Admisión de alumnado para o curso 2022-2023

Todo o alumnado que fixo a solicitude de admisión, dentro do prazo establecido, está admitido no centro para o curso 2022-2023.

As solicitudes fóra de prazo están á espera da resolución por parte da Inspección Educativa.

* O alumnado que veña para 1º de bacharelato debe ter en conta o prazo excepcional este ano (só ata o 12 de maio) para a solicitude de bolsa (beca) para o curso que ven. Se non foron informados no seu centro actual consulten a noticia publicada un pouco máis abaixo nesta web.

Viaxe a Valencia, proxecto "Grecia e Roma nas túas mans"

Durante os días 6, 7, 8 e 9 de abril, o alumnado de Latín de 1º e 2º de Bacharelato realizou unha viaxe de estudos a Valencia dentro do proxecto estatal de agrupación de Centros "Grecia e Roma nas túas mans", do que forma parte o MGB xunto cos centros IES 9 d’OCTUBRE de Carlet (Valencia) e o IES Sáenz de Buruaga de Mérida. Estiveron acompañados polos profesores Marisa Otero e Álvaro P. Vilariño.

O primeiro día tivo lugar unha visita guiada polo centro da cidade de Valencia: torres de Serrano, pazo da Generalitat, catedral, Lonxa, e outros monumentos e lugares de interese. O xoves achegámonos ata o Museo arqueolóxico de Alicante e o castelo de Santa Bárbara, e xa pola tarde, ao VilaMuseu de La Vila Joiosa. O venres foi o día dos Ludi Saguntini, onde despois de realizar varios obradoiros (latine loquendo, escritura) subimos ata o teatro de Sagunto para ver a representación dunha obra de Plauto, a Aulularia. Na baixada, parada na Domus Baebia, aula didáctica de Cultura Clásica. A tarde foi para a visita á praia da Malvarrosa e de novo o centro de Valencia. Despedimos a esta fermosa cidade o sábado, coa visita ao Oceanográfic e á cidade das artes e das ciencias.

Neste álbum de Flickr pódense ver as imaxes da viaxe.

Charla de Economía - Programa Eduemprende

Este martes 19 de abril, o alumnado de 1º e 2º de bacharelato de Economía asistíu no salón de actos do centro a unha charla organizada pola Consellería de Educación dentro do Programa Eduemprende en colaboración con Afundación (Obra Social ABANCA).

A ponente foi Carlota Sánchez Puga, coordinadora adxunta da Área de Educación Superior de Afundación e a temática da mesma “Tendencias económicas que van marcar a economía do futuro”, resoltou de gran interese para o alumnado.

Sendeirismo no MGB, conmemorando o Día Mundial da Actividade Física

Ao longo deste mes de abril, o noso centro concentrará a posta en común das iniciativas realizadas dentro do proxecto EDUsaúde de promoción de estilos de vida activos e saudables, realizadas este curso no IES Manuel García Barros.

O mércores 6 de abril conmemórase o Día Mundial da Actividade Física e dende o proxecto EDUsaúde promovéronse camiñatas seguindo a Ruta da Zona Deportiva, na contorna do noso centro. Aproveitando o bo tempo o profesorado de educación física, nas súas clases, e tamén todos profesorado do centro nas gardas activas, estivemos a camiñar nos últimos días, conseguindo sumar máis movemento na nosa xornada escolar.

Podedes ver todas as imaxes neste álbum de Flickr.

Nesta última semana da avaliación tentaremos sumarnos a máis iniciativas activas como as xornadas activate  ou "baila la pena" de Macaco, promovidas pola Fundación Gasol.

Convocatoria de bolsas de estudos (becas) para o curso 2022-2023

Esta convocatoria do Ministerio de Educación é só para alumnado que para curso 2022-23, vaia cursar bacharelato, un ciclo formativo ou unha carreira universitaria.

(É dicir, pode solicitarla alumnado que agora mesmo está cursando 4º de ESO, 1º ou 2º de Bacharelato)

Atento/a, porque o prazo para solicitar bolsas de estudos (becas) para o curso 2022-2023 adiantouse: é do 30 de marzo aó  12 de maio de 2022.

Debes solicitar a túa beca dentro deste prazo, aínda que non sepas qué vas a estudar, ou incluso se non sabes con seguridade se vas a estudar ou non. Pon os estudos que consideres máis probables e sobre setembro poderás cambialos.

Toda a tramitación tense que facer obrigatoriamente online na sede electrónica do Ministerio de Educación (no centro non hai que facer nada)

Tes toda a información necesaria neste enlace.

Viaxe a Madrid (Xeografía e Historia)

Do 31 de marzo ao 3 de abril. Fomos ao museo Thyssen e ao Museo arqueolóxico nacional. Tamén visitamos o Prado e o Museo Reina Sofía. Tivemos unha fabulosa guía de arte, a nosa compañeira Beatriz Mera.

