Teresa Iglesias gañadora do María Mariño de poesía

A profesora Teresa Iglesias Yugat acaba de gañar o primeiro premio de poesía María Mariño convocado pola asociación Teenses pola Igualdade. A obra premiada é "Nos arrabales do tempo".

Parabéns!

Máis información nesta ligazón.

Listaxe definitivo de admitidos en 1º de Bacharelato para o curso 2017/18

Unha vez transcurridos os prazos legais para a interposicion de reclamacións á listaxe provisional de admitidos, procedemos a publicación da listaxe definitiva de admitidos en 1º de bacharelato para o vindeiro curso e que non sufre variacións con respecto á anterior.

LISTAXE DEFINITIVO

Aquel alumnado que resultou excluído quedará en lista de espera e poderá optar por matricularse no seguinte centro que ten solicitado ou esperar a setembro cando xa se sepa o numero total de prazas dispoñibles no noso centro unha vez feitas as avaliacións. A matrícula noutro centro educativo supón a exclusión inmediata da lista de espera no noso centro.

LISTA DE ESPERA

2º de bacharelato: calendario fin de curso, notas, reclamacións, premios extraordinarios e probas ABAU 2017

Nesta ligazón podedes consultar todo o referido ao calendario fin de curso para o alumnado de 2º de Bacharelato e a convocatoria de premios extraodinarios.

Nesta outra ligazón podedes consultar o referente ao depósito do título de Bacharelato e a matrícula nas ABAU para ir á Universidade.

Notas de pendentes

Dende hoxe, luns 8, podedes consultar as notas finais das materias pendentes falando directamente cos respectivos xefes de departamento.

Visita ao Museo de Historia Natural

MHN2_0.JPG

O pasado xoves 4 de maio o alumnado de 1º de ESO viaxou a Santiago a visitar o Museo de Historia Natural da USC. Realizaron distintas actividades no propio museo e aprenderon sobre as árbores do xardín que o rodea. Estiveron acompañados pol@s profesor@s Dolores Catro, Marisa Otero e Ramón Aller.

O MGB nos Ludi Compostellani

Éxito do alumnado do IES Manuel García Barros na III competición de robots da Universidade de Vigo

P70428-141231_0.jpg

Podemos estar ben orgullosos do alumnado de 1º de BAC que cursa as materias de Tecnoloxía Industrial I e TIC I e que participou na III competición de robots da Universidade de Vigo o pasado venres 28 de abril.

Concurso "Coida a túa lingua" (2ª temporada). A televisión.

Castrapo.3.PNG

O Equipo de Normalización acaba de convocar o concurso, destinado este curso a recoñecer e corrixir erros lingüísticos cometidos nalgúns dos programas máis populares da nosa televisión pública. Podes acceder ás bases e á ficha de participación desde esta ligazón.

Estatísticas da 2ª avaliación do curso 2016-17

Gráfica de resultados da 2ª avaliación do curso 2016/17.

Minisagas

Minisagas Winners

Co gallo da celebración do día do libro no centro, o departamento de inglés aproveitou a ocasión para facer entrega dos premios do concurso de Minisagas.

Noraboa aos gañadores e grazas a todos os participantes e ao xurado de profesores colaboradores dos outros departamentos.

Podes ler as historias gañadoras picando AQUI.

Listaxe provisional de admitidos en 1º de Bacharelato para o curso 2017/18

Á vista das solicitudes de admisión presentadas, e unha vez determinada a puntuación resultante de aplicar os criterios de baremo procédese á publicación dos listados  provisionais de admitidos e non admitidos en 1º de bacharelato para o curso 2017/2018.

Contra esta resolución provisional pódese formular reclamación no prazo de 5 días hábiles ante o Consello Escolar do centro.

Listado provisional  de ADMITIDOS.

Listado  provisional de NON ADMITIDOS.

Aquel alumnado que resulte excluído quedará en lista de espera e poderá optar por matricularse no seguinte centro que ten solicitado ou esperar a setembro cando xa se sepa o numero total de prazas dispoñibles no noso centro unha vez feitas as avaliacións.

Día do Libro 2017 (23 de abril) - "Leo pola cara"

Cartel Día do libro 2017.png

Celebrarémolo na semana do luns 24 de abril ate o venres 28 de abril, e haberá actividades nos segundos recreos de toda a semana.

Contido da charla da ABAU 2017

Logo da charla organizada polo Departamento de Orientación e impartida polo profesor Augusto Otero (21 de abril) para o alumnado de 2º Bacharelato sobre a normativa vixente e aspectos prácticos da ABAU, adxuntamos ficheiro do contido da mesma que pode ser consultado neste documento.

Alumn@s de Xeoloxía en Santiago

Bioloxía3_1.jpg

O pasado martes 4 de abril o noso alumnado de Xeoloxía de 2º de Bacharelato viaxou a Santiago, acompañado pola profesora Magaly Barreiro Ponte, para realizar dúas actividades: un paseo petrolóxico pola cidade e unha visita á Facultade de Bioloxía da USC. Nesta última, tiveron ocasión de coñecer a biblioteca e tres dos seus laboratorios: Xeoloxía e Edafoloxía, Bioloxía Funcional e Microbioloxía e Parasitoloxía, onde tiveron unha pequena toma de contacto coa investigación.

Viaxe de 4º de ESO a Milán

Milán.jpg

Trinta e nove alumn@s de 4º de ESO viaxaron o domingo pasado a Milán. Están acompañad@s pol@s profesor@s Chelo Vázquez, Mariano Casas e X. Xosé Pérez. Estarán de volta o vindeiro venres 21 de abril. Agardamos que o pasen moi ben e aprendan moitas cousas!

Distribuir contido