Os alumnos e alumnas de Linguaxe e Práctica Musical en 1º BAC visitaran Santiago o xoves 1 de marzo. O obxectivo é doble. Por unha banda asistirán ao concerto dun quinteto de vento  no Teatro Principal.

Completando a viaxe tiñan previsto visitar as cubertas da Catedral Compostelana pero as condicións climáticas obrigaron a cambiar o plan. Visitarase o Museo da citada Catedral.

Coordinan e acompañan as profesoras María Pazos ( Música) e Uxía Cagiao ( Historia)

Ondas do mar de Vigo…

O pasado venres 9 de febrero, os alumnos de Historia da Música e da Danza e de Xeografía e Historia de Galicia, acompañados polas profesoras Blanca Bello e Beatriz Vázquez, foron visitar as paisaxes que inspiraran, hai oito séculos, a algúns dos xograres máis importantes da nosa terra…  

Monte de   A Guía                                                                                                                                  

O Castro

… para facerlle unha visita ao Pergamiño Vindel ao Museo do Mar de Galicia, onde se atopa temporalmente chegado dende Nueva York.  Foron moi afortunados por poder ter observado en primeira liña ese valioso documento que contén as Cantigas de Amigo de Martín Códax. Seica o anaquiño de tempo compartido con el foi pequeño, pero valioso e proveitoso, xa que, transportáronse ao século XIII coñecendo características importantes do contido do Pergamiño e rasgos interesantes sobre a cultura da súa época. 

Incluso dous valentes alumnos probaron sorte como amanuenses no scriptoria… 

Complementando a visita ao Pergamiño Vindel, fíxose unha excursión pola cidade de Vigo e os seus arredores, contemplando as paisaxes que inspiraran aos xograres da zona… 

Que fai un aguiar coma ti nun vales como iste? podería ter sido a pregunta que o martes 19 de decembro lles fixeramos aos aluimnos de música de varios cursos do noso instituto.

O certo é que, un ano máis, achegáronse ata o veciño cole do Vales para disfrutar da alegría dos peques e levar o seu bo facer musical. 

Para estes menesteres buscaron unha colaboración moi especial, a do mesmísimo Papá Noel que tocou o baixo e dirixíu ao conxunto. Un Papa Noel, por certo, bastante baixado de peso. 

Non hai xeito mellor para celebrar á música que con música.

Por iso o Departamento agasalla ao alumnado do IES Francisco Aguiar cun pequeno concerto que terá lugar durante o primeiro recreo da ESO no Salón de Actos. Participan alumnos e alumnas de 2º e 4º da ESO dirixidos pola profesora Blanca Bello

No PROGRAMA presentaranse dous básicos da música popular contemporánea:

• Live is Life da banda austriaca OPUS poñerá a enerxía
• Don't worry be happy aportará o "borrollismo" vital do mundo reggae da man de Bob Marley

Un ano máis os alumnos de Música de 4º ESO e 1º BAC, dirixidos pola súa profesora Blanca Bello, agasallarannos cun concerto.

Non é outra cousa que a posta de largo do traballo cotián durante todo un curso. 

O escenario, de luxo:  o Cine Alfonsetti. Praza García Hermanos. Betanzos

O momento, oportuno: xoves 15 de xuño ás 20.00

O mellor público: compañeiros e familias 

AGARDÁMOSVOS!

P.D.

a modo de aperitivo deixámosvos o video do concerto do curso pasado

O pasado  27 de abril, celebramos no Aguiar i en moitos institutos de Galicia un día de música na rúa.

Grazas á iniciativa, que levaba o título de "Musiqueando" , do Departamento de Música poidemos escoitar música nos recreos xunto á cafetería. E do mesmo xeito, recibimos a visita do grupo musical escolar do IES de Boqueixón que tamén nos deleitou cun concerto no porche da biblioteca.

A actividade completouse cunha xornada de convivencia ao mediodía que levou aos convidados e aos anfitriones de 4º da ESO do Aguiar a compartir comida e visita a Betanzos baixo a atenta mirada das profesoras Blanca Bello e Teresa Bellón. 

O venres 19 de maio os participantes de 4º da ESO devolven a visita desprazandose ata Boqueixón onde lles agarda tamén actuación, convivencia, comida e interesantes visitas.

Que as aproveiten!

O xoves 27, o instituto Francisco Aguiar non vai estar só cheo de ciencia e tecnoloxía. Como un maravilloso complemento teremos ocasión de celebrar o día da música na rúa.

Con tal motivo alumnos da profesora María P. Pazos , deleitarannos cun pequeno concerto no porche cuberto fronte á cafetería durante o primeiro recreo.

Igualmente teremos ocasión de recibir ao grupo de alumnos de música do IES de Boqueixón. Alumnos e alumnas da profesora Blanca Bello protagonizarán con eles un concerto e unha xornada de convivencia que rematará compartindo unha estupenda tortilla de betanzos marca "Melania_Aguiar". 

Un nutrido grupo de alumnos e alumnas de 4º da ESO e 1º de BAC que cursan a materia optativa  de música no noso instituto, acompañados polas profesoras Blanca Bello e Isabel Andrade, participan o martes 25 de abril nun encontro musical.

O evento reune a formacións músicaias de varios institutos de Galicia que se reunen en Ferrol nunha xornada de música e convivencia. 

Como remate de trimestre, e coa colaboración da Deputación Provincial de A Coruña e o Concello de Betanzos,

organízase na 2º hora do martes 20 de decembro unha  sesión de Jazz no Salón de Actos do noso instituto.

Nel participarán alumnos das materias de música e obradoiros musicais de 4º da ESO e 1º BAC.

O xoves 24 de novembro, ás 12 e media, os alumnos de música de 4º da ESO, xunto coa nosa profesora Blanca Bello, acudimos ao Ceip Vales Villamarín para participar nunha xornada musical con motivo da celebración do III festival “A familia en concerto”, na semana adicada a Santa Cecilia, patroa dos músicos.

Desprazámonos a pé, levando algúns instrumentos do noso instituto e dous amplificadores, que por mor da choiva, tivemos que embolsalos para evitar que ao mollarse se estropeasen. Unha vez alí, só tivemos que colocar o que nós levabamos, pois varios dos instrumentos que necesitabamos xa estaban no escenario postos á nosa disposición polo colexio de primaria.

Interpretamos dúas obras musicais; a primeira foi un fragmento da banda sonora dunha famosa película de vaqueiros “El bueno, el feo y el malo” e a segunda “Beat it” de Michael Jackson.

Ao remate, as profesoras de música do Vales, regaláronnos unha chapa conmemorativa do evento e invitáronnos a unha pequena merenda.

Para nós foi unha boa experiencia e esperamos que aos nenos e nenas de primaria e aos seu profesores lles gustara, pois quedamos con ganas de ter a oportunidade de volver participar noutro momento semellante.

Antón Méndez Fernández ESO 4ºB