Novas

Noticieiro do centro

Desenvolvemento do Programa Meteoescolas durante o curso 2020-21

O profesorado que coordina o programa Meteoescolas no noso centro quere facer balance do desenvolvemento de dito proxecto este curso facendo constar os seguintes agradecementos:

  • Ao alumnado de 3º de ESO e 1º BAC A pola profesional e sistemática recollida de datos meteorolóxicos ao longo de todo o curso (actividade que realizou cada día unha parella durante a 1ª hora de clase).
  • Aos alumnos Adrián Blanco e Daniel Ruibal de 1º de BAC A pola montaxe electrónica da estación de calidade do aire sacrificando os seus recreos do mes de maio.
  • Ao profesor Arturo Vizcarra por ceder altruistamente unha tablet que facilitou a recollida de datos por parte do alumnado na estación meteorolóxica manual.
  • Á profesora Patricia Pérez por colaborar co seu grupo dos mércores a 1ª hora na recollida de datos da estación meteorolóxica manual.

Respecto do desenvolvemento global do proxecto, inda que non se puido levar adiante nun curso tan complicado organizativamente o tratamento estatístico dos datos meteorolóxicos históricos que actualmente xa están dixitalizados (quedará pendente como obxectivo prioritario para o vindeiro curso), si que estamos moi satisfeitos por ter acadados dous dos obxectivos prioritarios deste curso:

  • Establecer unha rutina sistemática de rexistro de datos meteorolóxicos da estación manual do centro por parte do alumnado que permita seguir incorporando datos á web de Meteoescolas.
  • Incorporar un sistema automático de medición que permita rexistrar datos meteorolóxicos básicos (temperatura e humidade), con vistas a ser ampliado en vindeiros cursos (pluviometría e dirección e velocidade do vento).

En relación co anterior aproveitamos para informar que este curso o noso centro incorporouse á rede estatal de centros Educacont, da cal somos o primeiro centro de Galicia en participar. O obxectivo principal de dita rede é o estudo da contaminación na contorna dos centros escolares para o cal instalouse un sistema de control baseado en Arduino alimentado por enerxía solar, xunto cos seus correspondentes sensores e cuxos datos pódense consultar en tempo real nesta páxina.

meteoescolas_20-21.jpg

Instalación por parte dos responsables do alumnado da aplicación Abalar Móbil

Lembramos que, tal e como se informa todos os anos ao inicio do curso, está a disposición dos pais, nais e responsables legais do alumnado do IES Manuel García Barros a aplicación para smartphones “Abalar Móbil”. A partir da mesma poderase acceder, entre outros, aos seguintes servizos básicos relacionados co alumno/a:

  • Cualificacións académicas.
  • Mensaxes informativas por parte do profesorado, titor e equipo directivo, DE ESPECIAL IMPORTANCIA NO ACTUAL PERIODO DE SUSPENSIÓN DE CLASES.

Pódese obter máis información sobre o Abalar Móbil nas seguintes ligazóns:

Para instalar a aplicación Abalar Móbil pode empregar as ligazóns seguintes:

Smartphone Android Smartphone Iphone

http://play.google.com/store/apps/details?id=es.xunta.edu.abalarmobil

http://itunes.apple.com/es/app/abalarmobil/id660608502

Obradoiro de Cyberseguridade do INCIBE

O pasado xoves 5 de marzo, de 16:00 a 20:00 horas, tivo lugar no noso centro a xornada técnica "Espacios de ciberseguridad para estudiantes” que o INCIBE (Instituto Nacional de Ciberseguridad) está a realizar nalgúns centros de Galicia. Nesta xornada técnica estivo dirixida ao alumnado de bacharelato que cursa as materias de TIC I e TIC II e nela realizaron de xeito práctico e con exercicios reais como funcionan determinados aspectos da ciberseguridade. Estas xornadas son gratuitas, tanto para o centro como para os alumnos, e outorgaráselle un diploma de asistencia ao alumnado participante.

Dende o Departamento de Tecnoloxía, solicitante e coordinador desta xornada no noso centro, agradecer a Cristian, poñente enviado polo INCIBE, a boa dispoñibilidade e o amena, interesante e útil que resultou para o noso alumnado.

Coma sempre, na correspondente galería do Flickr do centro tedes imaxes do envento.

incibe.png

Exposición "Medindo o Universo. A historia das medidas"

Os alumnos e alumnas de Tecnoloxía de 4º de ESO organizaron e montaron os paneis que ata o vindeiro 18 de outubro poderedes observar no andar a carón da Biblioteca coa exposición "Medindo o universo: a historia das medidas". As láminas desta exposición foron impresas á súa vez da exposición homónima do LOMG (Laboratorio Oficial de Metroloxía de Galicia). Agardamos que sexa do voso interese e aprendades moito con ela.

