Finalistas no concurso de poesía ANOMAR

A nosa alumna Ainhoa Pereiras Mosquera de 1º ESO C e a profesora Teresa Iglesias foron finalistas no concurso de poesía ANOMAR.

Parabéns ás dúas!

Vacacións de Nadal

Segundo o Calendario Escolar para o curso 2016/17 nos centros docentes públicos, aprobado pola Consellería de  Cultura, Educación e Ordenación Universitaria, as vacacións de Nadal abranguerán do 22 de decembro de 2016 ata o día 6 de xaneiro de 2017, ámbolos dóus inclusive.

Gústanos o Nadal!

Pois iso, porque nos gusta o Nadal queremos axudarvos a facer un agasallo moi especial.

Por que non regalar un anaquiño de tempo...

Escolle un libro da biblioteca, un que che gustara e queiras compartir cunha persoa especial *, lévao en préstamo para as vacacións, ofrécello, que o disfrute e, iso si, á volta de xaneiro devólvelo.

Ata cho imos envolver en papel de regalo! 

Recomendacións de libros e cine para o Nadal

Captura de pantalla 2016-12-16 20.02.09.png

Como en anos anteriores, os IES da Estrada veñen de elaborar unhas recomendacións de lecturas (narrativa e cómic) e cine para estas vacacións de Nadal. Podes botarlles unha ollada e descargalas en arquivo *.pdf picando na ligazón:

Renovación parcial do Consello Escolar

Pulsando neste enlace accédese á composición actual do Consello Escolar do centro trala celebración de eleccións para a renovación parcial dos seus membros.

As nosas alumnas na "Festa da Poesía"

FestaPoesia2016_0.JPG

O pasado venres, día 2 de Decembro, celebrouse a "Festa da Poesía" ao mesmo tempo que se entregou o 2º Premio de Poesía "Avelina Valladares" á gañadora deste ano, Rocío Leira Castro, polo poemario INEM. Nesta festa colaboraron recitando sendos poemas as alumnas deste Centro: Ainhoa Vivel Couso, Paula Fernández Miguens e Lucía Liste Prieto.

Renovación parcial do Consello Escolar: Votacións

Celebradas as distintas votacións para a elección de membros do Consello Escolar do centro a participación dos votantes foi a seguinte:

  • Profesorado: 82,6%
  • Alumnado. 68,4%
  • Pais/Nais: 3,9%

A profesora Teresa Iglesias no certame "Cores con palabras"

IMG-20161201-WA0000.png

A profesora Teresa Iglesias Yugat resultou gañadora do certame "Cores con palabras" na categoría de poesía polo seu traballo "Rapsodia dun fado". Trátase dun premio convocado pola Asociación Galega das Artes, coa colaboración do concello da Estrada e da Consellería de Cultura. Parabéns!

Máis información nesta ligazón.

Proxecto IRIS

lris_logo.png

O Proxecto Iris, integrado en Erasmus+, consiste na promoción da prevención contra o racismo, a violencia e a intolerancia no deporte (escolar e infantil en xeral). O noso profesor Mariano Casas participou a través da USC elaborando un cómic que se pode descargar nesta ligazón.

Xornada sobre Olimpio Arca e o teatro escolar

Olimpio.jpg

Alumnado de 1º e 3º de ESO do noso instituto a cargo do departamento de Lingua e Literatura Galega participaron onte na xornada sobre Olimpio Arca e o teatro escolar. O Faro de Vigo faise eco da noticia.

A profesora Magaly Barreiro no CEIP do Foxo

thumb.jpeg

O pasado luns 21 de novembro a profesora Magaly Barreiro visitou o CEIP do Foxo para presentar a súa experiencia en Islandia ao alumnado de 3º, 4º, 5º e 6º de Primaria.

Máis información nesta ligazón.

O MGB nun proxecto mundial de defensa do salmón

DN24C5F1.jpg

Alumnado do IES MGB, baixo a coordinación da profesora Magaly Barreiro, participa nun grupo de traballo internacional de estudio e protección do salmón no Atlántico Norte. Trátase do único representante español neste proxecto vinculado ao programa europeo Erasmus Plus e promovido por un centro escocés.

Máis información nesta ligazón.

Presentación sobre a experiencia do PIALE 2016 do profesor Suso Iglesias

Na ligazón seguinte podes acceder á presentación que o profesor Suso Iglesias elaborou para difundir a súa experiencia en Canadá no marco do Programa integral de aprendizaxe de linguas estranxeiras (PIALE).

Hoxe luns, hora de ler a 6ª hora

Recordámovos que o luns 21 de novembro a 6ª hora teremos a nosa HORA DE LER! Vinte minutos para ler o que ti queiras!

Neste doc pódese ver o calendario anual das horas de lectura.

Charla do profesor Suso Iglesias

O vindeiro mércores 23 de novembro o profesor Suso Iglesias dará unha charla sobre a súa experiencia en Canadá no marco do PIALE, Programa integral de aprendizaxe de linguas estranxeiras. Será no segundo recreo na aula de usos múltiples.

Distribuir contido