Educación Física

   O 22 de decembro o alumnado de 1ºESO participou nunha foliada organizada polo concello onde puideron disfrutar de música tradicional galega tocada por alumnado dos tres institutos de A Estrada e poñer en práctica os pasos de baile aprendidos nas clases de EF. O profesor e bailador Manolo, un curso máis, foi quen ensinou ao alumnado os pasos básicos para poder realizar esta actividade. Agradecemos o seu esforzo e bo facer.

   O pasado 12 de xaneiro o alumnado de 1° e 2° da ESO do noso centro participou na fase zonal da proba de campo a través do XOGADE. Disfrutaron dunha mañá de actividade deportiva con centros de toda a comarca e acadaron uns resultados excelentes logrando a clasificación para a proba provincial nenos e nenas de todas as categorías nas que participabamos. Pode consultarse nova en prensa aquí.

Aquí tendes as imaxes do torneo de fin de curso:

Hoxe luns 20 de xuño, sae na Voz de Galicia un artigo facendo un resumo das iniciativas do MGB para a Promoción dun estilo de vida activo e saudable no alumnado.

Despois de entrevistar á profesora Alejandra Pérez Caaveiro, como coordinadora dos proxectos, recalca a importancia da continuidade e a suma de iniciativas como a implementación da terceira hora de EF, o reto activo, as gardas activas e tamén os proxectos interdisciplinares, como realizado este curso sobre hábitos de consumo de bebidas enerxéticas.

Adxuntamos esta nova aparecida na Voz de Galicia, esta outra no Faro de Vigo, e o vídeo do programa de Antena 3 "Espejo Público" coa intervención da profesora Alejandra Pérez Caaveiro.

Todas as imaxes da presentación no teatro principal poden verse neste álbum de Flickr.

O alumnado de 2º de ESO do noso centro presentará mañá martes día 14 de xuño, ás 20:00 horas, no Teatro Principal da Estrada, os resultados do Estudo De Consumo de Bebidas enerxéticas, estimulantes e azucaradas realizado no centro durante este curso.

Este traballo xurdiu ao abeiro dos proxectos EDUsaúde e Plan de Vida Activa e Deportiva, cos  que pretendemos convertir o noso centro educativo nun foco dinamizador de hábitos de vida saúdables, facendo partícipe a toda a comunidade educativa deste fin.

Este estudo no que participaron todo o alumnado do centro, concretouse nun proxecto interdisciplinar co alumnado de segundo da ESO e o profesorado que imparte clase neste nivel dos departamentos de Educación Física, Matemáticas e Tecnoloxía.

Gustaríanos convidar a todo o profesorado a coñecer os resultados, xa que presentarán información moi interesante para eles e ás familias, que pode contribuir a mellorar estes hábitos na xente nova.

O alumnado de 1°ESO do IES Manuel García Barros visitou a vila de Pontedeume e os seus arredores. Nesta viaxe tivemos a oportunidade de visitar as marabillosas Fragas do Eume, un dos pulmóns galegos. Estudiamos in situ a flora e a fauna que nos rodea e respiramos aire puro ao carón do río Eume. 

A hospedaxe no Albergue Alvarella, exemplo de ecoturismo e convivencia respectuosa co medio ambiente, ensinounos o valor da desconexión, a importancia de escoitarnos uns a outros e tamén o significado da convivencia. A súa charca, o rocódromo, o tiro con arco e as veladas nocturnas acompañaronnos durante a nosa viaxe. 

Percorremos os mesmos camiños que os antigos señores feudais de Pontedeume e gozamos do seu patrimonio histórico coa visita ao Torreón e o Castelo dos Andrade.

Por último descubrimos toda a vila, as súas xente e os seus rincóns grazas aos marabillosos monitores do Alvarella que nos obsequiaron con xogos de descuberta e búsqueda de tesouros históricos.

Todas as imaxes neste álbuim de Flickr!

O mércores, 11 de maio, o alumnado de 1° da ESO participou dunha actividade de promoción de estilos de vida saudables no Teatro Principal.

O Concello da Estrada, dentro do Pan Local de Saúde, convocou a escolares de todos os centros educativos do Concello a unha xornada que combinaba a  explicación da pediatra sobre a importancia da práctica de exercicio físico saudable con unha andaina colectiva.

Os departamentos de EF dos diferentes centros aproveitaron a ocasión para reinvindicar a necesidade de ampliar o número de horas da materia de educación física dentro do sistema educativo. Profesorado e alumnado levaba unhas pegatinas con este lema , “+EF”, que xa tiñan preparadas con motivo do día de EF na rúa, que se suspendeu o pasado mes por mor das condicóns climatolóxicas.

