Convócase aos pais/nais/titores/titoras do alumnado que cursará 4º de ESO no vindeiro curso 2019/2020, a unha reunión informativa o vindeiro xoves 7 de febreiro de 18:00 a 18:30 no salón de actos do IES Francisco Aguiar para falar da organización dunha 'Viaxe a Londres 2019'.

Comprácenos anunciar os galardoados/as polo seu bó facer e a súa creatividade no Christmas Cards Contest 2018. A  gañadora do concurso é Alba Roca Maceira por unha traballadísima postal cun árbore de nadal. O alumno Etienne Sánchez Porta leva unha mención especial pola estética do seu sinxelo Papá Noel, e L. Valentina Rufino Amor outra mención especial pola simpática mensaxe da súa postal. A eles e a todos os/as participantes gracias por contaxiarnos do seu espírito festivo e por axudar a decorar o centro nestas anheladas (polas vacacións entre outras cousas) datas.

 Preme na fotografía e navega cas frechas. Tamén podes atopar o álbum na galería fotográfica do centro.

Álbum: Actividades 2018-2019 -> Gañadores Christmas cards 2018

Coma vén sendo habitual por estas datas, o departamento de inglés convoca un concurso de postais de nadal na lingua de Shakespeare. Creatividade, bo facer e espírito festivo combínanse nas creacións do alumnado que queremos compartir con vós nestas fotografías. Preme na primeira imaxe e navega cas frechas para visualizalas mellor.

Tamén podes visualizalas na galería fotográfica do centro dentro do apartado Actividades 2018-2019.

Dear students: Great job!

Comeza a chegar algunha fotografía do alumnado de viaxe en Londres. A medida que envíen máis subirémolas á galería fotográfica do centro.  Desexamos que, agora que os problemas ca equipaxe se solucionaron, desfruten sen máis contratempos dunha enriquecedora e agradable experiencia.

Para ver a mellor calidade, pincha na imaxe. A verdade, é que mirando as expresións dos protagonistas da  fotografía só lles falta poñer "Aquí sufrindo".

Corresponde expresar públicamente toda a gratitude á Delegación do Goberno da Coruña polas xestións para axilizar a restitución das maletas á expedición do IES Francsico Aguiar.

A Delegación do Goberno comunicou que as maletas chegaron ao Aeroporto de Gatwick ás 9:55.

Esperemos que pronto dispoñan dos equipaxes no hotel para comodidade de todos, e tranquilidade das familias.

A compañía aérea non embarcou as maletas dos nosos alumnos e profesores por exceso de carga.

Onte, os profesores tiveron que buscar onde conseguir as medicacións dalgúns dos alumnos...e, finalmente, as conseguiron.

Do 10 ao 16 de outubro o Departamento de Inglés organiza unha viaxe a Londres con alumnos/as de 4º da ESO. Acompañan ao alumnado Elvira Charlín, Ana Ruíz, Ana Vicos e José Antonio Varela.

Convócase aos pais/nais/titores do alumnado que participará na Viaxe a Londres 2018 a unha reunión onde se informará do programa da viaxe e diversas recomendacións.

O vindeiro mércores 26 de Setembro ás 16:30 no Salon de Actos do IES Francisco Aguiar.

O martes 24 de abril a  sección bilingüe de matemáticas en 3º e 4º da ESO visita as instalación de Navantia en Ferrol.

Coñecer o mundo do mar e da construcción marítima da man dos expertos, e con explicacións en inglés, é o plan que os alumnos e alumnas da nosa sección bilingüe teñen para este martes. Completarán a xornada cunha visita a Pontedeume. Estarán, en todo momento, acompañados polos seus profesores Elvira Charlín e José Antonio Varela.

Un ano máis (enlace), o Departamento de Inglés do IES Francisco Aguiar organiza para o venres 6 de abril unha sesión de teatro en lengua inglesa que terá lugar no Salón_de_Actos_con_columna_central do noso Instituto. 

Ás 10 e media serán os alumnos e alumnas de 3º da ESO os que poderán disfrutar dista actividade sempre divertida e instrutiva. Ás 12 será o alumnado de 4º da ESO que tome o relevo.