Dep. Música

Co gallo da celebración do Día Internacional do Libro o alumnado de Coro de 1º de Bach acompañou á comunidade educativa da gardería estradense en todas as súas actividades, aportando contacontos e cancións varias.
A xornada contou ademais coa participación de Teresa Filloy e David Otero, que coma nós foron agasallados, entre outras cousas, con doces, chocolate e un fermoso marcapáxinas elaborado a partir da impresión dos pés dos bebés: "LER DEIXA PEGADA". Unha xornada chea de agarimo, tenrura e ledicia. Moitas grazas á directora de Elfos por ternos convidado a participar nesta enriquecedora experiencia.

Pódense ver as fotos na nosa galería.

   Móstrase neste vídeo a proposta artística elaborada por un alumno de cuarto da ESO do noso centro, Iago Durán, dentro da campaña sobre contaminación acústica levada a cabo na materia de proxecto competencial.

O xoves 21 de decembro, último día de clase antes das vacacións de Nadal, celebrouse unha pequena festa no centro con música e bailes. Nesta ligazón pódense atopar algunhas fotos e vídeo do evento.

Programacións didácticas por cursos

   O venres 25 de novembro conmemoramos no centro o Día contra a Violencia de Xénero. Nesta ligazón pódense ver fotos das actividades realizadas polo alumnado de Música de 4⁰ ESO coordinado pola profesora María Varela.

O pasado 25 de novembro o alumnado de Música de 2º Bacharelato relizou unha actuación para os seus compañeiros de 2º ESO e 1º Bacharelato. Este é o vídeo do evento subido ao noso canal de Youtube:

Vídeo elaborado por Carlota Torrado, alumna de Artes Escénicas, con motivo do 8 de marzo.

Parabéns a Belén Troitiño Dono que fai uns días ven de acadar unha praza, como clarinetista, de alumna activa da Orquestra Xove da Sinfónica de Galicia.

Nos próximos anos tocará o clarinete na Orquestra Xove da Sinfónica de Galicia e recibirá formación dos profesionais que forman parte da Orquestra Sinfónica de Galicia.

O pasado fin de semana alumnado de Música do noso centro visitou a cidade de Porto acompañado polas profesoras María Varela e Esther Sánchez para participar en diferentes actividades na Casa da Música.

Xa podedes ver na nosa galería Flickr as imaxes do concerto-audición que o pasado 21 de decembro ofreceu o alumnado de Música de Bacharelato. As fotografías son de Míriam Núñez e Marcos Puente.

Mañá venres 21 de decembro alumnado de Música de Bacharelato ofrecerá un concerto-audición a partir das 13:00 horas na Sala de Usos Múltiples do centro. Contamos coa colaboración do alumnado de Deseño de 2º de Bacharelato que realizou a escenografía.

O pasado luns 29 de xaneiro o alumnado de "Artes Escénicas e Danza", acompañad@s polo profesor Miguel Carbajal, visitaron a Escola Superior de Arte Dramática de Vigo onde fixeron un percorrido por distintas aulas. Grazas pola acolleita dispensada!

Os vindeiros días 18 e 19 de novembro alumnado de 1º de Bacharelato viaxará á cidade de Porto (Portugal) para participar nunha actividade organizada polo departamento de Música. Visitarán o Musseu Serralves e participarán no taller creativo "Imaxinario de Sons" e no curso "Músico por un día" na Casa da Música. Estarán acompañad@s polas profesoras María Varela e Esther Sánchez.