O noso centro participou activamente na organización destas xornadas, colaborando co Servizo de Deportes e coa pediatra do centro de Saúde, por considerar a colaboración dos diferentes entidades locais como un pilar fundamental de cara a acadar os obxectivos do proxecto Edu-Saúde.

Podedes ver as imaxes neste álbum de Flickr.

A actividade foi recollida tamén pola prensa, podes lelo na Voz de Galicia e no Faro de Vigo.

Ao longo deste mes de abril, o noso centro concentrará a posta en común das iniciativas realizadas dentro do proxecto EDUsaúde de promoción de estilos de vida activos e saudables, realizadas este curso no IES Manuel García Barros.

O mércores 6 de abril conmemórase o Día Mundial da Actividade Física e dende o proxecto EDUsaúde promovéronse camiñatas seguindo a Ruta da Zona Deportiva, na contorna do noso centro. Aproveitando o bo tempo o profesorado de educación física, nas súas clases, e tamén todos profesorado do centro nas gardas activas, estivemos a camiñar nos últimos días, conseguindo sumar máis movemento na nosa xornada escolar.

Podedes ver todas as imaxes neste álbum de Flickr.

Nesta última semana da avaliación tentaremos sumarnos a máis iniciativas activas como as xornadas activate  ou "baila la pena" de Macaco, promovidas pola Fundación Gasol.

A pasada semana o alumnado de primeiro de bacharelato do noso centro recibiu a visita de dous profesores convidados dentro do proxecto de promoción de estilos de vida saudables, EDUsaúde.

Lucy e Roi, da Asociación Xuvenil A Estación, explicaron en que consiste esta actividade deportiva, trouxeron os materiais, fixeron xogos e participaron activamente nun encontro de Jugger.

A experiencia, enmarcada dentro da iniciativa do departamento de educación física de promocionar as actividades físicas na contorna, resultou moi positiva e esperamos que axude a que o alumnado atope unha opción para desfrutar do seu tempo de ocio dun xeito activo.

Podes ver máis imaxes e un pequeno vídeo deste evente neste álbum de Flickr.

O pasado venres 17 de decembro, tivemos o honor de compartir a xornada co clube de patinaxe A Estrada, a quen agradecemos a súa colaboración co programa EduSaúde do MGB. 

A adestradora, a delegada do clube, 1 patinador e 3 patinadoras, unha delas alumna do MGB, acudiron na hora de EF de 4°B a poñer en práctica co alumnado algúns exercicios do quecemento deste deporte.

No 1° recreo quen o desexou puido disfrutar da exhibición de patinaxe artístico que realizaron no pavillón.

Na imaxe podemos ver a Natalia Campos, 4°B, na exhibición de patinaxe artístico no recreo.

O alumnado de 1° e 2º da ESO do noso centro participou na carreira de campo a través do programa XOGADE, dentro do Proxecto de Vida Activa e Deportiva promovido polo departamento de Educación Física.

Destacar o esforzo dos nenos e nenas participantes nunha mañá con frío e néboa nas instalacións da zona deportiva da Estrada, nun percorrido de 1300 metros con bastante dificultade.

Parabéns ao alumnado pola gran participación e implicación na actividade!

Neste álbum de Flickr podedes ver máis fotos.

O xoves 28 de outubro o alumnado de 1º de bacharelato, dentro da clase de educación física, contou coa visita do adestrador do Clube Atletismo A Estrada, Marcos Otero.

Esta actividade enmarcase dentro das propostas do departamento de EF para a promoción da actividade física saudable no noso alumnado, a colaboración dos clubes e entidades deportivas do Concello co Reto Activo MGB e unha das iniciativas dos Plan Proxecta e o CPInova que se desenvolven este curso no noso centro. Estes proxecto de innovación educativa pretenden promocionar estilos de vida activos e saludables no alumnado, dando a coñecendo as múltiples posibilidades de práctica de actividades físicas e deportivas na súa contorna, coa idea de que todo movemento suma saúde.

A actividade resultou moi positiva, grazas á experiencia de Marcos, que presentou a práctica do atletismo coma unha alternativa de ocio activo e saudable, tentando deixar a un lado os prexuizos que poida ter o alumnado sobre a necesidade de "ser bo" para practicar deporte nos clubes deportivos.

Dende o departamento de educación física gustaríanos felicitar a Marcos polo seu traballo e agradecer a súa colaboración co centro na promoción da actividade física e a saúde.

Máis fotos neste album de Flickr