Paseamos polas rúas de Madrid e o Retiro, onde algúns alumnos pasearon en barca. Visitamos o sorprendente Xardín Botánico. Pudemos observar monumentos emblemáticos como a porta de Alcalá, o Ayuntamiento, e por suposto, "pateamos" as rúas de Serrano, a Castellana e estivemos na praza de Colón onde puidemos disfrutar da xigantesca imaxe de "Julia" de Plensa. Tamén visitamos a Real Academia de Bellas Artes de San Fernando cunha magnífica e sorprendente colección de pinturas e de grabados (Goya, Picasso...). Fomos unha noite ao teatro a ver "La Gran Depresión", de Nuria Roca e Antonia San Juan. Por suposto, paseamos pola Gran Vía, Puerta del Sol, Plaza Mayor, mercadillo de San Miguel, etc.

O comportamento dos nosos alumnos, como sempre, foi espectacular." Podedes ver as imaxes neste álbum de Flckr.

Imaxes viaxe a Madrid (Bacharelato de Artes)

Xa están subidas a este álbum de Flickr as imaxes da viaxe a Madrid do bacharelato de Artes.

Charlas de Ciencias da Terra e do Medioambiente (CTMA)

Este mércores 30 de marzo o alumnado de 2º bacharelato de Ciencias da Terra e do Medioambiente asistiu a 2 charlas organizadas pola Universidade de A  Coruña dentro do programa Charlas de Divulgación Científica 2021/2022

O ponente foi o o catedrático da UDC  na área de Enxeñaría Química o Dr. Manuel Soto Castiñeira.

A primeira charla tratou sobre a depuración ecolóxica con xuncos, espadanas e carrizos, sendo unha das principais liñas de investigación do grupo de Enxeñaría Química Ambiental. Este sistema de depuración por humedais elimina os principais contaminantes das augas residuais: materia orgánica, sólidos en suspensión, nitróxeno, fósforo e mesmo contaminantes emerxentes como son os farmacéuticos. A segunda charla foi sobre "O lixo-retrete, da túa man ao mar. Como previlo? onde se mostrou como moito do lixo recollido nas nosas praias procede das nosas casas.

Charla sobre o consumo responsable e sostible

Hoxe, mércores 30 de marzo, o alumnado de 4º ESO e 1º Bacharelato na materia de Economía participou nun charla impartida pola Escola Galega de Consumo sobre Consumo responsable e sostible, Etiquetado dos alimentos e a Axenda 2030.

Jugger nas clases de educación física

A pasada semana o alumnado de primeiro de bacharelato do noso centro recibiu a visita de dous profesores convidados dentro do proxecto de promoción de estilos de vida saudables, EDUsaúde.

Lucy e Roi, da Asociación Xuvenil A Estación, explicaron en que consiste esta actividade deportiva, trouxeron os materiais, fixeron xogos e participaron activamente nun encontro de Jugger.

A experiencia, enmarcada dentro da iniciativa do departamento de educación física de promocionar as actividades físicas na contorna, resultou moi positiva e esperamos que axude a que o alumnado atope unha opción para desfrutar do seu tempo de ocio dun xeito activo.

Podes ver máis imaxes e un pequeno vídeo deste evente neste álbum de Flickr.

Escola de familias

Neste arquivo pódese atopar o programa da Escola de familias que se vai a desenvolver proximamente e no que está convidada a participar toda a comunidade educativa .

O programa consta dun ciclo de conferencias e obradoiros, combinando as modalidades en liña e presencial. 

Visita ao Parlamento de Galicia

O luns 21 de marzo os alumnos de 1º Bacharelato da materia de Economía visitaron o Parlamento de Galicia.

Durante o percorrido aprenderon as funcións, a organización e a historia da institución; accederon as dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde protagonizaron un breve debate parlamentario.

Acompañaron aos alumnos as profesoras Fina Brea e Raquel Carballo.

Podes ver todas as fotos neste album de Flickr.

Día da muller no MGB

Para conmemorar o Día da Muller, o alumnado de Lingua castelá e Literatura de 1º ESO fixo uns carteis con imaxes de mulleres importantes nos ámbitos da arte, da escritura, da ciencia e do deporte. Seleccionamos doce en cada caso, aínda que sabemos que poderiamos incluír moitísimas máis nestas fiestras moradas. Podedes ver os carteis no corredor de 1º.

Charla da USC para o alumnado de 2º BAC

Mañá venres 11 de marzo terá lugar a charla da USC, organizada polo departamento de Orientación, para o alumnado de 2⁰ BAC co seguinte horario:

- 11:35-12:25: 2º BAC C e D. 

- 12:45-13:35: 2º BAC A e B.

Visita de alumnado de 2º BAC a Santiago

O mércores 9 de marzo o alumnado de Xeografía, Patrimonio e Historia da Arte viaxaron a Santiago.

Os alumnos de xeografía participaron na Olimpiada de Xeografía que tivo lugar na facultade de Xeografía e Historia da USC.

Ao mesmo tempo o resto do grupo visitou a catedral, as súas cubertas, o museo e o pazo de Xelmírez.

Remataron a xornada cunha visita guiada ao Pórtico da Gloria.

Podes ver máis imaxes neste álbum de Flickr.

Distribuir contido