O pasado martes, 30 de abril, os alumnos de Linguaxe e práctica musical de 1ºBac, acompañados das da súa profesoras Beatriz García e Blanca Bello, praticiparon no VIII Encontro de alumnos de Música de Secundaria e Bacharelato de Galicia en Santiago de Compostela, organizado por ASOMUSICA, que é asociación de profesores de Música de Secundaria e Bacharelato de Galicia, da cal Blanca é a presidenta.

Os rapaces viviron unha experiencia inolvidable participando no macroconcerto de 4 horas e nos obradoiros de Hip hop e Batucada que se impartiron simultáneamente.

Aqui vos deixamos a mostra das súas actuacións e fragmentos da reportaxe que A Revista da TVG fixo sobre o evento.

Enlace á reportaxe da TVG de 'A revista' onde entrevistan a Blanca Bello Sobral, profesora de música no noso centro e organizadora do evento coma presidenta de ASOMÚSICA.

Enlace á reportaxe da TVG sobre o evento.

Noraboa ao alumnado participante e a profesora Blanca Bello polo seu traballo á hora de educar en algo tan importante e indispensábel como é a Música. 

Compartimos con todos vos a actuación do alumnado de 2º de ESO o pasado xoves 11 de abril. Con esta actuación sacamos a música fóra do aula, tal coma propón a convocatoria feita pola COAEM (Confederación de Asociacións de Educación Musical). Agradecer aos profesores de Música a súa implicación e o seu bó facer na formación musical do noso alumnado. Parabéns!

O vindeiro xoves 11 de abril nos soportais ao carón da Biblioteca durante o primeiro recreo, o alumnado de 2º da ESO únese á convocatoria de Asomúsica (Asociación de Profesores de Música de Secundaria de Galicia) participando na actividade Musiqueando 2019- #nosimportalamusica, organizada pola Confederación de Asociacións de Educación Musical (COAEM).

Por se aínda non coñecedes esta iniciativa, o Musiqueando é unha convocatoria nacional de concertos escolares na rúa que se celebrará simultaneamente en toda España o próximo 11 de abril.

O obxectivo é celebrar un día de festa pola Música escolar e compartilo con toda a sociedade. Para isto só hai que sacar á rúa a música que facemos nas clases e facer un pequeno concerto.

O vindeiro venres 14 de decembro  o alumnado de Linguaxe e Práctica Musical de 1º de BAC asistirá a unha proxección cinematografica en A Coruña para disfrutar ca película biográfica de Freddy Mercury e Queen.

PORQUE AS TRADICIÒNS CANDO TEÑEN SENTIDO É BO QUE SE MANTEÑAN 

2017(ENLACE), 2016(ENLACE), 2015(ENLACE)

PORQUE AS FAMILIAS PODEN ASÍ COMPARTIR OS FROITOS DO TRABALLO COTIÁN AO LONGO DO CURSO

PORQUE NON LLE TEMOS MEDO NIN A UN PARTIDO DA SELECCIÓN NO MUNDIAL

CONCERTO DE FIN DE CURSO, NO ALFONSETTI, MÉRCORES 20 , ÁS 20

O vindeiro xoves, 26 de abril, o Departamento de Música propgrama unha saída didáctica con alumnado de 3º e 4º da ESO.

Trátase dun encontro de grupos de música doutros institutos de Galicia que terá lugar en Vigo.

Acompañados polos profesores Blanca Bello e José Antonio Leira partirán cedo, arredor da 8.00 do noso instituto.

Que sexa fructífera a experiencia!

O martes 3 de abril a práctica totalidade dos nosos alumnos e alumnas de 2º da ESO poderán participar nunha experiencia única.

Viaxarán ata Santiago de Compostela para disfrutar co concerto de percusión que presentan os   percusionistas da Escola de altos estudios musicais, xunto co seu profesor, o percusionista da Real Filharmonía.

O venres 23 o alumnado de música do Aguiar terá que actuar como atento anfitrión .

Recibiremos a visita do alumnado do IES de Ortigueira.

Trátase dunha iniciativa dos Departamentos de Música dos institutos de Galicia para poñer en contacto ao alumnado interesado nesta disciplina artística, potenciar a convivencia e o amor á música.

A nosa experiencia do ano pasado recibindo ao alumnado de Boqueixón (enlace) foi moi gratificante. Coidamos que este ano non será menos encontrándonos con rapaces que teñen cada ano a oportunidade de vivir un dos festivais "míticos" da escea folk, como é o festival de Ortigueira.

NOTA. A imaxe que encabeza esta entrada da web non corresponde aos rapaces que nos van visitar, seica seus bisavós ( jaja)

O  pasado 1 de marzo alumnos e alumnas da materia de Linguaxe e Práctica Musical de 1º BAC disfrutaron en Compostela dunha actividade musical. Acompañaban a visita as profesoras de Música, María Pazos, e Historia, Uxía Cagiao.

O Teatro Principal foi o esceario dun concerto protagonizado por un quinteto de instrumentos de vento.

A viaxe completouse cunha visita ao Museo da catedral compostelá.