad@s polos profesores do centro Juan Gago e Ramón Aller.

Sesións de Primeiros Auxilios

Alumnado de 4º da ESO e de 1º de Bacharelato da materia de Educación Física levarán a cabo durante a vindeira semana (do 9 ó 13 de febreiro) unhas sesións de primeiros auxilios na Academia Galega de Seguridade. Os contidos a desenvolver son os seguintes: secuencia da RCP básica, inmovilización da zona cervical, traslado dun accidentado, actuación ante patoloxías comúns coma hemorraxias nasais, queimaduras, golpes de calor, feridas, etc. As actividades terán lugar nas horas de docencia dos respectivos grupos.

Vídeo "As Olimpiadas", 1ºBAC-C

Presentamos hoxe o vídeo realizado pola alumna Alba Martínez, onde nos mostra a particular visión das Olimpiadas que teñen os alumnos de 1ºC de Bacharelato, nunha actividade do departamento de Educación Física, dirixida pola profesora Mary Villar.

II TORNEO DE FÚTBOL SALA "MGB"

Esta semana deu comezo o "II Torneo de Fútbol Sala MGB". Os partidos xogaranse no horario de recreo, con dúas categorías: 1º-2º ESO, e 3º-4º-BAC. Debido a falta de equipos non puidemos levar a cabo o torneo de Baloncesto e Voleibol. Esperamos que disfrutedes da actividade e que o xogo limpo e as gañas de facer deporte e divertirse sexan as protagonistas do evento. 

Distribuir contido