Se queredes consultar online a exposición facede clic aquí.

exposicion_medindo_o_universo.png

Exposición "Científicos Galegos 2008-2018"

Ata o vindeiro luns 6 de maio estarán expostos no hall do primeiro andar do centros os carteis da exposición "Científicos Galegos 2008-2018", cedidos ata esa data pola Real Academia Galega de Ciencias. Nela poderemos aprender sobre a vida e obra de sobranceiros científicos galegos que dende o ano 2008 ata o 2018 foron homenaxeados con motivo do Día da Ciencia en Galicia. Informarvos tamén que o Científico Galego 2019 corresponde á figura do químico Tomás Batuecas.

IMG_20190430_143053_024.jpg

Éxito do alumnado do IES MGB na V competición de robots da UVigo: 1º e 3º postos!

O pasado venres 26 de abril varios equipos formados por alumnos e alumnas de 1º de Bacharelato que cursan Tecnoloxía Industrial I conseguiron un éxito sen precedentes na V competición de robots da Universidade de Vigo: dos 6 equipos que polo noso centro se inscribiron á competición, 5 deles chegaron á final acadando dous deles o 1º e o 3º posto! Cómpre engadir que a esta competición acudiron máis de 150 equipos de institutos de toda Galicia, polo que os seus profesores e resto da comunidade educativa non podemos estar máis orgullosos dos nosos alumnos, independentemente de que acadaran ou non o podio, dado que todos eles amosaron unha gran capacidade de traballo en equipo e de entrega por acadar este gran éxito para o centro.

Parabéns e bravo por eles!!

Notas de prensa:

ganhadores_v_competicion_robots_uvigo2.jpg

Visita de estudos do alumnado de Tecnoloxía e Tecnoloxía Industrial Ás Pontes

O pasado martes 23 de xaneiro, o alumnado que curso Tecnoloxía de 4º de ESO  e Tecnoloxía Industrial I e II de Bacharelato participou dunha visita de estudos ao Concello das Pontes. Neste importante concello industrial puideron ver de primeira man o funcionamento da central térmica de carbón e a de ciclo combinado, así como importantes empresas de mecanizado de madeira (Areda) e metal (Prometal). Dende aquí dar as grazas ao departamento de turismo do Concello das Pontes polas xestións que nos facilitaron estas visitas.

foto_grupo.jpg

A nosa maqueta

O pasado luns 4 de decembro inauguramos a maqueta do noso concello realizada polo alumnado de Volume de 1º de Bacharelato co profesor Mariano Casas.

Máis información sobre as súas características e proceso de elaboración nesta ligazón.

Parabéns aos autores!

IMG-20171212-WA0004.jpg

Éxito do alumnado do IES Manuel García Barros na III competición de robots da Universidade de Vigo

Podemos estar ben orgullosos do alumnado de 1º de BAC que cursa as materias de Tecnoloxía Industrial I e TIC I e que participou na III competición de robots da Universidade de Vigo o pasado venres 28 de abril.

P70428-141231_0.jpg

Viaxe de 4º de ESO a Milán

Trinta e nove alumn@s de 4º de ESO viaxaron o domingo pasado a Milán. Están acompañad@s pol@s profesor@s Chelo Vázquez, Mariano Casas e X. Xosé Pérez. Estarán de volta o vindeiro venres 21 de abril. Agardamos que o pasen moi ben e aprendan moitas cousas!

Milán.jpg

Visita do alumnado de Tecnoloxía Industrial II a TELEVÉS

O pasado venres 17 de marzo o alumnado de 2º de Bacharelato que cursa Tecnoloxía Industrial II realizou unha visita guiada ás instalacións da empresa de telecomunicacións TELEVÉS, situada en Santiago.

WhatsApp Image 2017-03-20 at 10.35.00.jpeg

Alerta meteorolóxica

A Consellería acaba de informar dunha alerta meteorolóxica que afecta, entre outros, ao concello da Estrada. Por conseguinte, e tras recibir instrucións de Xefatura Territorial:

1. Non se suspenden as clases.
2. Suspéndese o transporte escolar entre mañá ás 12:00 horas e o xoves á mesma hora.
3. Suspéndense as actividades no exterior.

Máis información nesta ligazón.

El Mehdi Nabaoui título nacional nos 3.000 metros

De novo o noso alumno de 1º de ESO El Mehdi Nabaoui acaba de conseguir o título de campión nacional cadete nos 3.000 metros lisos. Foi no Campionato de España de Pista Cuberta disputado o pasado fin de semana en Antequera.

Parabéns a El Mehdi e ao CD San Paio!

Máis información nesta ligazón.

Mabaoui.jpg

Proxecto IRIS

O Proxecto Iris, integrado en Erasmus+, consiste na promoción da prevención contra o racismo, a violencia e a intolerancia no deporte (escolar e infantil en xeral). O noso profesor Mariano Casas participou a través da USC elaborando un cómic que se pode descargar nesta ligazón.

lris_logo.png

Xornada sobre Olimpio Arca e o teatro escolar

Alumnado de 1º e 3º de ESO do noso instituto a cargo do departamento de Lingua e Literatura Galega participaron onte na xornada sobre Olimpio Arca e o teatro escolar. O Faro de Vigo faise eco da noticia.

Olimpio.jpg
Distribuir contido