Complementarias

  Alumnado de 1º e 2º Bacharelato de CC Sociais participou o martes 18 de Xuño nunha actividade didáctica organizada polo Departamento de Economía, visitando a empresa “DAVEIGA produción responsable“ en Chantada (Lugo).

A actividade iniciouse coa explicación por parte de Xosé Lois Lamazares, socio fundador da empresa, da posta en marcha do proxecto, a súa evolución e o modelo de Xestión empresarial Rural sustentable e Innovación baseado na Responsabilidade Socio-laboral, Económica, Medioambiental e Cultural.

Co gallo da celebración do Día Internacional do Libro o alumnado de Coro de 1º de Bach acompañou á comunidade educativa da gardería estradense en todas as súas actividades, aportando contacontos e cancións varias.
A xornada contou ademais coa participación de Teresa Filloy e David Otero, que coma nós foron agasallados, entre outras cousas, con doces, chocolate e un fermoso marcapáxinas elaborado a partir da impresión dos pés dos bebés: "LER DEIXA PEGADA". Unha xornada chea de agarimo, tenrura e ledicia. Moitas grazas á directora de Elfos por ternos convidado a participar nesta enriquecedora experiencia.

Pódense ver as fotos na nosa galería.

O pasado mércores 22 de maio, o grupo de alumnas e alumnos de 4º da ESO desprazouse á residencia Amboage, ao lado do noso centro, para realizar unhas entrevistas sobre o período da transición a algunhas persoas residentes. A actividade promove que coñezan de primeira man testemuños concretos sobre diferentes momentos e valoracións subxectivas do que significou o paso da ditadura á monarquía parlamentaria no estado español. Acompañaron ao alumnado os profesores Roberto Fernández e Brais P. Moure, de Historia e Galego.

Máis imaxes na nosa galería.

O alumnado de 3º da ESO do noso centro participou nunha xornada de bádminton co alumnado dos centros da contorna. Na xornada que organizaba a Agrupación Deportiva Escolar da Estrada houbo 150 participantes que tiveron dun día lectivo diferente, onde o máis importante era a convivencia co alumnado doutros centros ao tempo que disfrutaban dunha practica deportiva divertida. Máis fotos na galería Flickr.

Nova do Faro de Vigo.

O alumnado de 2º da ESO do noso centro participou no día de onte nos actos conmemorativos do Día da EF na Rúa na Estrada. Actividade organizada pola Agrupación Deportiva Escolar da Estrada na que máis de 350 escolares de 9 centros educativos do noso concello se reuniron na vila para darlle visibilidade e reivindicar a importancia da materia de educación física.

Nesta ocasión a convocatoria do COLEF busca promover a importacia da edución física e concienciar sobre a necesidade de aboradar a súde mental na poboación infantil e adolescente.

Novas de hoxe en relación ao evento: Faro e La Voz.

Fotos na galería Flickr.

Os alumnos de 2º Bacharelato-A do noso centro: Pablo Brey Arca, Alejandro Cobas Correa e Fernando Sanmartín Sangiao participarán o venres 12 de abril na MASTERCLASS “COMPUTACIÓN CUÁNTICA” organizada polo Instituto Galego de Física de Altas Enerxías.

Poderán desfrutar dunha actividade científica a nivel internacional, con charlas sobre o mundo da computación cuántica e unha sesión práctica na que terán a oportunidade de utilizar un ordenador cuántico.

Os detalles da xornada poden consultarse na seguinte ligazón:

https://indico.cern.ch/event/1395459/overview

O xoves 21 de marzo, o alumnado da área de Bioloxía e Anatomía de 1º de bacharelato gozaron dunha charla formativa sobre os ósos que conforman o noso corpo, impartida polo profesor da UDC Isaac Fontes.

Máis fotos na nosa galería Flickr.

Xa temos na nosa galería Flickr as fotos do pasado venres 23 de febreiro, Día de Rosalía.

Os alumnos de 2º Bacharelato-A do noso centro: Alejandro Cobas Correa, Fernando Sanmartín Sangiao, Pablo Brey Arca e Xulián Brey Couto  participarán o venres 1 de marzo na MASTERCLASS EUROPEA de FÍSICA (“Física de Partículas coas Mans”), organizada polo Instituto Galego de Física de Altas Enerxías. É unha xornada na que profesores do Dpto. de Física de Partículas da Facultade de Física da USC, en colaboración co CERN, tentarán achegar o mundo das partículas elementais a estudantes de último curso de Bacharelato

Os detalles da xornada poden consultarse na seguinte ligazón do IGFAE.

Este venres, durante os dous recreos, o EDLG organiza unha actividade dirixida a alumnado e profesorado para poñer en valor a figura de Rosalía de Castro. A actividade consiste en escoller entre tres diferentes deseños: Rosalía ecoloxista, Rosalía feminista e Rosalía galeguista e fabricar unha chapa coa que locer orgullosas. Realizarase na entrada ao centro.

Os deseños foron feitos por alumnado colaborador e a propia actividade tamén contará coa súa axuda!

O pasado xoves 15 de febreiro conmemoramos no centro o Día Internacional do Cancro Infantil. Alumnado de 1º e 4º ESO realizou diversas actividades (lazos dourados, tatuaxes, lectura de manifesto) co fin de mostrar a nosa empatía e solidariedade con aqueles menores que viven ou viviron a enfermidade.

Agradecemos á Asociación de Apoio a Nenos Oncolóxicos de Galicia (ASANOG) e á Federación Española de Padres de Niños con Cáncer (FEPNC) a oportunidade de participar nesta iniciativa.

O pasado venres 9 de febreiro celebrouse o Entroido no MGB. As fotos xa se poden ver na nosa galería Flickr.

   50 alumnos/as de 1º e 2º de Bacharelato, acompañados das profesoras Esther Sánchez, Beatriz Mera e María Varela, emprenderán unha interesantísima viaxe a Grecia este venres día 9, un territorio cheo de historia, reliquias arquitectónicas e de grandes pensadores para a cultura europea. Esperamos que a viaxe sexa moi enriquecedora e que a disfruten.

O xoves 25 de xaneiro, os grupos de 1º e 2º de bacharelato de Economía asistiron á charla "A creación de empresas na universidade”, impartida polo profesor David Rodeiro Pazos, catedrático do Dpto. De Economía Financeira e Contabilidade da Facultade de C.C. Económicas de Santiago. O alumnado recibíu formación nunha 1ª parte, sobre a creación de empresas e a 2ª parte, da xeración de ideas ao plan de empresa. A charla foi organizada polo Departamento de Economía.