Recomendacións de lectura para o Nadal 2020

Como en anos anteriores, os IES da Estrada veñen de elaborar unhas recomendacións de lecturas (narrativa e cómic) para estas vacacións de Nadal. Podes botarlles unha ollada e descargalas en arquivo *.pdf picando nesta ligazón.

Lembra que podes levar libros en vacacións!

Captura de pantalla 2020-12-22 a las 11.16.49.png

Alumnado do MGB premiado no II Certame Escolar de Podcasts en Galego Xosé Mosquera Pérez

Xián Fernández Andrade, Ana Gestoso Froján, Andrea Martínez Ruso e Henar Rodrigo Pérez, alumnas e alumnos de 2º de Bacharelato de Artes durante o curso pasado, veñen de recibir o Premio especial 25 Aniversario Ponte nas Ondas no II Certame Escolar de Podcasts en Galego Xosé Mosquera Pérez, co seu traballo Morriña, que podedes escoitar na seguinte ligazón:

Parabéns aos galardonados!!

Outras ligazóns:

Agasallo a Manuel Abelleira

Manuel Abelleira, ex alumno do centro, vén de recoller un pequeno agasallo dos profesores de Fundamentos da Arte e Antropoloxía para agradecerlle as charlas impartidas ao alumnado sobre a súa experiencia como arqueólogo en Exipto.

ManuelAbelleira.jpeg

As gardas activas do MGB na prensa

A iniciativa Gardas Activas do departamante de Educación Física do MGB en prensa:

GardasActivas.png

GARDAS ACTIVAS: proposta de actividade no interior

Dentro das iniciativas do contrato programa que tenta incrementar a actividade física durante o horario lectivo, presentamos un video de baile, realizado por alumnado voluntario de 2º de bacharelato, adaptando un coñecido baile para poder practicar na aula, cando chove, sen moverse do posto (cumplindo coas medidas de seguridade para a prevención da COVID-19):

Distribución de máscaras entre o alumnado da ESO

A Consellería publicou a Orde pola que se regula o procedemento para a distribución de máscaras entre o alumnado da ESO no curso 2020-2021 (código de procedemento ED330E).

O prazo de solicitude será do 16 ao 27 de novembro de 2020 (ambos inclusive).

  • Non ten que presentar solicitude e terá dereito ao reparto de máscaras  todo o alumnado beneficiario do Vale de Axuda de Material Escolar no presente curso.
  • Poderá presentar a solicitude:
    • Alumnado de familias con renda per cápita igual ou inferior a 6000 €. e que non obtivo vale de material. (A renda que se ten en conta é a do ano 2018).
    • Alumnado matriculado en Educación Especial.
    • Alumnado suxeito a tutela ou garda da Xunta de Galicia.
    • Alumnado cun grao de discapacidade igual ou superior ao 65%.

A solicitude deberá presentarse na secretaría do centro mediante os Anexos I e II  da convocatoria xunto coa copia do libro de familia onde figure o alumno e o resto de membros da familia. No caso de separación ou divorcio deberá achegar copia da sentencia.

Videoconferencia do Programa A Ponte entre o Ensino Medio e a USC

O xoves, 5 de novembro, participaron Pili Meijome e Augusto Otero no desenvolvemento da xornada do programa A Ponte entre o Ensino Medio e a USC.

Na seguinte ligazón pódese acceder a toda a información transmitida polo profesor Celso Rodríguez Fernández, Coordinador do Programa e Delegado do Reitor da USC para asuntos de Ensino Medio:

Escola de Familias: "A educación a distancia"

O Centro de Formación e Recursos (CFR) de Pontevedra ofrece ás familias a posibilidade de formación no seu acompañamento ao alumnado e no coñecemento das ferramentas tecnolóxicas que enriquecen a experiencia de aprendizaxe dende os fogares.

Máis información, vídeos e titorias na aula virtual do CFR de Pontevedra nesta ligazón.

EscolaFamilias.png

A ROUPA NON TEN XÉNERO NO MGB

As redes sociais funcionan hoxe, 4 de novembro, para unha boa causa. A través delas xurdiu un movemento contra a homofobia e o sexismo que tenta que a mocidade se esqueza dos estereotipos e baixo o lema ‘A ROUPA NON TEN XÉNERO’ mobilizouse á xuventude en xeral a vestir con saia. O noso alumnado non podía ser menos e foron varios os e as que trouxeron esta indumentaria. NORABOA por ese éxito de convocatoria!!!!!!

Máis imaxes deste día nesta ligazón.

roupasenxenero.jpeg

RETO ACTIVO MGB

Este curso no que precisamos coidar a nosa saúde máis que nunca, o departamento de educación física de MGB, queremos animarvos a facer actividade física en familia.

O beneficio da actividade física está demostrado en todas as idades e neste curso o alumnado deste centro pode sumar puntos en EF movéndose coa súa familia.

MOITO ÁNIMO E A MOVERSE!



Videoconferencia de 2º ESO con Marisol Soengas

Hoxe tivo lugar unha videoconferencia simultánea dos tres grupos de 2º ESO coa científica galega Marisol Soengas. Na actualidade Marisol é directora do CNIO (Centro Nacional de Investigaciones Oncológicas) e vén de recibir a medalla "Fritz Anders 2019" pola súa contribución á investigación do melanoma e polos seus avances nos tratamentos deste tipo de tumor.

Agradecemos a súa xenerosidade e dispoñibilidade.

Nova_0.JPG

Hora de ler, luns 26 a 4ª hora

O vindeiro luns 26 de outubro a 4ª hora, 11:35 h., temos Hora de Ler. Nas aulas da ESO, alumnos e profesores disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.

Recorda que a próxima semana terás outros 20 minutos. Consulta o calendario, porque sempre cambia.

IMPORTANTE: comunicacións relativas á COVID-19

Todas as comunicacións relativas á COVID-19 deben realizarse a través do seguinte enderezo electrónico:

coordinacion-covid@iesgarciabarros.org

Información Departamento de Orientación

O Departamento de Orientación quere achegar ás familias o traballo que se fai nas horas de titorías, por exemplo:

-Actuacións relacionadas coa seguridade e coa saúde, con actividades e hábitos de coidado e protección.

- Actividades que favorecen a expresión das emocións, as competencias emocionais e a súa regulación.

- Actividades para aproveitar e fortalecer as capacidades resilientes.

- Desenvolvemento de pensamentos positivos e busca de solucións intelixentes para favorecer o benestar emocional.

Queremos atender ás necesidades socio-emocionais do alumnado (actuais e futuras) que xurdan a consecuencia da situación socio-sanitaria.

Distribuir contido