Dende a MegaBiblioteca, no Día Internacional da Eliminación da Violencia contra as Mulleres propoñemos un concurso sobre datas e feitos que invitan a reflexionar sobre a nosa sociedade e saber de onde vimos para entender o presente e mellorar o noso futuro.

   Só tes trece preguntas que investigar nas que non hai máis resposta ca un número. Enche o formulario e mándao ata o 30 de novembro. As tres primeiras persoas que acerten recibirán un agasallo.

Enlace ao formulario Violencia en números

   Grazas a un planetario portátil, que enchía o ximnasio, o noso alumnado de 1º, 2º e 3º de ESO disfrutou dun paseo polo universo aprendendo como se moven as estrelas de forma aparente, e os planetas, observando as fases da Lúa e coñecendo a nunca vista cara oculta do noso satélite.
Grazas, Íñigo, polas túas explicacións nesta Semana da Ciencia.

   Xa están dispoñibles as imaxes das xornadas do proxecto de Intercambio de Centros "Grecia e Roma nas túas mans".

   Despois de dous duros anos nos que se afrontou o reto da pandemia, no día de hoxe, Venres 11 de Novembro do 2022, tivo lugar a celebración do “Magosto”. Contamos con música tradicional, xogos populares (para o alumnado da ESO a 3ª e 4ª horas) e degustación de castañas asadas entre as 12:45 e as 14:15 horas. O tempo acompañou e foi unha xornada que retoma as nosas costumes tradicionais. Nos próximos días colgaremos un álbum de fotos da xornada.

   A prensa local faise eco das actividades realizadas no proxecto de agrupación de centros “Grecia e Roma nas túas mans”. Podedes ler a nova no Faro de Vigo.

   O xoves 3 de novembro, no primeiro recreo, celebramos o día de Neira Vilas coa identificación da oliveira que o escritor prantou ao visitar o noso centro en 2010.

   Acompañaranos Fernando Redondo, presidente da Fundación Xosé Neira Vilas.

   Hoxe celebramos o Día da biblioteca escolar coa visita do escritor Xosé Luna Sanmartín, que compartirá con nós a xornada. No segundo recreo falaranos sobre a súa experiencia coa literatura e entregará os diplomas aos axudantes da biblioteca do curso pasado en presencia do alumnado de 1º de ESO.

   Nesta derradeira semana de Setembro comezou Hora de Ler. Nas aulas da ESO, alumnos e profesores disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.

O xoves 8 de setembro comeza o novo curso escolar. As presentacións levaranse a cabo os días 8 e 9 co seguinte horario:

• (*) As presentacións de 1º de ESO comezarán cunha pequena reunión  do Equipo Directivo e os titores coas familias que poidan asistir, e continuará coa recepción do alumnado.
• O mercores 7 de setembro ás 9:30 informarase ás familias, a través do Abalar Móbil, dos grupos de alumnado. Para calquera cuestión sobre o tema poderán dirixirse á dirección ese mesmo día, entre ás 10:00h e as 13:00h.

Reparto de libros do Fondo Solidario para o alumnado da ESO

O reparto de libros do Fondo Solidario de Libros da ESO realizarase o día 9 de setembro nos seguintes horarios:

O alumnado, dentro da franxa horaria asignada, deberá traer o documento coa adxudicación que se lle entregará durante as presentacións asinado polo seu pai, a súa nai ou titor legal, ir á conserxería onde lle farán unha copia do mesmo e lles indicarán a onde dirixirse.

Reparto de libros de ANPA para o alumnado de Bacharelato

O reparto de libros do fondo da ANPA para o alumnado de Bacharelato realizarase:

• o próximo venres, 9 de setembro, en horario de 16:30h a 18:30, na Aula de Desdobre que está ao lado da Sala de Profesorado.

• e durante os recreos do luns, 12 de setembro.

Recordamos que o alumnado deberá traer o documento que se lle entregará durante as presentacións asinado polo seu pai, a súa nai ou titor legal.